6 جەلتوقساندا بٸشكەكتەگٸ سۆەردلوۆ اۋداندىق سوتى قىرعىزستاننىڭ بۇرىنعى پرەمەر-مينيسترٸ ساپار يساكوۆتى 15 جىلعا باس بوستاندىعىنان ايىردى.
ول بٸشكەكتەگٸ جىلۋ ەلەكتر ستانتسيياسى (جەس) جٶندەۋ كەزٸندە جەمقورلىق جاسادى دەپ ايىپتالعان.
بۇل ٸس بويىنشا يساكوۆتان بٶلەك تاعى 8 ادام جاۋاپقا تارتىلدى. ەكس-پرەمەر جانتورو ساتىبالديەۆ 7,5 جىلعا; ەنەرگەتيكا مينيسترٸنٸڭ بۇرىنعى ورىنباسارى ايبەك قاليەۆ 15 جىلعا; «ەلەكتر ستانتسيياسى» كومپانيياسىنىڭ بۇرىنعى ديرەكتورى سالايدين اۆازوۆ 11 جىل ٷش ايعا قامالدى. بارلىعىنىڭ دٷنيە مٷلكٸ تەركٸلەندٸ.
«ەلەكتر ستانتسيياسى» كومپانيياسى باسشىسىنىڭ ورىنباسارى بولعان جولدوشبەك نازاروۆ پەن بٸشكەك جەس-ٸن جٶندەۋ توبىنىڭ ەكس-باسشىسى تەميرلان بريمكۋلوۆ 2,5 جىلعا سوتتالدى. ولار بۇل جازانى تەرگەۋ يزولياتورىندا ٶتەگەندٸكتەن قاماۋدان بوسادى.
بۇرىنعى قارجى مينيسترٸ ولگا لاۆروۆا مەن ەكس-ەنەرگەتيكا مينيسترٸ وسمونبەك ارتىكباەۆقا ايىپپۇل سالىندى.
يساكوۆ پەن ساتىبالديەۆ سوت شەشٸمٸمەن كەلٸسپەيدٸ. ولار اپەللياتسييالىق شاعىم تٷسٸرمەك.
جاۋاپقا تارتىلعانداردىڭ بەرٸ قىتاي كومپانيياسىمەن كەلٸسٸم جاساعان كەزدە مەملەكەتكە 111 ميلليون دوللار شىعىن ەكەلدٸ دەپ ايىپتالعان.
ساپار يساكوۆ قىرعىزستان ٷكٸمەتٸن المازبەك اتامباەۆتىڭ پرەزيدەنتتٸگٸ تۇسىندا, 2017-2018 جىلدارى باسقارعان. وعان دەيٸن پرەزيدەنت ەكٸمشٸلٸگٸنٸڭ باسشىسى, باسشىسىنىڭ ورىنباسارى قىزمەتٸن اتقارعان. يساكوۆ – اتامباەۆپەن «جاقىن قارىم-قاتىناستاعى» ادامداردىڭ بٸرٸ بولعان. ەسكەري پروكۋراتۋرا جەمقورلىق ٸسٸنە بۇرىنعى پرەزيدەنت المازبەك اتامباەۆتى دا ايىپتايدى.
بٸشكەك جىلۋ ەلەكتر ستانتسيياسىندا جٶندەۋ اياقتالعان سوڭ بٸر اي ٶتپەي, 2018 جىلى قاڭتارىندا اقاۋ شىعىپ, بٸشكەك قالاسىنىڭ جارتىسى جىلۋسىز قالعان ەدٸ. وسى وقيعادان كەيٸن تەرگەۋ باستالعان.
