قىتايدىڭ قازاقستانداعى ەلشٸسٸ چجان سياو شىڭجاڭدا قازاقتارعا قىسىم جاسالىپ جاتقانى تۋرالى حابارلاردى "جالعان اقپارات" دەدٸ. بۇل تۋرالى ول 28 مامىردا نۇر-سۇلتاندا ٶتكەن قازاق-قىتاي قاتىناسىنا ارنالعان جيىننىڭ الدىندا ايتتى.
جۋرناليستەر قىتاي ەلشٸسٸنەن "الماتىدا تۇرعىندار بٸرنەشە جيىن ٶتكٸزٸپ, قىتايداعى تۋىسقاندارىنا قىسىم جاسالعانىن, ولاردىڭ قازاقستانعا ٶتە الماي وتىرعانىن ايتتى. قىتايدان قازاقستانعا كەلٸپ وقىپ جٷرگەن قازاق ستۋدەنتتەر كەرٸ قايتساق, قامايدى دەيدٸ. بۇل اقپارات قانشالىقتى راس?" دەپ سۇرادى.
چجان سياو تٸلشٸلەردٸڭ سۇراعىنا "بارلىق اقپارات جالعان. بۇل اقپاراتتاردى قايدان الدىڭىز? اقپاراتتى قايدان العانىڭىزدى ايتا الاسىز با? [ستۋدەنتتەردٸڭ ايتقانى] دا تەرٸس اقپارات. شىڭجاڭداعى جاعداي بٸرقالىپتى. شىڭجاڭداعى شارالار - تەرروريزم جەنە ەكسترەميزممەن كٷرەسۋ ەرەكەتٸ" دەدٸ.
27 مامىردا الماتىدا "قىتاي زەرتتەۋ ينستيتۋتى" ۇيىمىنىڭ وفيسٸندە بٸر توپ ادام باسپاسٶز ماسليحاتىن ٶتكٸزٸپ, تۋىستارى ساياسي لاگەردەن بوساعانىمەن قازاقستانعا كەلە الماي وتىرعانىن ايتقان. ولار قازاقستان بيلٸگٸنەن, حالىقارالىق ۇيىمداردان كٶمەك سۇراعان.
شىڭجاڭ ايماعىنداعى لاگەرلەر جايلى العاش رەت 2017 جىلدىڭ كٶكتەمٸندە ايتىلا باستاعان. بۇۇ شىڭجاڭداعى "ساياسي تەربيەلەۋ ورتالىقتارىندا" ميلليونعا جۋىق ادام "ەركٸنەن تىس" قاماۋدا وتىرعانىن مەلٸمدەگەن.
قازاقستاننىڭ بٸرنەشە قالاسىندا ازاماتتار جينالىپ, "قىتايدا جاقىندارىمىز قىسىم كٶرٸپ جاتىر, ٷيقاماقتا وتىر, قازاقستانعا ٶتە المايدى" دەگەن.
قىتاي ٷكٸمەتٸ باسىندا بۇل ورتالىقتاردىڭ بارىن جوققا شىعارىپ كەلدٸ. كەيٸن پەكين شىڭجاڭداعى ساياساتىن "ەكسترەميزمگە قارسى شارا" دەپ اتاپ, ادامدار ەركٸنەن تىس وتىرعان لاگەرلەردٸ "تٸل ٷيرەنٸپ, كەسٸپكە باۋليتىن " ورتالىقتار دەپ تٷسٸندٸرگەن.
