قىرعىزستان مەملەكەتتٸك ۇلتتىق قاۋٸپسٸزدٸك قىزمەتٸ بارلاۋ جەنە قارسى بارلاۋ مٷمكٸندٸگٸن ارتتىرۋ ٷشٸن زاڭناماعا ٶزگەرٸس ەنگٸزۋدٸ ۇسىندى. بۇل تۋرالى ازاتتىقتىڭ قىرعىز قىزمەتٸ حابارلادى.
تٷزەتۋلەر ازاماتتاردىڭ قۇپييا حات جازىسۋ, تۇرعىن ٷيٸنە قول سۇعىلماۋ, بيومەترييالىق پاسپورتتارعا قول جەتكٸزۋ قۇقىقتارىن قامتيدى. ۇسىنىس قابىلدانسا, قىرعىزستاننىڭ ارنايى قىزمەتتەرٸمەن سەرٸكتەس ازاپتاۋدىڭ الدىن الۋ جەنە شەتەلدٸكتەرگە ازاماتتىق بەرۋ جٶنٸندەگٸ ۇلتتىق ورتالىق ٶكٸلەتٸ ٶزگەرەدٸ.
ۇلتتىق قاۋٸپسٸزدٸك قىزمەتٸ تەرگەۋ سۋدياسىنا زاڭمەن قورعالاتىن قۇقىقتاردى – جازىسقان حاتتار, تەلەفون ارقىلى سٶيلەسكەن سٶزدەر, پوشتا, تەلەگراف ارقىلى جەنە باسقا جولدارمەن الىسقان حابارلاردىڭ قۇپييالىعىن ساقتاۋ, تۇرعىن ٷيگە قول سۇعىلماۋ سيياقتى قۇقىقتاردى قامتيتىن شارالاردى جٷرگٸزۋگە رۇقسات بەرۋدٸ سۇرايدى.
سونداي-اق قاۋٸپسٸزدٸك قىزمەتٸ بيومەتريكالىق دەرەكتٸ ازاماتتىڭ رۇقساتىنسىز الۋعا رۇقسات بەرۋدٸ سۇراعان. ۆەدومستۆو مۇنداي ٶتٸنٸش ايتۋىن ٶزدەرٸنٸڭ سىرتقى بارلاۋ جەنە قارسى بارلاۋ قىزمەتٸنٸڭ "ەرەكشەلٸگٸمەن" تٷسٸندٸرگەن.
ازاپتاۋدىڭ الدىن الۋ جٶنٸندەگٸ ۇلتتىق ورتالىققا ازاپتاۋ ٸستەرٸن ەسەپكە الماعاندا قارسى بارلاۋ شارالارىن جٷرگٸزۋ قىزمەتٸنە ارالاسۋعا تىيىم سالىنۋى مٷمكٸن.
قىرعىزستاننىڭ ارنايى قىزمەتتەرٸمەن بٸرٸگە جۇمىس ٸستەيتٸن شەتەلدٸكتەر مەن ازاماتتىعى جوق ادامدارعا, سونداي-اق ولاردىڭ وتباسىلارىنا جەڭٸلدەتٸلگەن تەرتٸپپەن قىرعىزستان ازاماتتىعىن بەرۋ دە ۇسىنىلدى. مۇنداي ۇسىنىستىڭ ايتىلۋىنا, ۆەدومستۆو سٶزٸنشە, ەلگٸ ازاماتتار تۇراتىن ەلدە ولاردىڭ قىرعىزستان قاۋٸپسٸزدٸك قىزمەتٸمەن سەرٸكتەس ەكەنٸ جارييا بولسا, ولار قاماۋعا الىنۋى نە ٶلٸم جازاسىنا كەسٸلۋٸ مٷمكٸن دەگەن قاۋٸپ سەبەپ.
مەملەكەتتٸك ۇلتتىق قاۋٸپسٸزدٸك قىزمەتٸ بۇل ٶزگەرٸستەر زاڭ قايشىلىعىن تۋدىرمايدى دەپ سانايدى.
