قىرعىزستاندا ەل ەكونوميكاسىن ەۋرازييالىق ەكونوميكالىق وداق تالاپتارىنا بەيٸمدەۋ ٷشٸن قازاقستاننان 100 ميلليون دوللار كٶلەمٸندە قارىز الۋ مەسەلەسٸ قايتا كٶتەرٸلۋٸ مٷمكٸن, دەپ حابارلايدى Sputnik قىرعىزستان.
بۇل تۋرالى ساياساتتانۋشى مارات قازاقپاەۆ ايتتى. ساراپشىنىڭ پٸكٸرٸنشە, نۇرسۇلتان نازارباەۆ پەن قىرعىزستاننىڭ ەكس-پرەزيدەنتٸ المازبەك اتامباەۆتىڭ اراسىنداعى تٷسٸنٸسپەۋشٸلٸك ٶزەكتٸلٸگٸن جوعالتقان. ال قىرعىز ەلٸنٸڭ قازٸرگٸ مەملەكەت باسشىسى سوورونباي جەەنبەكوۆ قازاقستاننىڭ تۇڭعىش پرەزيدەنتٸمەن جاقسى بايلانىس ورناتىپتى.
قىرعىز ەكونوميكاسىن ەۋرازييالىق ەكونوميكالىق وداق جاعدايىنا بەيٸمدەۋ مەسەلەسٸ ەلٸ دە ٶزەكتٸ, ال ونى تٷپكٸلٸكتٸ شەشۋ ٷشٸن قارجى قاجەت.
"مەنٸڭ ويىمشا, 100 ميلليون دوللار كٶلەمٸندە قارىز الۋ مەسەلەسٸ ەلٸ دە كٶتەرٸلەدٸ. سەبەبٸ, قازٸرگٸ تاڭدا بيلٸككە تۋرا ماعىناسىندا نازارباەۆتىڭ ٸزباسارى توقاەۆ كەلدٸ. دەمەك, قىرعىزستانعا قاتىستى بۇرىنعى ساياسات جالعاسادى. سەبەبٸ, ول – كٶرشٸلەس سەرٸكتەس. ال قازاقستان – شىنايى دونور. ەرينە, اتامباەۆ بيلٸكتە بولعان تۇستا مەسەلەلەر بولدى. تٸپتٸ, قوس مەملەكەت اراسىندا جانجال تۋىندادى", - دەيدٸ مارات قازاقپاەۆ Sputnik قىرعىزستان راديوسىنا بەرگەن سۇقباتىندا.
سونىمەن قاتار ساياساتتانۋشىنىڭ ايتۋىنشا, قىرعىزستاننىڭ قازٸرگٸ پرەزيدەنتٸ تەز ارادا قازاق ەلٸمەن تٸل تابىسىپ كەتكەن.
"مەنٸڭ ويىمشا, 100 ميلليون دوللار كٶلەمٸندە كٶمەك بەرۋ مەسەلەسٸ قايتا كٶتەرٸلەدٸ. مەن وعان سەنٸمدٸمٸن", - دەپ تٷيٸندەدٸ سٶزٸن ساراپشى.
