قىرقىنان شىقپاعان قىزدىڭ جانايقايى قايرات مەميگە جەتە مە?

قر جوعارعى سوتىنىڭ تٶراعاسى

قايرات مەميدٸڭ نازارىنا!

قۇرمەتتٸ قايرات اتا!

مەن - كەۋكەر جانەركە جانبولاتقىزى 2017 جىلدىڭ 27 اقپانىندا دٷنيەگە كەلدٸم. مەن دٷنيەگە كەلمەي تۇرىپ, ياعني ٶتكەن 2016 جىلدىڭ تامىز ايىنىڭ 3-ٸ كٷنٸ ەكەم كٸسٸ قولىنان قازا تاپتى. باسىنان قاتتى تيگەن سوققىنىڭ كەسٸرٸنەن ەكەشٸم ەبدٸكەرٸموۆ جانبولات كەۋكەرۇلى بۇ دٷنيەمەن قوشتاسىپ كەتە باردى.

شەشەم قالدى, زار ەڭٸرەپ. ەجەم مەن اتام قالدى, قاراشاڭىراقتىڭ يەسٸ سانالاتىن ۇلدارىنىڭ قابٸرٸن قۇشاقتاپ. مەكتەپ ەسٸگٸن بيىل عانا اشقان ەپكەم قالدى, ەكەسٸز جەتٸم بولىپ. ەكەمنٸڭ باۋىرلارى قالدى, «قانعا-قان, جانعا-جان» دەپ ٸنٸلەرٸنٸڭ كەگٸن نە قايتارارىن, نە قايتارماسىن بٸلمەي... مەن ول كەزدە دٷنيە ەسٸگٸن ەلٸ اشپاسام دا, انامنىڭ قۇرساعىندا جاتىپ, سول بٸر اۋىرتپالىقتىڭ بەرٸن تۇلا بويىممەن سەزٸنٸپ جاتتىم.

قايرات اتا, قازاق جەتٸمٸن جىلاتپاعان ەل ەدٸ عوي. بٸزدٸ جىلاتىپ, ەكەسٸز جەتٸمەك ەتكەن كەرٸمجان رٷستەم اتتى ازامات قازٸر بوستاندىقتا «گٶلايتتاپ» جٷر. مەنٸڭ ەكەمنٸڭ سوندا سۇراۋى بولماعانى ما? بٸرەۋدٸڭ مالىن ٶلتٸرسە دە, جازاعا تارتاتىن زاڭىمىز بار ەدٸ عوي. مەنٸڭ ەكەمنٸڭ مال ەكەش مال سەكٸلدٸ دە قۇنى بولماعانى ما? وسىنى ويلاسام, جان-دٷنيەم تٸتٸركەنٸپ, تۇلا-بويىم قالشىلداپ كەتەدٸ. دٷنيە ەسٸگٸن ەلٸ اشىپ ٷلگەرمەگەن سەبيدٸڭ جٷرەگٸنە جارا سالۋ – تەۋەلسٸز, دامىعان, ەلەمدەگٸ 30 ەلدٸڭ ساپىنا قوسىلۋعا تالپىنعان مەملەكەت ٷشٸن ۇيات ەمەس پە? بٸر ٷيلٸ جاندى قايعىنىڭ تەڭٸزٸنە باتىرعان قىلمىسكەردٸ بوستاندىققا جٸبەرە سالۋ بٷكٸل قازاق ەلٸ ازاماتتارىنىڭ اشۋىن تۋعىزارىنا بەك سەنەمٸن. سوندىقتان دا, سٸزگە حات جازىپ, كٶمەك قولىڭىزدى سوزۋىڭىزدى ٶتٸنٸپ سۇرايمىن.

قايرات اتا! سٸزدٸڭ مەن سەكٸلدٸ نەمەرەڭٸز بار ما? قۇداي ونىڭ بەتٸن ارى قىلسىن, سول نەمەرەڭٸز مەنٸڭ كٷيٸمدٸ كەشٸپ جاتسا, تىنىش ۇيىقتار الار ما ەدٸڭٸز?. «ەر قازاق – مەنٸڭ جالعىزىم» دەيتٸن ۇلتتىڭ ۇلى ەمەس پە ەدٸك?!. دەمەك, مەن سٸزدٸڭ دە نەمەرەڭٸزبٸن. مەنٸڭ سٶزٸمدٸ جەرگە تاستاي كٶرمەڭٸزشٸ.

ەكەم ەبدٸكەرٸموۆ جانبولات كەۋكەرۇلى كٸسٸ قولىنان قازا تاپتى. قاراعاندى وبلىسىنا قاراستى بالقاش قالالىق سوتى قىلمىستى ٸستٸ قاراپ, كەرٸمجان رٷستەمدٸ 106 بابتىڭ 3-تارماعىمەن (دەنساۋلىققا قاساقانا اۋىر زييان كەلتٸرۋ) قىلمىستى دەپ تاۋىپ, 9 جىلعا باس بوستاندىعىنان ايىردى. كەرٸمجان رٷستەمنٸڭ زاڭگەرلەرٸ بۇل جازامەن كەلٸسپەي, قاراعاندى وبلىسىنىڭ سوتىنا جٷگٸنەدٸ. وبلىستىق سوت بالقاش قالالىق سوتتىڭ ٷكٸمٸن ٶزگەرتپەي كٷشٸندە قالدىرادى. وسىلايشا ەكەمدٸ ٶلتٸرگەندەردٸڭ قىلمىستىق ٸسٸ جوعارعى سوتقا دەيٸن جەتەدٸ. نەگە ەكەنٸن قايدام, جوعارعى سوت كەرٸمجان رٷستەمنٸڭ قىلمىسىنا بەلگٸلەنگەن 106 بابتىڭ 3-تارماعىن 104-باپتىڭ 1-تارماعىنا ٶزگەرتٸپ (ابايسىزدا قازاعا ۇشىراتۋ 1. ابايسىزدا قازاعا ۇشىراتۋ – ٷش جىلعا دەيiنگi مەرزiمگە باس بوستاندىعىن شەكتەۋگە نە سول مەرزiمگە باس بوستاندىعىنان ايىرۋعا جازالانادى), سوسىن ەلباسىنىڭ تەۋەلسٸزدٸكتٸڭ 25 جىلدىعىنا جارييالاعان راقىمشىلىعىنا ٸلٸپ, سوت زالىنان بوساتىپ جٸبەردٸ.

قۇرمەتتٸ قايرات اتا! ەلباسىمىزدىڭ راقىمشىلىعى قىلمىسكەرگە بۇيىرىپ, بٸزگە بۇيىرماي ما? بٸزدٸ تٶبەمٸزدەن تاس تٷسكەندەي ەسەڭگٸرەتٸپ تاستاعان بۇل ٷكٸمنٸڭ سوڭى نەگە اپاراتىنىن ٶزٸڭٸز ويلاپ كٶرٸڭٸزشٸ.

ەجەم كٷلزيپاش سەيٸتوۆا

بٸرٸنشٸدەن, ەجەمدٸ ايايمىن. ەكەمنٸڭ قازاسىنان كەيٸن دەنساۋلىعى كٷرت ناشارلاپ كەتٸپ ەدٸ. جوعارعى سوتتىڭ شەشٸمٸنەن كەيٸن تٸپتٸ جاعدايى تٶمەندەپ, ٶز اياعىمەن جٷرگەن ەجەم مٷگەدەك ارباسىنا تاڭىلىپ قالدى.

اتام ەبدٸكەرٸموۆ كەۋكەر

ەكٸنشٸدەن, اتام «بالالارى (ەكەمنٸڭ باۋىرلارى) «كەك قۋامىن» دەپ بٸر بەلەگە ۇشىراپ قالا ما دەپ جانى شىعارداي شىرىلداپ جٷر.

ٷشٸنشٸدەن, ەكەمنٸڭ باۋىرلارى قازاقستان مۇسىلماندار دٸني باسقارماسىنا بارىپ, قازاقى جولمەن «قانعا قان, جانعا جان» دەستٷرٸن جاڭعىرتۋعا پەتۋا سۇرادى. مٷفتييات پەتۋە بەرۋدەن ٷزٸلدٸ-كەسٸلدٸ باس تارتىپتى. مۇنىڭ سوڭى تاعى دا قىلمىسقا جالعاسىپ كەتسە, كٸم جاۋاپتى?

انام ەبدٸكەرٸموۆا عالييا باتىرجانقىزى مەن ەكەم ەبدٸكەرٸموۆ جانبولات كەۋكەرۇلى

تٶرتٸنشٸدەن, وتىز جاسىندا ازاماتىنان ايرىلىپ, جەسٸر قالعان شەشەم ەبدٸكەرٸموۆا عالييا باتىرحانقىزى زاڭ جولىمەن ەدٸلدٸك تاپپاسا, جوعارعى سوتتىڭ الدىنا بارىپ ٶزٸن-ٶزٸ ٶرتەۋٸ ەبدەن مٷمكٸن عوي. مۇنداي جاعداي بولا قالسا, ەكەمنٸڭ ٸسٸن قاراعان جوعارعى سوتتىڭ قىزمەتكەرلەرٸ جاۋاپتى بولماي ما?

كەۋكەر زەرە جانبولاتقىزى

بەسٸنشٸدەن, مەكتەپ تابالدىرىعىن بيىل اتتاعان كەۋكەر زەرە جانبولاتقىزى مەن دٷنيەگە جاڭا كەلگەن مەنٸڭ كەيبٸر شەنەۋنٸكتەردٸڭ كەسٸرٸنەن كٷشتٸك قۇرىلىمدارعا دەگەن كەرٸ كٶزقاراسىمىز قالىپتاسىپ كەتسە, بۇل تەۋەلسٸز قازاقستان ٷشٸن ەڭ ٷلكەن قاۋٸپ ەمەس پە? بٸر ٷيلٸ جاندى باعىپ وتىرعان ەكەمنٸڭ جانىنىڭ كەيبٸر سۋديالارعا كٶك تيىندىق قۇنى جوق شىعار. بٸراق, كەۋدەسٸندە شىرىلداعان جانى بار جەتٸمەكتەردٸڭ كٶز جاسىنىڭ قۇنىنىڭ قانداي بولاتىنىن ەلباسىمىز جاقسى بٸلەدٸ.

قۇرمەتتٸ قايرات اتا!

ەكەمنٸڭ نۇرلى جٷزٸن ٶمٸردە بٸر رەت كٶرە الماعان مەنٸڭ تاعدىرىمدى ەشبٸر بالاعا قۇداي كٶرسەتپەسە ەكەن. سول ٷشٸن دە ەلباسىنىڭ حالىققا جاساعان جاقسىلىعىن, راقىمشىلىعىن ٶز مٷددەلەرٸنە پايدالانىپ, بٸزدٸ جىلاتقاندارعا شارا قولدانۋىڭىزدى سۇرايمىز.

قازاقستان زاڭى بارلىق ادامعا بٸردەي. بٸز ول زاڭعا قۇرمەت ەتەمٸز. قۇرمەت ەتكەندٸكتەن دە, سٸزگە حات جازىپ, كٶمەك سۇراپ وتىرمىز.

ەكەمدٸ ٶلتٸرگەن ادام بوستاندىقتا جٷرگەن كەزدە تەۋەلسٸز قازاقستان جەرٸن باسىپ جٷرۋ مەن ٷشٸن ٶتە قورقىنىشتى, ٷرەيلٸ.

تۇلا-بويىمدى بيلەگەن وسى ٷرەيدٸ سەيٸلتٸڭٸزشٸ, قايرات اتا!