قىتاي بيلٸگٸ 17 سەۋٸردە ۋحان قالاسىندا كوروناۆيرۋستان قايتىس بولعانداردىڭ رەسمي ستاتيستيكاسىن ٶزگەرتٸپ, COVID-19 دەرتٸنەن تاعى 1290 ادام قازا تاپقانىن مەلٸمدەدٸ.
16 سەۋٸردەگٸ مەلٸمەتتە قىتايدا كوروناۆيرۋستان 3342 ادام قايتىس بولعانى كٶرسەتٸلگەن ەدٸ. جۇما كٷنگٸ قوسىمشا دەرەكتەن سوڭ قازٸر قىتايدا بۇل ۆيرۋستان قايتىس بولعاندار سانى 4632 بولدى.
قىتاي بيلٸگٸ بۇل تٷزەتۋدٸ “ۆيرۋس شارىقتاۋ شەگٸنە جەتٸپ, مەديتسينا مەكەمەلەرٸ تولىپ قالعان تۇستا اۋرۋحانادان تىس جەردە قايتىس بولعاندار دا رەسمي ستاتيستيكاعا قوسىلدى” دەپ تٷسٸندٸرەدٸ.
بۇدان بٶلەك, قىتايدا كوروناۆيرۋس جۇقتىرعاندار سانىنا دا 300 ادام قوسىلدى. پەكين “بۇل 300 ادامدى دا ۋحاندا ەسەپتەلمەي قالعاندار” دەپ تٷسٸندٸردٸ.
17 سەۋٸردەگٸ مەلٸمەتكە ساي, قازٸر قىتايدا ۆيرۋس جۇقتىرعاندار 82 مىڭنان استى.
باتىس ەلدەرٸ قىتاي كوروناۆيرۋس ستاتيستيكاسىن تٶمەندەتٸپ كٶرسەتٸپ وتىر دەپ كٷدٸكتەنەدٸ. اقش پرەزيدەنتٸ دونالد ترامپ تا پەكين ۇسىنعان ستاتيستيكاعا كٷدٸك كەلتٸرگەن. ول قىتاي بيلٸگٸن ۆيرۋس تاراپ جاتقانىن بٸلە تۇرا ەلەم ەلدەرٸنە دەر كەزدە ايتپادى دەپ ايىپتاعان. بۇعان قوسا, ترامپ دٷنيجٷزٸلٸك دەنساۋلىق ساقتاۋ ۇيىمىن “قىتايعا تىم قاتتى سەنٸپ كەتتٸ دەپ ايىپتاپ, ۇيىمعا اقشا بٶلۋدٸ توقتاتتى.
قىتاي بيلٸگٸ بۇل ايىپتاۋدىڭ بەرٸن جوققا شىعارادى. ەكٸ جارىم ايداي كارانتيندە بولعان ۋحان قالاسى جاقىندا قايتا اشىلعان.
17 سەۋٸردە ەلەمدە ۆيرۋس جۇقتىرعاندار 2,2 ميلليوننان استى, 150 مىڭداي ادام قايتىس بولدى.
