نينبو چجوۋشان پورتىندا تۇرعان مۇناي تانكەرٸ. قىتاي, چجەتسزيان پروۆينتسيياسى
قىتاي كومپانييالارى ەۋروپاعا اقش-تىڭ سىعىمدالعان گازىن تاسىپ, ەدەۋٸر پايدا تاۋىپ وتىر. بۇل جٶنٸندە Wall Street Journal تەڭٸزدەگٸ تاسىمال سالاسى بويىنشا دەرەككٶزدەرٸنە سٷيەنٸپ حابارلاعان.
گازەت مەلٸمەتٸنە قاراعاندا, اقش-تىڭ سىعىمدالعان گازىن ساتىپ الۋعا ۇزاق مەرزٸمدٸ كەلٸسٸمشارت جاساسقان جەرگٸلٸكتٸ كومپانييالار قىتايدا گازعا سۇرانىستىڭ ازايعانىنا بايلانىستى ارتىق شيكٸزاتىن ساتىپ, جٷزدەگەن ميلليون دوللار پايدا تابا باستاعان.
العاشقى سەگٸز ايدا قىتاي پورتىنا سىعىمدالعان گاز تيەگەن 19 تانكەر عانا كەلگەن. بۇرىن دەل وسى ۋاقىتتا 133 تانكەر كەلٸپ جٷرگەن. "ونىڭ كٶپشٸلٸگٸ ەۋروپا ەلدەرٸنە, جاپونييا مەن وڭتٷستٸك كورەياعا كەتكەن" دەيدٸ Wall Street Journal.
گازەت مەلٸمەتٸنە قاراعاندا, قىتاي كومپانييالارى جەتكٸزٸپ جاتقان گاز ەۋروپانى بيىل قىستا گاز تاپشىلىعىنان قۇتقارا المايدى. قىتاي اقش گازىن ساتىپ ناقتى قانشا پايدا تاۋىپ جاتقانىن دەل ايتۋ قيىن. كەلٸسٸمشارت جەكە كومپانييالار اراسىندا جاسالىپ, تاۋار قولدان قولعا ٶتەدٸ.
