قىرعىزستاندا 84 مىڭعا جۋىق بالانىڭ اتا-اناسى ەڭبەك ميگرانتى بولىپ جٷر. قيىن جاعدايدا قالعان ميگرانتتارعا كٶمەكتەسۋ, حابار-وشارسىز كەتكەندەردٸ ٸزدەستٸرۋ مەسەلەلەرٸ جٶنٸندەگٸ جيىندا قىرعىزستان پرەمەر-مينيسترٸنٸڭ ورىنباسارى جىلدىز باقاشوۆا وسىنداي دەرەك ايتتى, دەپ حابارلايدى ازاتتىق.
ونلاين-كونفەرەنتسييادا ەڭبەك ميگرانتتارىنا كٶمەكتەسۋ, حابار-وشارسىز كەتكەندەردٸ ٸزدەستٸرۋ كەزٸندە شەتەلدەگٸ قىرعىز ديسپورالارىمەن بايلانىس مەسەلەلەرٸ تالقىلانعان.
جىلدىز باقاشوۆا قىرعىز ٷكٸمەتٸ اتا-اناسى شەتەلگە ەڭبەك ميگرانتى بولىپ كەتكەن بالالار قۇقىقتارى نازاردا ۇستالاتىنىن اتاپ ٶتتٸ.
بىلتىر, 2020 جىلدىڭ سوڭىندا قىرعىز رەسمي ورىندارى اتا-اناسى شەتەلگە ەڭبەك ميگرانتى بولىپ كەتكەن 85 459 بالا بار ەكەنٸن حابارلاعان ەدٸ.
بەيرەسمي مەلٸمەتتەرگە قاراعاندا, قىرعىزستاننىڭ ميلليونعا جۋىق ازاماتى ەڭبەك ميگرانتى بولىپ جٷر. ولاردىڭ باسىم كٶپشٸلٸگٸ رەسەيدە. تٷركييا مەن قازاقستانعا كەتكەندەرٸ دە كٶپ. ەۋروپا مەن اقش-قا كەتۋشٸلەردٸڭ دە جىل سايىن جيٸلەپ بارا جاتقانى بايقالعان.
