قىرعىزستاننىڭ ورتالىق سايلاۋ كوميسسيياسى پرەزيدەنتتٸككە ٷمٸتكەرلەردٸڭ سايلاۋ قورىنا تٷسكەن كٸرٸستەر مەن شىعىندار تۋرالى اپتالىق ەسەبٸن جارييالادى.
وسك سايتىنداعى مەلٸمەتكە قاراعاندا, 2020 جىلعى 25 جەلتوقسانعا دەيٸن پرەزيدەنت سايلاۋىنا تٷسٸپ وتىرعان 18 ٷمٸتكەردٸڭ بانك ەسەبٸنە 104,5 (1,2 ميلليون دوللار) تٷسكەن. ونىڭ 51,5 ميلليون سومى سادىر جاپاروۆتىڭ ٷلەسٸندە.
ەكٸنشٸ ورىندا – كەسٸپكەر بابىرجان تولباەۆ. ونىڭ قورىنا 14,2 ملن سوم تٷسكەن. ٷمٸتكەر بۇل اقشانىڭ 9,2 ميلليون سومىن جاراتىپ ٷلگەرگەن. ال جاپاروۆ بولسا, سايلاۋ قورىنا تٷسكەن قاراجاتتان 50,4 ميلليون سوم جۇمساعان.
25 جەلتوقسانداعى اقپارات بويىنشا, 18 كانديدات سايلاۋالدى ناۋقان اياسىندا 94,6 ميلليون سوم جۇمساعان.
قالعان كانديداتتاردىڭ سايلاۋ قورى 5 ميلليون سومعا (61 مىڭ دوللار) دا جەتپەيدٸ. 11 ٷمٸتكەردٸڭ جيعان قاراجاتى – 1 ميلليون مەن 3 ميلليون سوم ارالىعىندا.
21 جەلتوقسان كٷنٸ باتكەن وبلىسى تۇرعىندارىمەن كەزدەسۋدە سادىر جاپاروۆ سايلاۋ قورىنىڭ حالىق اراسىنان جينالعان اقشادان قۇرالعانىن مەلٸمدەگەن. "قورداعى اقشانىڭ بەرٸ حالىقتان تٷسٸپ جاتىر. زەينەتكەرلەر زەينەتاقىسىن بەرٸپ جاتىر. مىنا پلاكاتتاردى حالىقتىڭ ٶزٸ جاساپ وتىر. تٷرمەدە وتىرعانىمدا دا قاجەتپەن قامتاماسىز ەتكەن حالىق. اقشا, ازىق-تٷلٸك, كيٸم بەرٸپ جٸبەرٸپ وتىردى. مەنٸ ٷش جىل حالىق اسىرادى" دەدٸ ول سول كەزدە.
قىرعىزستاندا 4 قازان كٷنٸ پارلامەنت سايلاۋى ٶتٸپ, ارتۋ حالىق تولقۋىنا ۇلاستى. سايلاۋ نەتيجەسٸ شىعىپ, بيلٸككە جاقىن پارتييالار جەڭٸمپاز جارييالانعاندا, داۋىس ۇرلاندى دەگەن حالىق كٶشەگە شىعىپ, جاپپاي نارازىلىق باستالدى. تولقۋ كەزٸندە جاقتاستارى ادام ۇرلاۋ ايىبىمەن سوتتالعان سادىر جاپاروۆتى كٷشپەن تٷرمەدەن شىعارىپ الدى. تولقۋ باستالعالى ون كٷن ٶتكەن سوڭ ەل پرەزيدەنت سوورونباي جەەنبەكوۆ وتستاۆكاعا كەتتٸ, ونىڭ مٸندەتٸن سودان بٸرنەشە كٷن بۇرىن پرەمەر-مينيستر اتانعان سادىر جاپاروۆقا ٶتتٸ. كەيٸنٸرەك جاپاروۆ پرەزيدەنت سايلاۋىنا تٷسۋ ٷشٸن پرەزيدەنت مٸندەتٸن اتقارۋدان باس تارتاتىنىن مەلٸمدەدٸ. قازٸرگٸ زاڭ بويىنشا, ۋاقىتشا پرەزيدەنت سايلاۋعا تٷسە المايدى.
كەزەكتەن تىس پرەزيدەنت سايلاۋى 2021 جىلعى 10 قاڭتارعا بەلگٸلەنگەن. سايلاۋالدى ٷگٸت-ناسيحات جۇمىستارى 15 جەلتوقسان كٷنٸ باستالعان.
