وسى كٷنگە دەيٸن ەكٸ جاقتى بولىپ كەلگەن قىرعىز-قازاق شەكاراسىنداعى «كەن-بۋلۋن اۆتوجول» جەنە «توكموك اۆتوجول» باقىلاۋ-ٶتكٸزۋ پۋنكتٸنٸڭ دەڭگەيٸ ادامداردىڭ ىڭعايىنا قاراي كٶپ جاقتى بولىپ ٶزگەرتٸلەدٸ, دەپ حابارلايدى كابار اگەنتتٸگٸ.
17 تامىزدا استانادا ٶتكەن VII قىرعىز-قازاق ٷكٸمەتارالىق وتىرىسىنىڭ نەتيجەسٸ بويىنشا قازاقستان مەن قىرعىزستان ٷكٸمەتٸ قول قويعان 2003 جىلعى 29 جەلتوقساننان باستاپ مەملەكەتتٸك شەكارا ارقىلى ٶتكٸزۋ پۋنكتەرٸ تۋرالى كەلٸسٸمگە ٶزگەرٸس ەنگٸزۋ تۋرالى حاتتاما كٷشٸنە ەنگەننەن كەيٸن اتالمىش نورمادا الماسۋلار پايدا بولادى.
حاتتاماعا سەيكەس, بۇدان بىلاي وسى كەدەن بەكەتتەرٸ جان-جاقتى دەڭگەيدە جۇمىس جاسايتىن بولادى. بۇل «اق-تٸلەك اۆتوجول», «اقجول اۆتوجول» ٶتكٸزۋ پۋنكتەرٸنٸڭ جۇمىسىن جەڭٸلدەتەدٸ. بۇدان بٶلەك, شەتەلدٸك تۋريستەر ىستىقكٶل وبلىسىنا «كەن-بۋلۋن» جەنە «توكموك» ٶتكٸزۋ پۋنكتەرٸ ارقىلى ەش كەدەرگٸسٸز ٶتۋ مٷمكٸندٸگە يە بولادى.
سونىمەن قاتار, ٷكٸمەتارالىق كەڭەستٸڭ وتىرىسىندا مۋحاممەدكالىي ابىلگازيەۆ تۋريزدٸ دامىتۋ مەسەلەسٸنە كەڭٸنەن توقتالدى. سەبەبٸ بۇل سالانىڭ ەكٸ ەل ٷشٸن دە ماڭىزى زور.
«تۋريزمدٸ بٸرٸگٸپ دامىتۋ ٷشٸن كەشەندٸ شارالار قابىلداۋ كەرەك دەگەن ويدامىز. اتالمىش مەسەلە بويىنشا كەلٸسٸم جوباسىن جاساسۋدى ۇسىنامىز. تۋريستٸك قىزمەت پەن ٶنٸمدەردٸ ۇسىنىپ, بۇقارالىق اقپارات قۇرالدارى ارقىلى ەلدەردٸڭ تۋريستٸك ەلەۋەتٸ تۋرالى اقپارات تاراتۋ كەرەك. جالپى, تۋريزم جايىندا جاقسى پٸكٸر قالىپتاستىرىپ, وعان وڭ ىقپالىن تيگٸزەتٸن ينفراقۇرىلىمدىق جوبالاردى بٸرٸگٸپ جاساۋ كەرەك», - دەدٸ ابىلگازيەۆ.
