قىتايدىڭ سۋدجوۋ قالاسىندا 19 جاستاعى قازاقستاندىق ستۋدەنت قىز 14-ٸنشٸ قاباتتان قۇلاپ, قازا بولدى, دەپ حابارلايدى قازاقپارات تٸلشٸسٸ.
قايعىلى جاعدايدى قر سٸم باسپاسٶز قىزمەتٸنٸڭ باسشىسى ەنۋار جايناقوۆ راستادى.
«قازٸر بۇل دەرەك بويىنشا قىتاي پوليتسيياسى تەرگەۋ جٷرگٸزٸپ جاتىر. پەكٸستاننىڭ ەكٸ ازاماتى ۇستالدى. كەيٸنٸرەك ولاردىڭ بٸرەۋٸ قولحاتپەن بوساتىلدى. قايعىلى جاعداي تۋرالى شانحاي قالاسىنداعى قازاقستان كونسۋلدىعى انىقتاپ بٸلدٸ. ولار قىزدىڭ تۋعان-تۋىستارىنا حابار بەردٸ. كونسۋلدىق قىزمەتكەرلەرٸ قىزدىڭ اتا-اناسىنا قىتايدان قورعاۋشى تابۋعا قول ۇشىن بەردٸ», - دەدٸ ەنۋار جايناقوۆ.
وقيعا 1 جەلتوقسان كٷنٸ شانحاي قالاسىنان 100 شاقىرىم جەردە ورنالاسقان سۋدجوۋ قالاسىندا بولدى.
1999 جىلى الماتى وبلىسىندا تۋعان ستۋدەنت قىز سۋدجوۋ قالاسىنداعى ۋنيۆەرسيتەتتەردٸڭ بٸرٸندە 2-كۋرستا وقىپ جٷرگەن.
الدىن الا مەلٸمەت بويىنشا, 1 جەلتوقسان كٷنٸ پەكٸستان ازاماتى قازاقستاندىق بويجەتكەن مەن ونىڭ قۇربىسىن ٶز تۋعان كٷنٸن اتاپ ٶتۋگە شاقىرعان. پەتەردە قر-دىڭ ەكٸ ازاماتشاسىنان بٶلەك, تاعى بٸر پەكٸستاندىق بولعان. ەر ادامدار ٸشٸمدٸك ٸشٸپ, قىزدارعا قول جۇمساي باستاعان سوڭ, ولاردىڭ بٸرٸ پەتەردٸڭ بٸر بٶلمەسٸنە قاشىپ كٸرٸپ, ەسٸكتٸ ٸشتەن جاۋىپ العان.
بٸرشاما ۋاقىتتان سوڭ بٶلمەدەن شىققان قىز قۇربىسىنىڭ 14-ٸنشٸ قاباتتان قۇلاپ كەتكەنٸن كٶرگەن.
قر سٸم باسپاسٶز قىزمەتٸ باسشىسىنىڭ ايتۋىنشا, ەزٸرگە قىزدىڭ ٶزٸ سەكٸرٸپ كەتكەنٸ, بولماسا بٸرەۋدٸڭ يتەرٸپ جٸبەرگەنٸ ناقتىلانعان جوق. دەگەنمەن, سوت-مەديتسينالىق ساراپتامانىڭ نەتيجەسٸندە قىزدىڭ بيٸكتٸكتەن قۇلاۋ سالدارىنان كٶز جۇمعانى راستالدى.
ساراپتاما سونداي-اق ونىڭ دەنەسٸندە زورلىق-زومبىلىق بەلگٸلەرٸ بولماعانىن كٶرسەتكەن.
«شانحايداعى قازاقستان كونسۋلدىعى مەن قحر-داعى قازاقستان ەلشٸلٸگٸ بۇل مەسەلەنٸ ٶزٸنٸڭ تٸكەلەي باقىلاۋىنا الدى. مارقۇمنىڭ دەنەسٸ 25 جەلتوقساندا قازاقستانعا جەتكٸزٸلدٸ. وعان قر ەلشٸلٸگٸ بارىنشا كٶمەك كٶرسەتتٸ», - دەپ اتاپ ٶتتٸ ە.جايناقوۆ.
رەسمي ٶكٸلدٸڭ حابارلاۋىنشا, مەرت بولعان قىزدىڭ قۇربىسى سۋدجوۋداعى وقۋىن جالعاستىرۋدا.
