8 قازاندا تاڭەرتەڭ كەرچتەگٸ قىرىم كٶپٸرٸندە جارىلىس بولدى. بۇل جٶنٸندە Kerch.fm پورتالى حابارلادى. جەرگٸلٸكتٸ تۇرعىندار وقيعا ورنىنان فوتو, ۆيدەو جارييالادى.
Kerch.fm سايتىنىڭ جازۋىنشا, جولداعى جٷك پويىزدارى ٶرتەنگەن. جولدىڭ بٸر بٶلٸگٸ قۇلاعان.
"قىرىم تەمٸر جولى" فەدەرالدىق كەسٸپورنى "جٷك پويىزىنىڭ سوڭىنداعى وتىن تسيستەرناسى ٶرتەنگەنٸن", سەبەبٸ انىقتالىپ جاتقانىن ايتتتى.
تٷبەكتەگٸ رەسەي بيلٸگٸنٸڭ ايتۋىنشا, كٶپٸردە جول قوزعالىسى توقتاعان, ونىڭ اركالارى بٷلٸنبەگەن. كەرچ تٷبەگٸندە كەمەلەر جٷرٸپ جاتىر, كٶلٸكتەرگە پارومداردان ٶتكەل دايىندالىپ جاتىر.
اننەكسييالانعان قىرىم باسشىسىنىڭ كەڭەسشٸسٸ ولەگ كريۋچكوۆ ٶرت سٶندٸرٸلٸپ جاتقانىن, كٶپٸردە جٷرگٸزۋشٸلەرگە ارنالعان تاماقتانۋ پۋنكتەرٸ مەن جىلىنۋ ورىندارى اشىلعانىن ايتتى. قولدا بار مەلٸمەت بويىنشا, زارداپ شەككەندەر جوق.
رەسەي تەرگەۋ كوميتەتٸ "قىرىم كٶپٸرٸندەگٸ وقيعاعا بايلانىستى" قىلمىستىق ٸس قوزعالعانىن مەلٸمدەدٸ. كوميتەت ٶكٸلدەرٸ قانداي باپ بويىنشا ٸس قوزعالعانىن ناقتىلامادى, بٸراق "تەرگەۋشٸلەر قىلمىسقا قاتىسى بار ازاماتتاردى انىقتاپ جاتىر" دەدٸ.
ايتا كەتەيٸك, پۋتين 2014 جىلى قىرىم تٷبەگٸن اننەكسييالاپ العاننان كەيٸن بٸردەن قىرىم كٶپٸرٸن سالۋدى تاپسىرعان. كٶپٸردٸڭ اشىلۋى 2018 جىلى مامىردا ٶتتٸ. اشىلۋ رەسٸمٸنە رەسەي پرەزيدەنتٸ قاتىستى, شارانى رەسەيدٸڭ مەملەكەتتٸك ارنالارى تٸكەلەي ەفيردە كٶرسەتتٸ.
"ۆەدوموستي" گازەتٸنٸڭ جازۋىنشا, 2017 جىلى اقپاندا جوبانىڭ جالپى قۇنى 300 ملرد رۋبلدەن اسۋى تيٸس بولعان.
قازٸر قىرىم كٶپٸرٸن رەسەي ۋكراينا وڭتٷستٸگٸندەگٸ ارميياسىن جابدىقتارمەن قامتاماسىز ەتۋ ٷشٸن پايدالانىپ جاتىر.
