قىتاي ٶزٸن شىڭجاڭداعى مۇسىلمان توپتارعا "گەنوتسيد جاسادى" دەپ ايىپتاعان اقش مەلٸمدەمەسٸن تەرٸستەدٸ. سىرتقى ٸستەر مينيسترلٸگٸنٸڭ باسپاسٶز حاتشىسى حۋا چۋنين 21 قاڭتار كٷنگٸ بريفينگ كەزٸندە "قىتايدا ەشقاشان گەنوتسيد بولماعان, بولمايدى دا" دەپ مەلٸمدەدٸ.
"سوڭعى بٸرنەشە جىلدا پومپەو ٶتە كٶپ جالعان اقپارات تاراتتى. ونىڭ سٸز ايتىپ وتىرعان سٶزدەرٸ - اقىلعان سىيمايتىن دٷنيە. ٶزٸنٸڭ ٶتٸرٸگٸمەن جۇرتقا ەيگٸ بولعان امەريكالىق ساياساتكەرسىماق قىزمەتتەگٸ سوڭعى كٷنٸندە جالعان اقپارات تاراتۋ ارقىلى ٶزٸن سايقىمازاق قىپ كٶرسەتٸپ, بٷكٸل ەلەمگە كٷلكٸ بولدى", دەدٸ ول.
بٸر كٷن بۇرىن اقش مەملەكەتتٸك حاتشىسى مايك پومپەو قىتاي شىڭجاڭدا ۇيعىر جەنە ٶزگە جە مۇسىلمان توپتارعا "گەنوتسيد جاساپ, ادامزاتقا قارسى قىلمىس ٸستەدٸ" دەپ ايتقان.
"گەنوتسيد ەلٸ دە بار. بٸز قىتاي كوممۋنيستٸك پارتيياسىنىڭ تٸكەلەي باقىلاۋىمەن ۇيعىرلاردى جويۋ ٷشٸن جٷيەلٸ تٷردە تالپىنىس جاسالىپ جاتقانىنىڭ كۋەسٸ بولىپ وتىرمىز" دەدٸ پومپەو. ونىڭ مەلٸمدەمەسٸ اقش-تىڭ جاڭا پرەزيدەنتٸ دجو بايدەن انت بەرٸپ, قىزمەتٸنە كٸرٸسەردەن بٸر كٷن بۇرىن جارييالاندى.
بۇۇ ەسەبٸنشە, شىڭجاڭدا كەمٸندە ميلليون ەتنيكالىق ۇيعىر, قازاق جەنە ٶزگە دە تٷركٸتٸلدٸ توپ ٶكٸلٸ "ەكسترەميزممەن كٷرەس ورتالىقتارىنا" قامالعان. بۇۇ سونىمەن بٸرگە ميلليونداعان ادامنىڭ ٸشكٸ لاگەرلەرگە جٸبەرٸلگەنٸن ايتادى. ال پەكين ونداي قاماۋ ورىندارىن "كەسٸپكە باۋليتىن ورتالىق" دەپ اتاپ, ماقساتى - "ادامداردىڭ راديكالانۋىنا جول بەرمەۋ, قوعامعا قايتا قوسىلۋىنا جاعداي جاساۋ" دەپ "تٷسٸندٸرگەن".
قۇقىق قورعاۋشىلار قىتايدى جٷزدەگەن ادامدى ەڭبەك لاگەرلەرٸنە جٸبەردٸ دەپ ايىپتاعان.
اقش مەملەكەتتٸك حاتشىسى قىزمەتٸنە ۇسىنىلعان ەنتوني بلينكەن 19 قاڭتاردا پومپەونىڭ سٶزٸنە قوسىلاتىنىن جەتكٸزدٸ. بۇل اق ٷيدٸڭ پەكينمەن قاتىناسى جاڭا پرەزيدەنت كەلسە دە, ٶزگەرە قويمايتىنىن بٸلدٸرەدٸ دەيدٸ ساراپشىلار.
"ەرلەر مەن ەيەلدەردٸ, بالالاردى كونتسەنتراتسييالىق لاگەرلەرگە جٸبەرۋ, ولاردى ٸس جٷزٸندە قايتا تەربيەلەۋگە تىرىسۋ, قىتاي كوممۋنيستٸك پارتيياسى يدەولوگيياسىن كٷشتەپ تانۋ. مۇنىڭ بارلىعى گەنوتسيد جاساۋعا تىرىسۋ بولىپ سانالادى" دەدٸ بلينكەن سەنات تىڭداۋى كەزٸندە.
بىلتىردان بەرٸ اقش قىتايدىڭ شىڭجاڭ, تايۆان, تيبەت, گونكونگ, وڭتٷستٸك قىتاي تەڭٸزٸندەگٸ ەرەكەتٸنە بايلانىستى پەكينگە قىسىمىن ٷدەتٸپ, شەنەۋنٸكتەرٸنە سانكتسييا سالۋمەن كەلەدٸ.
