اقش-تىڭ حيۋستونداعى قىتاي كونسۋلدىعىن جابۋىنا جاۋاپ رەتٸندە قىتاي اقش-تان چەندۋدەگٸ كونسۋلدىقتى جابۋدى تالاپ ەتتٸ. قىتايدىڭ سىرتقى ٸستەر مينيسترٸ 24 شٸلدەدە اقش-تىڭ كونسۋلدىقتى باسقارۋ قۇقىعى جويىلعانىن حابارلادى. مينيسترلٸك بۇل ەرەكەتتٸ "اقش تارابىنىڭ نەگٸزسٸز ەرەكەتٸنە زاڭدى ەرٸ قاجەتتٸ جاۋاپ" دەپ اتادى.
21 شٸلدەدە اقش ٷكٸمەتٸ 72 ساعات ٸشٸندە قىتايدىڭ حيۋستونداعى كونسۋلدىعىن جابۋ تۋرالى شەشٸم شىعارعاننان كەيٸن ۆاشينگتون مەن پەكين اراسىنداعى قاتىناس ۋشىعا تٷسكەن. 23 شٸلدەدە اقش مەملەكەتتٸك حاتشىسى مايك پومپەو امەريكانىڭ ەرٸپتەستەرٸن قىتاي كوممۋنيستٸك پارتيياسىنىڭ عالامدىق "گەگەمونييالىق" ەكپٸنٸنە بٸرٸگٸپ قارسى تۇرۋعا شاقىردى. پومپەو ونداعان جىلدار بويعى پەكينمەن ىنتىماقتاستىقتان ويداعىداي نەتيجە شىقپاعانىن, قىتايدىڭ دەموكراتيياعا قاراي بەت بۇرماعانىن ايتتى.
بۇعان دەيٸن تەحاس شتاتىنداعى قىتاي كونسۋلدىعىن جابۋعا بايلانىستى تٷسٸنٸكتەمە بەرگەن اقش مەملەكەتتٸك دەپارتامەنتٸنٸڭ ٶكٸلٸ مورگان ورتاگۋس "امەريكالىق زيياتكەرلٸك مەنشٸك پەن جەكە اقپاراتتى قورعاۋ" ماقساتىندا سونداي قادام جاسالىپ وتىرعانىن ايتقان.
