قىرعىزستان پارلامەنتٸنٸڭ سپيكەرٸ, "كىرگىزستان" فراكتسيياسىنىڭ جەتەكشٸسٸ كاناتبەك يساەۆ 4 قاراشا كٷنگٸ پارلامەنت وتىرىسىندا قىزمەتٸنەن كەتەتٸنٸن مەلٸمدەدٸ. ول 10 قاڭتاردا ٶتەتٸن پرەزيدەنت سايلاۋىنا قاتىسۋ ويى بارىن جەتكٸزدٸ.
- جاقىندا [پرەمەر-مينيستر] سادىر جاپاروۆ سايلاۋعا قاتىساتىنىن ايتىپ, رەسمي مەلٸمدەمە جاسادى. دەمەك, ول پرەزيدەنت مٸندەتٸ قىزمەتٸن اتقارا المايدى, سوندىقتان ٶكٸلەتتٸ سپيكەرگە بەرۋٸ تيٸس بولاتىن. سودان بەرٸ جاعداي ٶزگەردٸ. جوگوركۋ كەڭەش دەپۋتاتتارىنىڭ ٶكٸلەت مەرزٸمٸ ۇزارتىلدى, سپيكەر مەملەكەت باسشىسى مٸندەتٸن اتقارا الادى. بٸراق پارتييا مٷشەلەرٸ مەنٸ پرەزيدەنت سايلاۋىنا ٷمٸتكەر رەتٸندە ۇسىنىپ وتىر, سول سەبەپتٸ پرەزيدەنت مٸندەتٸن اتقارا المايمىن. ول مٸندەتتٸ قايتادان ٷكٸمەتكە بەرۋگە بولمايدى, سەبەبٸ وندا پرەمەر-مينيستر جوق. ال پرەزيدەنت مٸندەتٸن ۆيتسە-پرەمەرگە تاپسىرۋعا بولمايدى دەپ ەسەپتەيمٸن. سول سەبەپتٸ داعدارىس تۋىنداماس ٷشٸن سپيكەر قىزمەتٸنەن كەتۋدٸ ۇيعاردىم, - دەدٸ كاناتبەك يساەۆ.
وسىعان دەيٸن جوگوركۋ كەڭەش دەپۋتاتتارىنىڭ سپيكەر كاناتبەك يساەۆقا سەنٸمسٸزدٸك بٸلدٸرٸپ, قول جيناي باستاعانى دا حابارلانعان ەدٸ.
كاناتبەك يساەۆ پارلامەنت سايلاۋىنان كەيٸن تۋىنداعان ساياسي داعدارىس تۇسىندا - 13 قازاندا قىرعىزستان پارلامەنتٸنٸڭ سپيكەرٸ بولىپ سايلانعان ەدٸ. پرەمەر-مينيستر سادىر جاپاروۆتىڭ لەگيتيمدٸگٸ جايلى داۋ تۋىنداعان شاقتا يساەۆ سپيكەر بولىپ تۇردى. كەيٸن ول پرەزيدەنت مٸندەتٸن اتقارۋدان باس تارتتى. 16 قازاندا قىرعىزستان پارلامەنتٸ پرەزيدەنت ٶكٸلەتٸن پرەمەر-مينيستر سادىر جاپاروۆقا بەرۋدٸ ماقۇلداعان.
جاپاروۆ قازان ايىنىڭ سوڭىندا پرەزيدەنت سايلاۋىنا تٷسەتٸنٸن مەلٸمدەپ, جەلتوقسان ايىندا قىزمەتٸنەن كەتەتٸنٸن ايتقان. بٸرنەشە كٷننەن كەيٸن "بۋتۋن كىرگىزستان" وپپوزيتسييالىق پارتيياسىنىڭ جەتەكشٸسٸ اداحان مادۋماروۆ تا سايلاۋعا قاتىساتىنىن جەتكٸزدٸ.
