قىتاي نارىعى قازاقستاننىڭ بالىعى مەن جىلقىسىنا اشىق. بۇل تۋرالى ٷكٸمەت وتىرىسىندا قر اۋىل شارۋاشىلىعى بٸرٸنشٸ ۆيتسە-مينيسترٸ قايرات ايتۋعانوۆ مەلٸم ەتتٸ, دەپ حابارلايدى قازاقپارات.
«ۆەتەرينارييا سالاسىندا 25 مامىردا قازاقستان قالعان 5 وبلىس (شقو, وقو, الماتى, جامبىل, قىزىلوردا وبلىستارى) ٷشٸن اۋسىلدان تازا ايماق مەرتەبەسٸن الدى. بۇل شەشٸم ٷشٸن حالىقارالىق ەپيزووتييالىق بيۋروعا مٷشە 180 ەلدەن دەلەگاتتار داۋىس بەردٸ. بۇل جانۋارلار مەن ٶسٸمدٸكتەردەن الىناتىن ٶنٸمدەر ەكسپورتىن ۇلعايتۋعا جاقسى مٷمكٸندٸك بەرەدٸ. قىتاي نارىعى قازاقستاندىق بالىق پەن بالىق ٶنٸمدەرٸ, جىلقى تۇقىمداس اسىل تۇقىمدى جانۋارلار, سونداي-اق بال جەنە بال ارا شارۋاشىلىعى ٶنٸمٸ ٷشٸن اشىق. ماۋسىم ايىندا مۇزداتىلعان قوي ەتٸ بويىنشا حاتتاماعا قول قويۋ جوسپارلانۋدا, اتالعان ەلگە تاۋارلى جىلقىلاردى دا تاسىمالداۋ شارتتارى كەلٸسٸلۋدە», - دەپ توقتالدى ايتۋعانوۆ.
ونىڭ سٶزٸنە قاراعاندا, يرانعا توڭازىتىلعان قوي ەتٸ مەن تٸرٸ قويلاردى ەكسپورتتاۋعا ۆەتەرينارييالىق سەرتيفيكاتتاردىڭ جوبالارى كەلٸسٸلدٸ جەنە مۇزداتىلعان قوي ەتٸ بويىنشا جۇمىس جٷرگٸزٸلۋدە. بٸرٸككەن اراب ەمٸرلٸكتەرٸنە ٸرٸ جەنە ۇساق قارا مالدى, تاۋىق جۇمىرتقاسىن تاسىمالداۋعا ۆەتەرينارييالىق سەرتيفيكاتتارعا قول قويىلدى.
«بۇدان باسقا, يزرايل جەنە ساۋد ارابيياسىنىڭ ۆەتەرينارييالىق قىزمەتتەرٸمەن جانۋارلاردان الىناتىن قازاقستاندىق ٶنٸمنٸڭ ەكسپورتىن اشۋ بويىنشا جۇمىس جٷرگٸزٸلۋدە», - دەدٸ بٸرٸنشٸ ۆيتسە-مينيستر.
بۇدان بۇرىن حابارلانعانداي, مامىر ايىندا قازاقستان اۋسىلدان تازا ايماق رەتٸندە مويىندالعان بولاتىن.
