پەداگوگتار ٷستەمەاقى الۋى ٷشٸن جاز ايلارىنىڭ ٸشٸندە اتتەستاتتاۋ رەسٸمٸن بٸتٸرۋٸمٸز كەرەك. بۇل تۋرالى قر بٸلٸم جەنە عىلىم مينيسترٸ اسحات ايماعامبەتوۆ ايتتى, دەپ حابارلايدى قازاقپارات.
«پەداگوگ مەرتەبەسٸ تۋرالى» زاڭ اياسىندا بيىلعى قىركٷيەك ايىنان باستاپ ەرٸپتەستەرٸمٸزگە ٷستەمەاقى الۋ مٷمكٸندٸگٸ تۋىپ وتىر. ول ٷشٸن جاز ايىندا تەستٸلەۋدٸ, جالپى اتتەستاتتاۋ رەسٸمٸن ٶتكٸزٸپ الۋىمىز كەرەك. بولجام بويىنشا 100 مىڭداعان ەرٸپتەسٸمٸز وسى تەستٸلەۋگە قاتىسادى دەپ وتىرمىز. ەرينە, بٸرەۋٸ ٶتەدٸ, بٸرەۋٸ ٶتە المايدى. قالاي دەسەك تە, بٸز ونداي مٷمكٸندٸكتٸ بەرۋٸمٸز كەرەك. قىركٷيەكتەن باستاپ اتتەستاتتاۋدان ٶتكەن ەرٸپتەستەرٸمٸز ٷستەمەاقى الۋى تيٸس», - دەدٸ اسحات ايماعامبەتوۆ مينيسترلٸكتٸڭ Facebook پاراقشاسىندا ونلاين رەجيمدە ٶتكەن اپپارات جينالىسىندا.
سونىمەن قاتار, مينيستر بۇعان دەيٸن بالاباقشا, كوللەدج پەداگوگتەرٸ, ديرەكتورلار مەن ولاردىڭ ورىنباسارلارى اتتەستاتتاۋدان ٶتپەگەنٸن جەنە ٷستەماقى الماعانىن اتاپ ٶتتٸ.
«بۇل مەسەلە كٶپتەن بەرٸ كٶتەرٸلٸپ كەلدٸ. مىسالى, كوللەدج پەداگوگتارى اتتەستاتتاۋدان ٶتەدٸ. بٸراق, العان ساناتىنا تيٸستٸ ٷستەماقى بەرٸلمەيتٸن. مەكتەپ مۇعالٸمدەرٸ ٷستەمەاقى الادى, ال كوللەدج مۇعالٸمدەرٸ المايتىن. بالاباقشا بويىنشا دا وسى مەسەلەنٸ ەرٸپتەستەرٸمٸز قانشا جىلدان بەرٸ كٶتەرٸپ كەلدٸ. ديرەكتورلار مەن ولاردىڭ ورىنباسارلارى تۋرالى تٸپتٸ ايتۋدىڭ دا كەرەگٸ جوق. ولار اتتەستاتتاۋدان ٶتپەيتٸن جەنە ٶتسە دە ٷستەمەاقى المايتىن. ەندٸ ديرەكتور مەن ونىڭ ورىنباسارلارى اتتەستاتتاۋدان ٶتٸپ, نەتيجەسٸندە 30-دان 100 پايىزعا دەيٸن جالاقىسىنا قوسىمشا ٷستەمەاقى الۋ مٷمكٸندٸگٸنە يە بولادى. بالاباقشا, مەكتەپ, كوللەدج پەداگوگتارىنا 30-دان 50 پايىزعا دەيٸن جالاقىسىنا قوسىمشا ٷستەمەاقى الۋعا مٷمكٸندٸك تۋىپ وتىر. بۇل قاڭتار ايىنان باستاپ قوسىلعان 25 پايىز جالاقىعا قوسىمشا تٶلەنەدٸ», - دەدٸ اسحات ايماعامبەتوۆ.
