قىرعىزستان پارلامەنتٸندەگٸ "بير بول" فراكتسيياسىنىڭ ليدەرٸ التىنبەك سۋلايمانوۆ قىرعىزستاننىڭ ەۋرازييا ەكونوميكالىق وداعى (ەاەو) قۇرامىنا كٸرگەنٸن سىنادى. ازاتتىقتىڭ قىرعىز قىزمەتٸنٸڭ حابارلاۋىنشا, 15 قاراشا كٷنٸ جوگوركۋ كەڭەش وتىرىسىندا سٶيلەگەن دەپۋتات ەلدٸڭ بۇل ۇيىمعا قوسىلۋىن "اسىعىس جەنە مەملەكەت مٷددەسٸنە قايشى قادام" دەپ اتادى.
سۋلايمانوۆ بۇعان مىسالعا رەسپۋبليكانىڭ 2020 جىلعا دەيٸن سىرتتان كٶلٸك كٸرگٸزۋدە ٶز كەدەندٸك سالىق تاريفٸن قولدانۋ مٷمكٸندٸگٸ بولعانىن, سوعان قاراماستان تاريف كٶتەرٸلگەنٸن كەلتٸردٸ.
"2014 جىلى قىرعىزستانعا 110 مىڭ كٶلٸك كٸرگٸزٸلدٸ. 2015 جىلى - ەكٸ-اق مىڭ كٶلٸك. 2016 جىلى 68 مىڭ, 2017 جىلى - 69 مىڭ كٶلٸك كٸردٸ. ون مىڭ ادام جۇمىسىنان ايىرىلدى. كٶلٸكتٸڭ جارتىسىن قازاقستاندىقتار ساتىپ الدى. ەندٸ بٸز ولاردان ساتىپ الامىز. وسى جىلدارى بيۋدجەتكە بەس ميللياردتان 15 ميلليارد سومعا دەيٸنگٸ مٶلشەردە قارجى تٷسەر ەدٸ, باعا ايىرماسىنان قانشاما ازاماتىمىز تابىس تاپقان بولار ەدٸ" دەدٸ سۋلايمانوۆ.
دەپۋتات كەدەن سالىعىنىڭ قىمباتتاعانىنا ەكس-پرەمەر تەمٸر ساريەۆتٸ كٸنەلادى.
14 قاراشادا تەمٸر ساريەۆ بەينە ٷندەۋٸندە قىرعىزستاننىڭ ەاەو-عا قوسىلۋى "تاريحي تۇرعىدان دۇرىس شەشٸم بولعانىن, ەلدٸڭ بۇدان كٶپ نەرسە ۇتقانىن مەلٸمدەگەن. ول كەدەندٸك سالىق پەن الىمعا قاتىستى 2020 جىلعا دەيٸن جەڭٸلدٸك كەزەڭٸن دۇرىس پايدالانۋ ٷشٸن ٷكٸمەت 2015 جىلى تاريفتەردٸ بٸرتٸندەپ كٶبەيتۋگە شەشٸم قابىلداعانىن ايتتى.
2018 جىلى شٸلدەدە ٷكٸمەت سىرتتان كٸرگٸزٸلەتٸن, بەنزين جەنە ديزەلمەن جٷرەتٸن كٶلٸكتەرگە كەدەندٸك باج سالىعى مەن الىمدى 2014 جىلعى دەڭگەيٸنە دەيٸن تٶمەندەتكەن.
ەاەو-مەن جاسالعان كەلٸسٸمنٸڭ 26-تارماعىندا كەلٸسٸم كٷشٸنە ەنگەن كٷننەن باستاپ جەنە 2020 جىلدىڭ 1 قاڭتارىنا دەيٸن قىرعىزستاندا قۇجاتتا بەلگٸلەنگەن كەدەندٸك الىم مەن باج سالىعى قولدانىلمايتىنى ايتىلعان. ياعني, قىرعىزستان 2020 جىلدىڭ 1 قاڭتارىنا دەيٸن ٶز تاريفٸن بەلگٸلەۋ قۇقىعىن يەلەنگەن.
قىرعىزستان ەاەو-عا 2015 جىلى 12 تامىزدا قوسىلعان.
