Osy kúnge deiin eki jaqty bolyp kelgen qyrǵyz-qazaq shekarasyndaǵy «Ken-Býlýn Avtojol» jáne «Tokmok Avtojol» baqylaý-ótkizý pýnktiniń deńgeii adamdardyń yńǵaiyna qarai kóp jaqty bolyp ózgertiledi, dep habarlaidy Kabar agenttigi.
17 tamyzda Astanada ótken VII qyrǵyz-qazaq úkimetaralyq otyrysynyń nátijesi boiynsha Qazaqstan men Qyrǵyzstan úkimeti qol qoiǵan 2003 jylǵy 29 jeltoqsannan bastap memlekettik shekara arqyly ótkizý pýnkteri týraly Kelisimge ózgeris engizý týraly Hattama kúshine engennen keiin atalmysh normada almasýlar paida bolady.
Hattamaǵa sáikes, budan bylai osy keden beketteri jan-jaqty deńgeide jumys jasaityn bolady. Bul «Aq-Tilek Avtojol», «Aqjol Avtojol» ótkizý pýnkteriniń jumysyn jeńildetedi. Budan bólek, sheteldik týrister Ystyqkól oblysyna «Ken-Býlýn» jáne «Tokmok» ótkizý pýnkteri arqyly esh kedergisiz ótý múmkindige ie bolady.
Sonymen qatar, úkimetaralyq keńestiń otyrysynda Mýhammedkalyi Abylgaziev týrizdi damytý máselesine keńinen toqtaldy. Sebebi bul salanyń eki el úshin de mańyzy zor.
«Týrizmdi birigip damytý úshin keshendi sharalar qabyldaý kerek degen oidamyz. Atalmysh másele boiynsha kelisim jobasyn jasasýdy usynamyz. Týristik qyzmet pen ónimderdi usynyp, buqaralyq aqparat quraldary arqyly elderdiń týristik áleýeti týraly aqparat taratý kerek. Jalpy, týrizm jaiynda jaqsy pikir qalyptastyryp, oǵan oń yqpalyn tigizetin infraqurylymdyq jobalardy birigip jasaý kerek», - dedi Abylgaziev.
