قىرعىزستاندا ەلەۋمەتتٸك جەلٸ پايدالانۋشىلارى «#مى پروتيۆ ترەتەي رەۆوليۋتسيي» حەشتەگٸمەن جۇرتشىلىقتى ميتينگكە شىقپاۋعا شاقىرىپ جاتىر. بۇل تۋرالى قازاقپارات كابار اگەنتتٸگٸنە سٸلتەمە جاساپ حابارلايدى.
Instagram-نىڭ ٶزٸندە ەلدەگٸ تولقۋلاردى توقتاتىپ, بەيبٸت ٶمٸر سٷرۋگە شاقىرعان 500-دەن استام جازبا جارييالاندى. ولاردىڭ اۆتورلارى ارانداتۋعا بەرٸلمەۋگە, ەلدەكٸمنٸڭ جاعىنا شىعىپ, جٸك-جٸككە بٶلٸنبەۋگە ٷندەۋدە.
ەسكە سالا كەتەيٸك, كەشە كەشكٸسٸن بۇرىنعى پرەزيدەنت المازبەك اتامباەۆتىڭ ٷيٸندە كٷش قۇرىلىمدارى مەن ەكس-پرەزيدەنتتٸڭ جاقتاستارى اراسىندا قاقتىعىس بولدى. سونىڭ سالدارىنان 22 جاستاعى ارنايى جاساق ٶكٸلٸ قازا تاۋىپ, 40-تان استام ادام جارالانعان.
زارداپ شەككەندەردٸڭ اراسىندا شۋ وبلىسى ٸشكٸ ٸستەر باس باسقارماسىنىڭ باستىعى سامات قۇرمانقۇلوۆ تا بار. قازٸر دەرٸگەرلەر ونىڭ ٶمٸرٸن ساقتاپ قالۋدىڭ قامىندا.
ايتا كەتسەك, بۇعان دەيٸن جوگوركۋ كەنەش ەلدٸڭ ەكس-پرەزيدەنتٸنەن قول سۇقپاۋشىلىق مەرتەبەسٸن الىپ تاستاۋ تۋرالى شەشٸم قابىلداعان بولاتىن. اتامباەۆقا قاتىستى دەپۋتاتتار تاراپىنان تاعىلعان ايىپتاردى زەرتتەۋ بويىنشا ارنايى دەپۋتاتتىق كوميسسييا قۇرىلدى. كوميسسييا جۇمىسىنىڭ نەتيجەسٸندە وعان 6 ەپيزود بويىنشا ايىپ تاعۋ شەشٸمٸ قابىلداندى. الايدا باس پروكۋراتۋرا كوميسسييانىڭ جۇمىسىن زاڭ تۇرعىسىنان باعالاي كەلە, تەك بەس ەپيزودتى قالدىردى.
