26 قاراشا قىرعىزستاندا جاڭا كونستيتۋتسييا جوباسىن تالقىلاعان كونستيتۋتسييالىق كەڭەستٸڭ جيىنىندا اعىلشىن تٸلٸنە رەسمي تٸل مەرتەبەسٸن بەرۋ ۇسىنىسى ايتىلدى. بۇل اقپاراتتى ازاتتىقتىڭ قىرعىز قىزمەتٸ حابارلادى.
كەڭەس مٷشەسٸ, ازاماتتىق بەلسەندٸ ماكسات شاكيەۆتٸڭ ايتۋىنشا, ورىس تٸلٸ ارقىلى قىرعىزستان وننان استام مەملەكەتپەن قارىم-قاتىناس جاساي الادى, ال اعىلشىن تٸلٸ ەكٸنشٸ رەسمي تٸلگە اينالسا, جٷزدەن استام مەملەكەتپەن تىعىز قاتىناس ورناتىپ, ەرەكەت ەتۋگە جول اشىلادى.
"دٷنيەجٷزٸندە جٷزدەن استام ەلدە, دامىعان مەملەكەتتەردە اعىلشىن تٸلٸ كەڭٸنەن قولدانىلادى. قازٸرگٸ زامانعى تەحنولوگييالارعا, حالىقارالىق پروتسەستەرگە ارالاسقىمىز كەلسە, اعىلشىن تٸلٸن ەكٸنشٸ رەسمي تٸل رەتٸندە ەنگٸزۋ مەسەلەسٸن تالقىلاۋ تۋرالى تاپسىرما بەرۋ كەرەك" دەدٸ ول.
بۇل ۇسىنىسقا قىرعىز مەملەكەتتٸك ۋنيۆەرسيتەتٸنٸڭ ماناستانۋ جەنە لينگۆيستيكا ينستيتۋتىنىڭ ديرەكتورى, پروفەسسور سىرتباي مۋساەۆ قارسى شىقتى.
"بۇل مەسەلەنٸ ۇسىنىس قىلىپ ايتۋدىڭ ٶزٸ - ابسۋرد. ولاي بولسا, قىتاي تٸلٸن دە, اعىلشىن تٸلٸن دە, اراب, نەمٸس تٸلدەرٸن دە رەسمي تٸل دەپ كٶرسەتەيٸك. اقىلعا سىيمايتىن دٷنيە. بەرٸمٸزدٸڭ ماقساتىمىز دا, تٸلەگٸمٸز دە بٸر ەكەنٸن تٷسٸنەمٸن. بٸراق ماقساتقا جەتۋ ٷشٸن ۇلتتىق مٷددەنٸ قۇرباندىققا شالماۋ كەرەك. ماقساتقا جەتۋ ٷشٸن ۇلت مٷددەسٸن ٶزگەلەرگە جىعىپ بەرۋدٸڭ قاجەتٸ جوق" دەدٸ ول.
جوگوركۋ كەڭەش جاڭا كونستيتۋتسييا جوباسىن 17 قاراشادا قوعام تالقىلاۋىنا شىعارعان. سونى تالقىلاۋ ٷشٸن كونستيتۋتسييالىق كەڭەس جاساقتالعان.
قىرعىزستاندا قىرعىز تٸلٸ - مەملەكەتتٸك, ورىس تٸلٸ رەسمي تٸل مەرتەبەسٸنە يە.
