قر ٸشكٸ ٸستەر مينيسترلٸگٸ ەكٸمشٸلٸك پوليتسييا كوميتەتٸ تٶراعاسىنىڭ ورىنباسارى سەرٸك تٷسٸپوۆ شەتەلدٸك نٶمٸرٸ بار كٶلٸك يەلەرٸنٸڭ جول ەرەجەسٸن بۇزۋ كٶرسەتكٸشتەرٸ تۋرالى جاڭا مەلٸمەتتەردٸ ايتتى, دەپ حابارلايدى قازاقپارات.
«جٷرگٸزۋشٸلەردٸڭ تەرتٸبٸن ارتتىرۋدا ەرەجە بۇزۋ وقيعالارىن اۆتوماتتى تٷركەۋ جٷيەسٸ ەلەۋلٸ رٶل اتقارىپ وتىر. بٷگٸنگٸ تاڭدا جول جٷرۋ ەرەجەسٸن بۇزعان جايتتاردىڭ 40 پايىزعا جۋىعى وسى جٷيەنٸڭ كٶمەگٸمەن انىقتالادى. جولداردا 13 مىڭنان استام وسىنداي كامەرا ورناتىلعان. ولار جىلدامدىق رەجيمٸن ارتتىرۋ, «ستوپ-سىزىق» پەن «تۇتاس جولاقتى» كەسٸپ ٶتۋ, تىيىم سالىنعان بەلگٸگە ٶتۋ, قوعامدىق كٶلٸكتٸڭ جولاعىنا تٷسۋ سيياقتى زاڭسىزدىقتاردى اۆتوماتتى تٷردە تٸركەيدٸ», - دەدٸ ول ۆەدومستۆونىڭ اقپارات الاڭىندا ٶتكەن ونلاين بريفينگٸدە.
ونىڭ مەلٸمەتٸ بويىنشا, شەتەلدٸك نٶمٸرٸ بار كٶلٸكپەن جٷرگەندەردٸڭ جەنە ەرەجە بۇزعانداردىڭ جەكە باسىن جەدەل انىقتاۋ ٷشٸن ساقتاندىرۋ دەرەكتەرٸنٸڭ بازاسىمەن ينتەگراتسييالانعان جٷيە قۇرىلعان. سونىڭ كٶمەگٸمەن جىل باسىنان بەرٸ شەتەلدەن ەكەلٸنگەن كٶلٸكتەردٸڭ ٷستٸنەن 460 مىڭعا جۋىق زاڭبۇزۋشىلىق اۆتوماتتى رەجيمدە انىقتالعان.
«بۇل ساناتتاعى جول قوزعالىسىنا قاتىسۋشىلاردىڭ تەرتٸبٸنە قاتىستى مەسەلە بار. مىسالى, شىعىس قازاقستان وبلىسىندا 182 مىڭ تەڭگەنٸڭ 25 ۇيعارىمى رەسٸمدەلگەن Lexus انىقتالدى. ٸشكٸ ٸستەر قىزمەتكەرلەرٸنٸڭ ارالاسۋىمەن بٷكٸل ايىپپۇل تٶلەندٸ. قوستاناي وبلىسىندا «ۆاز» ماركالى بٸر كٶلٸككە 478 مىڭ تەڭگەنٸڭ ايىپپۇلى جازىلعان 51 ۇيعارىم رەسٸمدەلگەن. تاعى وسى ٶڭٸردە قىرعىز رەسپۋبليكاسىندا تٸركەۋدە تۇرعان Toyota Estimo كٶلٸگٸنە 91 رەت جول قاۋٸپسٸزدٸگٸن بۇزعانى ٷشٸن 1,1 ملن تەڭگە ايىپپۇل سالىنىپ, تٷگەل ٶندٸرٸلدٸ. پاۆلودار وبلىسىندا رەسەيدە تٸركەۋٸ بار Hunday اۆتوموبيلٸنٸڭ يەسٸ 69 رەت جول ەجەرەسٸن بۇزىپ, 751 مىڭ تەڭگە ايىپپۇل تٶلەدٸ», - دەدٸ ٸٸم ٶكٸلٸ.
