دٷيسەنبٸ كٷنٸ وڭتٷستٸك قىتايداعى شانتوۋ قالاسىنىڭ ماڭىندا بالىق اۋلايتىن قايىقتىڭ سۋ استىنداعى تاستارعا سوعىلۋى سالدارىنان تٶرت ادام قازا تاۋىپ, تاعى تٶرتەۋٸ ٸز-تٷسسٸز جوعالىپ كەتتٸ. بۇل تۋرالى سينحۋا اگەنتتٸگٸ حابارلادى.
وقيعا 21 قىركٷيەك كٷنٸ شامامەن تاڭعى ساعات 6-دا ورىن العان. فۋتسزيان پروۆينتسيياسىنىڭ بالىق اۋلايتىن كەمەسٸ گۋاندۋن پروۆينتسيياسىنداعى شانتوۋ قالاسىنىڭ ناناو ارالىنان وڭتٷستٸك-شىعىسقا قاراي شامامەن 11 تەڭٸز ميلٸ اراقاشىقتىعىندا ريفكە سوعىلعان. قايىقتا 14 ادام بولعان.
گۋاندۋن پروۆينتسيياسىنىڭ تەڭٸزدەگٸ ٸزدەۋ-قۇتقارۋ ورتالىعىنان حابار العان فۋتسزيان پروۆينتسيياسىنىڭ قۇتقارۋشىلارى دەرەۋ ٸزدەۋ-قۇتقارۋ جۇمىستارىنا قوسىلدى.
التى ادام قۇتقارىلعان, تاعى تٶرتەۋٸ ٸز-تٷسسٸز جوعالعاندار قاتارىندا. قازٸرگٸ كەزدە ولاردى ٸزدەۋ وپەراتسيياسى جالعاسۋدا.
