قىتاي تٷرمەسٸندە 8 اي جازىقسىز جاتقان وتانداسىمىز ەلگە ورالدى, دەپ حابارلايدى ۇلت.كز تٸلشٸسٸ كتك ارناسىنا سٸلتەمە جاساپ.
كٶرشٸ ەلدٸڭ قۇزىرلى ورگاندارى ٶمٸربەك بەگالىعا ەشقانداي كٸنە ارتا الماي, اقىرى بوستاندىققا جٸبەرگەن. قازٸر ٶمٸربەك سەكٸلدٸ شەكارا اسىپ, قاپاسقا تٷسكەن قانداستارىمىز از ەمەس. مەسەلەن, وسىدان 4 كٷن بۇرىن عانا قىتاي پوليتسيياسى الماتى تۇرعىنىن تەمٸر تورعا جاۋىپتى. سەبەبٸن دە ەشكٸم تٷسٸندٸرمەگەن.
- بەيكٷنە قول-اياعى بايلانىپ قاماۋدا جاتادى ەكەن,
ويلانىپ, ٶز ٶمٸرٸن تارازىعا سالعان كەزدە,
اقىرىنداپ بەرٸن تٷسٸنٸپ قالادى ەكەن.
بۇل - شەردەن شىققان جىر. ٶمٸربەك بەگالى ناقاقتان-ناقاق سەگٸز اي قىتايدىڭ قاپاسىنا وتىرىپ شىققان. توردا ٶتكەن 250 كٷننٸڭ ٸشٸندە 40 كەلٸ سالماق تاستاپتى. بىلتىر ەكسپو-عا تۋريست تارتۋ ماقساتىندا سول جاقتاعى ەرٸپتەستەرٸمەن كەلٸسٸمگە وتىرۋعا بارعان ەكەن. جولاي شىڭجاڭداعى اتا-اناسىنىڭ اماندىعىن بٸلۋگە ات باسىن بۇرادى. ەرتەسٸنە قىتايلىق پوليتسەيلەر كەلٸپ, ەي-شەيعا كەلمەي, قاراماي قالاسىنداعى تٷرمەگە توعىتقان.
ٶمٸربەك بەگالى:
- بٸر تەكسەرەمٸز دەگەن ەڭگٸمەمەن 8 اي قاماپ تاستادى. سوڭىندا ەشقانداي كٸنە تاپقان جوق. بٸراق, كومپيۋتەرگە, قارا تٸزٸمگە ەنگٸزٸپ قويامىز. قىتايعا كەلە المايسىڭ دەدٸ.
ايىپتى دا سول كٷيٸ تاعا الماعان قىتاي پوليتسەيلەرٸ سوڭىندا وسىلاي قۋلىققا كٶشكەن كٶرٸنەدٸ. اقىرى تۋعان جەرٸن, اتا-اناسى مەن اعايىن-تۋىسىن كٶرۋدەن قالامىن با دەپ قورىققان ٶمٸربەك ولاردىڭ ايتقانىنا كەلٸسٸپ, مورالدىق شىعىندى داۋلاماعان. قولىنا بوستاندىققا جٸبەرگەن قاعازىن الىپ قازاقستانعا قايتتى. سەگٸز اي بويى ەكٸ كٶزدەرٸ تٶرت بولىپ, ساعىنىشتان سارعايىپ, ۋايىمنان ٷگٸتٸلگەن بالالارىنىڭ ەندٸ ەكەلەرٸن جاندارىنان بٸر ادىم اتتاتقىلارى كەلمەيدٸ.
اناسىن كٶرۋگە اتتانعان الماتىلىق انارگٷل سەيداحمەتتٸڭ جارى دا 4 كٷن بۇرىن باقتى كەدەن بەكەتٸنەن ٶتكەندە قامالىپتى. ٷش جاسار ۇلىن جەتەكتەگەن ەرسٸن قۇرمەتتٸڭ دە قولىنا نە ٷشٸن كٸسەن سالعانىن قىتاي تاراپى تٷسٸندٸرمەگەن. قىتايدا تۋعان ولار قازاقستان ازاماتتىعىن بىلتىر العان ەكەن. الماتىدا شاعىن كەسٸپتەرٸن دە باستاعان. بٸر-اق سەتتە باسقا تٷسكەن بەينەت قورقىنىشتى تٷستەي. بٸر جاسار بالامەن قالعان انارگٷلدٸڭ بار ٷمٸتٸ ەندٸ تەك وتاندىق ديپلوماتتاردا.
انارگٷل سەيداحمەت, ە.قۇرمەتتٸڭ جارى:
- ەشقانداي ول جاقتا قارىزىمىز جوق. باسقالاي دا ساياساتقا قاتىسىمىز جوق. تازا بولعاننان كەيٸن قورىقپاي ٶتٸپ كەتكەن عوي. بارلىق باسشىلاردان, سىرتقى ٸستەر مينيسترلٸگٸنەن, بارلىق كٸسٸلەردەن كٶمەك سۇرايمىن.
سىرتتا قۇقىقتارى تاپتالعان قازاقتاردى قورعاۋ ماقساتىندا بەرتٸندە «اتاجۇرت» ۇيىمى قۇرىلىپتى. ايتۋلارىنشا, قازٸر قىتايدىڭ ٶزٸندە بەس قانداسىمىز ەش سەبەپسٸز تٷرمەگە جابىلعان. ودان بٶلەك قازاقستانداعى تۋىستارىنا كەلگەن قىتايدا تۇراتىن قىسپاققا الىنعان قانداستارىمىز كٶپ ەكەن.
قىدىرەلٸ ورازۇلى «اتاجۇرت» ۇيىمىنىڭ تٶراعاسى:
- 220-عا جۋىق ناقتى سوتتالعان ازاماتتار بار. ەش سەبەپسٸز. سونىڭ كٶبٸ قازاقستانعا بارعانى ٷشٸن, قازاقستانداعى تۋىستارىمەن سٶيلەسكەنٸ ٷشٸن تٷرمەگە كٸرٸپ كەتكەن. بٸز سٸم ارىز جازعاننان كەيٸن, سٸم قىتايداعى قازاقستان ەلشٸلٸگٸنە تاپسىرما بەرٸپ, سول ەلشٸلٸك سول جاقتاعى تٷرمەدە وتىرعان قازاقستان ازاماتتارىنا بارعان, سونىڭ ارقاسىندا قازٸر بٸر اعامىز شىعىپ كەلدٸ.
تىرناق استىنان كٸر ٸزدەگەن قىتايلىقتاردىڭ ەرەكەتٸن تٷسٸنۋ قيىن بولىپ تۇر. «اتاجۇرت» ۇيىمى جازىقسىز شەكارانىڭ ارعى بەتٸندە تٷرمەگە جابىلعان وتانداستارىمىز تۋرالى مەلٸمەتتٸ جيناقتاپ, سىرتقى ٸستەر مينيسترلٸگٸنە ٶتكٸزگەن. قازٸر وتاندىق ديپلوماتتار قانداستاردىڭ جايىنا قاتىستى قىتاي بيلٸگٸمەن كەلٸسسٶزدٸ باستاپ كەتتٸ.
