قىتايدىڭ وڭتٷستٸك-شىعىسىنداعى تسزيانسي پروۆينتسيياسىنىڭ بيلٸگٸ جەر رەسۋرستارىن ساقتاۋ ٷشٸن "تەك كرەماتسييا" (مەيٸتتٸ ٶرتەۋ) ساياساتىن ەنگٸزۋ شارالارىن قولعا الدى. قازٸر جەرگٸلٸكتٸ بيلٸك تۇرعىنداردان دايىن تابىتتاردى كٷشپەن تەركٸلەپ, جەرلەۋ رەسٸمٸنە تىيىم سالۋدا.
پروۆينتسييا ٷكٸمەتٸ كرەماتسييانى مەيٸتتٸ جويۋدىڭ جالعىز رۇقسات ەتٸلگەن ەدٸسٸ ەتۋدٸ كٶزدەپ وتىر. پروۆينتسييانىڭ بٸراز قالاسىندا بيلٸك جەر رەسۋرستارىن ساقتاۋ ٷشٸن "كرەماتسييا" ساياساتىن وسى جىلدىڭ قىركٷيەگٸنە دەيٸن تولىعىمەن ەنگٸزبەكشٸ, دەپ جازادى ريا نوۆوستي.
ٶتكەن دەمالىستاردا قىتايدىڭ ەلەۋمەتتٸك جەلٸلەرٸندە تاراعان سۋرەتتەر مەن ۆيدەولارعا سٷيەنسەك, شەنەۋنٸكتەر گانچجوۋ, تسزيان جەنە يچۋن وكرۋگتەرٸندە جەرگٸلٸكتٸ اۋىل تۇرعىندارىنان تابىتتاردى كٷشپەن تارتىپ العان. تاۋداي بولىپ ٷيٸلگەن اعاش تابىتتاردى ەكسكاۆاتوردىڭ كٶمەگٸمەن جويدى, كەيبٸر قارت تۇرعىندار تابىتتى ساقتاۋ ٷشٸن ٸشٸنە جاتىپ العان.
بيلٸك كرەماتسييا باستاماسىن كٶتەرگەندە, تابىتتاردى ساتىپ الۋ مەن ولاردى دايىنداۋعا تىيىم سالعان بولاتىن. ال پروۆينتسييا بيلٸگٸ جەرگٸلٸكتٸ حالىقتىڭ ٷيلەرٸندەگٸ تابىتتاردى تەركٸلەۋمەن اينالىسقان ەدٸ. جەرگٸلٸكتٸ تۇرعىننىڭ ايتۋىنشا, كەدەي وتباسىلار تابىت دايىنداۋعا قاجەتتٸ 5 مىڭ يۋاندٸ ۇزاق جىلدار جينايدى, الايدا بيلٸك ٶتەماقى رەتٸندە تەك ەكٸ مىڭ يۋان ۇسىنىپ وتىر. شەنەۋنٸكتەر تەك تابىتقا عانا ەمەس, قۇلپىتاستار مەن قاعاز اقشاعا دا تىيىم سالعان.
