5-6 قازانداعى حالىق تولقۋلارى كەزٸندە قىرعىزستان پارلامەنتٸنٸڭ كەيبٸر دەپۋتاتتارى الماتىعا قاشىپ كەتتٸ. بۇل تۋرالى جوگوركۋ كەڭەشتٸڭ كەزەكتەن تىس وتىرىسىندا سادىر جاپاروۆ مەلٸمدەدٸ. كەڭەش 10 قازاندا ٶتكەن كەزەكتەن تىس وتىرىسىندا سادىر جاپاروۆتى پرەمەر-مينيستر ەتٸپ سايلاعان.
ونىڭ سٶزٸنشە, 6 قازانعا قاراعان تٷنٸ بولعان وقيعا تٶڭكەرٸس ەمەس.
"تٶڭكەرٸس – بۇل بيلٸكتٸ باسىپ الۋ. وندايدا پرەزيدەنت جەنە ٶزگە دە لەگيتيمدٸ ورگاندار ەلدەن قاشادى. بٸزدە بيلٸك حالىق تولقۋى كەزٸندە اۋىستى, بٸراق بۇل زاڭدى جولمەن بولدى. بار مەسەلە پارلامەنت دەپۋتاتتارىنىڭ قاشىپ كەتكەنٸندە" دەدٸ سادىر جاپاروۆ.
جاپاروۆتىڭ بۇل سٶزٸ جيىنعا قاتىسقان دەپۋتاتتاردىڭ شامىنا تيدٸ. ولار ەسكەرتۋ جاساعاننان كەيٸن جاپاروۆ سٶزٸنەن جارتىلاي باس تارتۋعا مەجبٷر بولدى. "كەشٸرٸم ٶتٸنەمٸن. مەن كەيبٸر دەپۋتاتتاردىڭ الماتىعا قاشقانىن ەستٸگەن ەدٸم. كەي ادامداردىڭ ايتۋىنشا, ولار ەلٸ سوندا" دەدٸ ول.
ٷكٸمەتتٸڭ جاڭا باسشىسى پارلامەنت وتىرىسىندا سونداي-اق المازبەك اتامباەۆقا وق اتۋ جايلى دا مەلٸمدەمە جاسادى. ونىڭ سٶزٸنشە, اتامباەۆقا ٶز كٷزەتشٸلەرٸ وق اتقان.
"مۇنىڭ بەرٸ ستسەناريي بويىنشا ٶربٸدٸ" دەدٸ سادىر جاپاروۆ وق اتۋدىڭ ٶزٸنە جالا جابۋ ٷشٸن ۇيىمداستىرىلعانىن ايتىپ.
پارلامەنت وتىرىسىنان بٸر كٷن بۇرىن بٸشكەكتە تٷرلٸ ساياسي كٷشتەردٸڭ ميتينگتەرٸ ٶتتٸ. ەسكٸ الاڭدا سادىر جاپاروۆتىڭ جاقتاستارى جينالسا, "الا-توو" الاڭىندا پرەمەر-مينيسترلٸككە ومۋربەك بابانوۆتى ۇسىنعان پارتييالار مەن ەلدٸڭ بۇرىنعى پرەزيدەنتٸ المازبەك اتامباەۆتىڭ جاقتاستارى كەلدٸ.
جاپاروۆ ساياسي قارسىلاستارىن قۋدالامايتىنىن ايتتى.
"ساياسي سەبەپ بويىنشا ەشكٸم قۋدالانبايدى. مەن بۇل قىزمەتكە ورىنتاقتى قۇشاقتاۋ ٷشٸن كەلگەن جوقپىن. ەگەر ولاردىڭ جەمقورلىققا قاتىسى بولسا, بۇل – بٶلەك ەڭگٸمە. جاستاردىڭ عانا ەمەس بٷكٸل حالىقتىڭ سەنٸمٸن اقتاۋعا تىرىسامىن" دەدٸ سادىر جاپاروۆ.
قىرعىزستاندا 4 قازان كٷنٸ پارلامەنت سايلاۋى ٶتٸپ, بيلٸككە جاقىن دەگەن پارتييالار جەڭٸمپاز اتانعان سوڭ, سايلاۋ بۇرمالاندى دەگەن حالىق نارازىلىققا شىقتى. نارازىلىق اكتسييالارى كەزٸندە دەمونسترانتتار پرەزيدەنت ەكٸمشٸلٸگٸ مەن پارلامەنت دەپۋتاتتارى وتىراتىن "اق ٷي" رەزيدەنتسيياسىن باسىپ الدى. ەل پرەزيدەنتٸ جەەنبەكوۆ رەزيدەنتسييادان تاستاپ كەتتٸ.
تولقۋ سالدارىنان ورتالىق سايلاۋ كوميسسيياسى سايلاۋ نەتيجەسٸن جارامسىز دەپ تاپتى. وپپوزيتسييا وتستاۆكا كەتۋٸن تالاپ ەتٸپ وتىرعان سوورونباي جەەنبەكوۆ ٷكٸمەتتٸ تاراتۋ تۋرالى جارلىققا قول قويىپ, بٸشكەكتە تٶتەنشە جاعداي جارييالادى.
مۇنىڭ الدىندا جەەنبەكوۆ ەلدە جاڭا ٷكٸمەت قۇرامى جاساقتالعان سوڭ وتستاۆكاعا كەتۋگە دايىن ەكەنٸن مەلٸمدەگەن. جاڭا پرەمەر-مينيستر "جەەنبەكوۆتٸڭ كەتۋگە دايىن" ەكەنٸن راستادى.
