"قازاقستاننىڭ قىرعىزستانمەن شەكاراسىنداعى كەزەك جويىلدى, تەكسەرۋ جەنە ٶتكٸزۋ بەكەتتەرٸندە بٸر دە بٸر كٶلٸك جوق", - دەپ حابارلايدى ازاتتىقتىڭ قىرعىز رەداكتسيياسى مەملەكەتتٸك شەكارا قىزمەتٸنە سٸلتەمە جاساي وتىرىپ .
ۆەدومستۆونىڭ مەلٸمەتٸنە قاراعاندا, بەكەتتەردەگٸ كەزەك 4 جەلتوقسان كٷنٸ اياقتالعان. جٷك كٶلٸگٸ, جەڭٸل كٶلٸكتەر مەن جولاۋشى تاسىمالدايتىن كٶلٸكتەر شەكارادان قالىپتى رەجيمدە ٶتكٸزٸلٸپ جاتىر.
قازاقستان قىرعىزستانمەن شەكاراداعى باقىلاۋدى قازاننىڭ 10-ىنان باستاپ كٷشەيتٸلگەن رەجيمگە كٶشٸرگەننەن كەيٸن كٶرشٸ ەلدەن قازاقستان اۋماعىنا ٶتۋ قيىنداپ كەتكەن ەدٸ. استانا شەكارادا تەكسەرۋدٸڭ كٷشەيتٸلگەنٸن "كونتراباندامەن كٷرەس شاراسى" دەپ تٷسٸندٸرگەن. بٸشكەك قازاقستان جاعى شەكارادا "قولدان كەدەرگٸ جاساپ وتىر" دەپ مەلٸمدەگەن.
كەي ساراپشىلار استانانىڭ مۇنداي شاراسىن سول كەزدەگٸ قىرعىزستان پرەزيدەنتٸ المازبەك اتامباەۆتىڭ "قىرعىزستاننىڭ ٸشكٸ ٸسٸنە ارالاسىپ وتىر" دەپ قازاقستان باسشىلىعىن سىناعان مەلٸمدەمەسٸمەن بايلانىستىرعان.
30 قاراشادا قازاقستان پرەزيدەنتٸ نۇرسۇلتان نازارباەۆ پەن قىرعىزستان پرەزيدەنتٸ سوورونباي جەەنبەكوۆ مينسكٸدە كەزدەسٸپ, شەكارا مەسەلەسٸن تالقىلاعان. كەزدەسۋدەن سوڭ پرەزيدەنتتەر شەكاراداعى جاعدايدى رەتتەيتٸن "جول كارتاسى" جەلتوقساننىڭ سوڭىنا دەيٸن قابىلداناتىنىن حابارلاعان. 2 جەلتوقساندا ەكٸ ەل ٷكٸمەتتەرٸ "جول كارتاسىنا" قول قويعان. قىرعىزستان شەكارا قىزمەتٸ كەيٸن قازاقستاندىق شەكاراشىلار 3 جەلتوقسانعا قاراعان تٷننەن باستاپ شەكاراداعى بەكەتتەردە جٷك كٶلٸكتەرٸن ٶتكٸزۋدٸ تەزدەتكەنٸن حابارلاعان.
