Dúisenbi kúni Ońtústik Qytaidaǵy Shantoý qalasynyń mańynda balyq aýlaityn qaiyqtyń sý astyndaǵy tastarǵa soǵylýy saldarynan tórt adam qaza taýyp, taǵy tórteýi iz-tússiz joǵalyp ketti. Bul týraly Sinhýa agenttigi habarlady.
Oqiǵa 21 qyrkúiek kúni shamamen tańǵy saǵat 6-da oryn alǵan. Fýtszian provintsiiasynyń balyq aýlaityn kemesi Gýandýn provintsiiasyndaǵy Shantoý qalasynyń Nanao aralynan ońtústik-shyǵysqa qarai shamamen 11 teńiz mili araqashyqtyǵynda rifke soǵylǵan. Qaiyqta 14 adam bolǵan.
Gýandýn provintsiiasynyń teńizdegi izdeý-qutqarý ortalyǵynan habar alǵan Fýtszian provintsiiasynyń qutqarýshylary dereý izdeý-qutqarý jumystaryna qosyldy.
Alty adam qutqarylǵan, taǵy tórteýi iz-tússiz joǵalǵandar qatarynda. Qazirgi kezde olardy izdeý operatsiiasy jalǵasýda.
