قىتاي حالىق رەسپۋبليكاسىنىڭ قازاقستانداعى تٶتەنشە جەنە ٶكٸلەتتٸ ەلشٸسٸ چجان حانحۋەيدىڭ ايتۋىنشا, ەكٸ ەلدٸڭ اراسىنداعى ٶزەن-سۋلاردى بٶلۋ مەسەلەسٸن شەشۋ ٷشٸن ناقتى پرينتسيپتەردٸ انىقتاپ العان جٶن, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«ەرينە, قىتاي مەن قازاقستان ارسىنداعى ترانسشەكارالىق ٶزەندەر كٶپ. سونىڭ بارلىعى - ورتاق بايلىق, قۇدايدىڭ ەكٸ حالىققا بەرگەن نەسٸبەسٸ. ول - بٸر. ەكٸنشٸدەن, بٸز وسى مەسەلە بويىنشا تىعىز جۇمىس ٸستەپ كەلەمٸز. اشىعىن ايتايىن, ونداي مەسەلە بٸزدٸڭ بارلىق كٶرشٸلەس ەلدەرٸمٸزبەن بار. الايدا تەك قازاقستانمەن عانا ٶزەن-سۋلاردى بٶلۋ بويىنشا كەلٸسسٶزدەردٸ باستاپ وتىرمىز. يە, ونى كەش باستادىق, بٸراق بەرٸنەن بۇرىن ناقتى بٸر نەتيجەگە جەتەتٸن تٷرٸمٸز بار. ول كەلٸسسٶزدەر سەتتٸ اياقتالادى دەپ بٸلەمٸن. بٸز ەرقاشان قازاقستاننىڭ مٷددەسٸن ەسكەرەتٸن بولامىز. قىتايدىڭ باسشىلىعى ەۋ باستا ەشقاشان قازاق حالقىنىڭ قۇقىقتارىنا قىسىم جاسامايتىنىنا ۋەدە بەرگەن», - دەدٸ حانحۋەي مىرزا بٷگٸن استانادا ٶتكەن باسپاسٶز مەسليحاتىندا.
ونىڭ ايتۋىنشا, بٷگٸندە ترانسشەكارالىق ٶزەن سۋلارىن بٶلۋ كەزٸندە عىلىمي تۇرعىدا سول سۋدىڭ ناقتى كٶلەمٸن ەسەپتەپ شىققان جٶن. قازٸرگٸ جاھاندىق جىلىمىقتى دا ەسكەرۋ كەرەك. سۋدى بٶلۋدٸڭ ناقتى پرينتسيپتەرٸن انىقتاۋ قاجەت.
«مەسەلەن, قازاقستاندا قۇرعاقشىلىق بولعاندا بٸز ٶزٸمٸزدەگٸ سۋ توعاندارىن بٸردەن اشىپ تاستاپ, بارلىق سۋدى جٸبەردٸك. سوندا سٸزدەر بٸر عانا قوڭىراۋ جاسادىڭىز. بٸز بولساق, بٸردەن سۋ توعاندارىن بوساتتىق. مٸنە, دوستىق, ٶزارا سەنٸم دەپ وسىنى ايت. قازٸرگٸ كەلٸسسٶزدەر دوستىق پەن ٶزارا سەنٸمگە نەگٸزدەلۋٸ كەرەك», - دەپ اتاپ كٶرسەتتٸ ەلشٸ.
ايتا كەتەيٸك, بٷگٸنگٸ باسپاسٶز مەسليxاتىندا چجان حانxۋەي «استاناداعى ەكسپو كەزٸندە قىتايلىقتارعا جاتىن ورىندار جەتٸسپەۋٸ مٷمكٸن» دەگەن ويىن جەتكٸزدٸ.
ەلشٸ «قىتايلىق قاتەر» تۋرالى ميفتٸ جوققا شىعارۋعا تىرىستى.
سونداي-اق ول قازاقستاندىق ەنشٸ ديماش قۇدايبەرگەننٸڭ قىتايدىڭ مەدەني نارىعىنداعى تاڭعاجايىپ جەتٸستٸگٸنە قاتىستى ٶز پٸكٸرٸن بٸلدٸردٸ.
