الماتىدا ەسكەري قىزمەتكەرلەرگە, كوممۋنالدىق قىزمەتكەرلەرگە جەنە ويران زارداپتارىن جويۋعا اتسالىسۋشىلارعا كٶمەكتەسۋ ٷشٸن ەرٸكتٸلەر باستامالارى مەن قايىرىمدىلىق اكتسييالارى بەلسەندٸ تٷردە جٷزەگە اسۋدا, دەپ حابارلايدى قازاقپارات.
الماتىداعى «راحىم» ەلەۋمەتتٸك ٷيٸ 10 كٷننەن بەرٸ بارلىق قىزمەت جەنە قۇقىق قورعاۋ ورگاندارىنىڭ قىزمەتكەرلەرٸنە ىستىق تاماق ەزٸرلەپ, تاراتۋدا. بۇدان بٶلەك, 6 قاڭتاردان باستاپ كٷنٸنە 2 مىڭعا جۋىق ادامعا تاعام دايىندادى. بۇل تۋرالى «راحىم» ەلەۋمەتتٸك ٷيٸ» قوعامدىق قورىنىڭ جەتەكشٸسٸ بيبٸنۇر شەراليەۆا ايتتى.
«قالا تۇرعىندارى يگٸ باستامانى بلوگەرلەر ارقىلى بٸلٸپ, ونى قولداپ, بارلىعىن اۋقىمدى تٷردە ۇيىمداستىردى. بۇل ەڭ الدىمەن حالىقتىڭ قۋاتى. بٸز اكتسييانى 6 قاڭتاردا باستادىق. سول كەزدە مەن بۇقتىرىلعان ماكارون پٸسٸردٸم, ول 130 پورتسييا بولدى. بلوگەرلەرگە پلاستيكالىق ىدىستاردى ساتىپ الۋعا كٶمەكتەسۋلەرٸ ٷشٸن حابارلاستىم. جالپى, بۇل جۇمىستى اتقارىپ جٷرگەنٸمە ٷش جىل بولدى. قالا قالپىنا كەلٸپ جاتقاندا, بۇل باستامانىڭ اۋقىمدى اكتسيياعا اينالۋىن, كٷن سايىن ىستىق تاماق بەرۋٸمٸزدٸ قالايمىن. بٸز قالا تۇرعىندارىنا دا حابارلاسا باستادىق. بٸز ەلەۋمەتتٸك ٷيدە بٸر كٷندە 2000 پورتسييا تاعام دايىندادىق. ٷلكەن قازاندار مەن ازىق-تٷلٸكتەردٸ الدىق. تۇرعىندار دا كٶمەكتەسە باستادى. مىسالى, ولار كارتوپ, پيياز, سەبٸزدەردٸ ٷيلەرٸندە تازالادى. بٸز سونداي-اق جينالعان ورتاق اقشاعا سيىر ساتىپ الدىق. جالپى, بٸز 6-نان بەرٸ جۇمىس ٸستەپ جاتىرمىز, بٷگٸن تۋرا 10 كٷن بولدى. ون كٷننٸڭ ٸشٸندە 12 مىڭنان استام پورتسييا تاعام دايىندادىق. كەشە بٸز 1680-ٸن ەزٸرلەدٸك», - دەدٸ بيبٸنۇر شەراليەۆا.
ەلەۋمەتتٸك ٷيدٸڭ باسشىسى ىستىق تاماق ۇلتتىق ۇلان, ٸشكٸ ەشەلون ەسكەرلەرٸنە, ارنايى جاساق, بوستاندىق جەنە مەدەۋ اۋداندىق ٸشكٸ ٸستەر بٶلٸمٸنٸڭ قىزمەتكەرلەرٸ, كوممۋنالدىق قىزمەتكەرلەرگە, ەرٸكتٸلەر, سونداي-اق, الماتىدا قالعان ستۋدەنتتەرگە تاراتىلىپ جاتقانىن ايتتى.
«بۇدان بٶلەك, بٸرلەسە تاماق جەنە سۋسىنمەن قامتاماسىز ەتۋ ٷشٸن بٸز دەمەۋشٸلەردٸ دە تارتتىق. قالانىڭ قايىرىمدى ازاماتتارى مەن قالا تۇرعىندارىنا راحمەت. بٸز باستادىق, بلوگەرلەر مەن حالىق بٸزدٸڭ باستامامىزدى قولدادى. بٸزدٸڭ كٷش-قۋاتىمىز بٸرلٸكتە جەنە تۇرعىندار وعان كٶمەكتەسٸپ جاتىر», - دەيدٸ «راحىم» ەلەۋمەتتٸك ٷيٸ» قوعامدىق قورىنىڭ باسشىسى بيبٸنۇر شەراليەۆا.
سونداي-اق ول اتالمىش اكتسييا قالا قالپىنا كەلگەنشە جالعاساتىنىن جەتكٸزدٸ.
