قىتاي پەكيننٸڭ شىڭجاڭداعى ساياساتىن اتاپ ايتقاندا, تٷركٸتٸلدٸ مۇسىلمانداردى قۋدالاۋىن سىناعان باتىس كومپانييالارىنا شٷيلٸگە باستادى, دەپ حابارلايدى ازاتتىق.
قىتايدىڭ تەحنولوگييالىق كومپانييالارى مەن مەملەكەتتٸك اقپارات قۇرالدارى قاتاڭ باقىلاناتىن ەلەۋمەتتٸك جەلٸلەردٸڭ كٶمەگٸمەن ەلەمگە تانىمال برەندتەرگە "تيٸسٸپ جاتىر". قىتايدىڭ تانىمال تۇلعالارى Nike-تٸڭ سپورت جابدىقتارىنان باس تارتىپ, ەلەمگە كيٸم ساتۋمەن تانىمال بولعان H&M ٶنٸمدەرٸن ساتىپ المايتىنىن كەزەك-كەزەك مەلٸمدەپ جاتىر. قىتاي كيٸم شىعاراتىن بريتاندىق Burberry كومپانيياسىنىڭ ٶنٸمدەرٸنە دە بويكوت جارييالاعان.
"قىتايلىقتار كەيبٸر شەتەلدٸكتەرگە "سۋ ٸشكەن قۇدىعىنا تٷكٸرۋٸنە" جول بەرمەيدٸ" دەدٸ سىرتقى ٸستەر مينيسترلٸگٸنٸڭ رەسمي ٶكٸلٸ حۋا چۋنين پەكيندە ٶتكەن جيىندا جۋرناليستەرگە. ول قىتاي نارىعىندا اقشا تاۋىپ جٷرگەن باتىس كومپانييالارىنا مەملەكەتتٸڭ ساياساتىن سىناۋىنا جول بەرمەيمٸز دەگەندەي ەمەۋرٸن تانىتقان.
بۇۇ-نىڭ ادام قۇقىعى جٶنٸندەگٸ بەلسەندٸلەرٸ مەن ساراپشىلارى شىڭجاڭداعى "قايتا تەربيەلەۋ لاگەرلەرٸندە" كەمٸندە بٸر ميلليون ۇيعىر مەن ٶزگە دە تٷركٸتٸلدٸ مۇسىلمان قامالعانىن مەلٸمدەگەن. قۇقىق قورعاۋشىلار قىتاي بيلٸگٸن ەيەلدەردٸ كٷشپەن ستەريليزاتسييالادى جەنە ادام ەڭبەگٸن قانادى دەپ ايىپتايدى.
جەلتوقسان ايىندا بي-بي-سي سايتى قىتايدىڭ جٷزدەگەن مىڭ از ۇلت ٶكٸلٸن شىڭجاڭداعى ماقتا القاپتارىندا جۇمىس ٸستەۋگە مەجبٷرلەگەنٸ تۋرالى ٸرٸ زەرتتەۋ جارييالاعان.
شىڭجاڭ – ماقتا ٶندٸرۋ بويىنشا ەلەمدە جەتەكشٸ ورىن الاتىن ايماقتاردىڭ بٸرٸ. ول كٶپتەگەن باتىس كومپانييالارىن شيكٸزاتپەن قامتاماسىز ەتەدٸ.
وسىعان دەيٸن بٸرقاتار باتىس كومپانييالارى (اراسىندا Nike پەن H&M دە بار) ادام قۇقىعىنىڭ بۇزىلۋىنا بايلانىستى شىڭجاڭنان ماقتا ساتىپ الۋدان باس تارتقان.
