Qyrǵyzstanda 84 myńǵa jýyq balanyń ata-anasy eńbek migranty bolyp júr. Qiyn jaǵdaida qalǵan migranttarǵa kómektesý, habar-osharsyz ketkenderdi izdestirý máseleleri jónindegi jiynda Qyrǵyzstan premer-ministriniń orynbasary Jyldyz Baqashova osyndai derek aitty, dep habarlaidy Azattyq.
Onlain-konferentsiiada eńbek migranttaryna kómektesý, habar-osharsyz ketkenderdi izdestirý kezinde sheteldegi qyrǵyz disporalarymen bailanys máseleleri talqylanǵan.
Jyldyz Baqashova qyrǵyz úkimeti ata-anasy shetelge eńbek migranty bolyp ketken balalar quqyqtary nazarda ustalatynyn atap ótti.
Byltyr, 2020 jyldyń sońynda qyrǵyz resmi oryndary ata-anasy shetelge eńbek migranty bolyp ketken 85 459 bala bar ekenin habarlaǵan edi.
Beiresmi málimetterge qaraǵanda, Qyrǵyzstannyń millionǵa jýyq azamaty eńbek migranty bolyp júr. Olardyń basym kópshiligi Reseide. Túrkiia men Qazaqstanǵa ketkenderi de kóp. Eýropa men AQSh-qa ketýshilerdiń de jyl saiyn jiilep bara jatqany baiqalǵan.
