28 قاڭتار كٷنٸ الماتىدا قىتايدىڭ قۇمىل ايماعى باركٶل اۋدانىنان كەلگەن ەتنيكالىق قازاقتار قىتايدا جازىقسىز قۋعىن كٶرٸپ وتىر دەگەن تۋىستارىنا اراشا سۇراپ باسپاسٶز مەسليحاتىن ٶتكٸزدٸ, دەپ حابارلايدى ازاتتىق.
"اتاجۇرت ەرٸكتٸلەرٸ" قوعامدىق ۇيىمىنىڭ كەڭسەسٸندە ٶتكەن جيىندا قاتىسۋشىلاردىڭ بٸرٸ جينالعاندار اتىنان اقش پرەزيدەنتٸ دونالد ترامپ پەن رەسەي پرەزيدەنتٸ ۆلاديمير پۋتيننەن اراشا سۇراپ, اعىلشىن جەنە ورىس تٸلدەرٸندە ٷندەۋ وقىدى.
جيىنعا 30-عا تارتا ادام كەلدٸ. ولاردىڭ كەيبٸرٸ بالاسى ساياسي ٷيرەنۋ لاگەرٸندە, كەيبٸرٸ تۋىستارىنىڭ ٷيقاماقتا وتىرعانىن, بٸرازى تۋىستارىنىڭ سوتتالىپ كەتكەنٸن ايتسا, تاعى بٸرٸنٸڭ تۋىستارى قازاقستانعا قايتا الماي وتىرعانىن ايتادى.
قىتايدىڭ شىڭجاڭ ٶڭٸرٸندە ەتنيكالىق ازشىلىققا, ونىڭ ٸشٸندە ەتنيكالىق قازاقتارعا قىسىم جاساۋ تۋرالى دەرەكتەر 2017 جىلدىڭ سەۋٸرٸنەن باستاپ تٷسٸپ جاتىر.
بىلتىر قازاقستان سىرتقى ٸستەر مينيسترلٸگٸ قىتايدا قاماۋدا وتىرعان قازاقتاردىڭ تۋىستارىنان 915 ٶتٸنٸش تٷسكەنٸ, 2018 جىلدىڭ باسىنان بەرٸ قىتاي تارابى ەكٸ مىڭنان استام قازاقتىڭ قىتاي اۋماعىنان كەتۋٸنە رۇقسات بەرگەنٸن حابارلاعان. رەسمي مەلٸمەت بويىنشا, سونىمەن بٸرگە قىتايدا قوس ازاماتتىعى ٷشٸن كٷدٸكتٸ سانالىپ, ۇستالعان 29 قازاقستاندىقتىڭ 15-ٸ بوستاندىققا شىققان.
