شىعىس قازاقستان وبلىسىندا اۋىلدىق وكرۋگتەردٸڭ بٸرٸندە قۇس تۇماۋى انىقتالدى. ۆەتەرينارلىق اقپاراتىنا سەيكەس, اۋرۋدىڭ تارالۋىنا جول بەرٸلگەن جوق.
قازٸرگٸ ۋاقىتتا جاعداي تۇراقتى, دەپ حابارلادى YK-news.kz.
"بەسقاراعاي اۋدانىندا قۇس تۇماۋى انىقتالدى. اۋىلدىق وكرۋگ بٸردەن كارانتينگە جابىلدى. قازٸر بەرٸ توقتاتىلدى, ۆاكتسيناتسييا جاسالدى, جاعداي تۇراقتى. قۇس قىرىلىپ جاتقان جوق", - دەدٸ شىعىس قازاقستان وبلىسى ۆەتەرينارييا باسقارماسىندا.
ماماندار جۇمىس ٸستەپ جاتىر.
بۇعان دەيٸن قازاقستاننىڭ قۇس ٶسٸرۋشٸلەر وداعىنىڭ پرەزيدەنتٸ رۋسلان شەرٸپوۆ قۇس تۇماۋىنىڭ تارالۋى بٸر اي ٸشٸندە توقتايتىنىن حابارلاعان بولاتىن.
"بٸزدە قۇس فابريكالارى جابىق تيپتٸ. مەسەلەن, بٸر فابريكا جەتەكشٸسٸ مەن جۇمىسشىلارى كەسٸپورىندا تۇرادى. ولارعا ازىق-تٷلٸك تەرەزە ارقىلى جەتكٸزٸلەدٸ. تۇماۋدىڭ تارالۋىنا جول بەرمەۋ ٷشٸن وسىنداي قاتاڭ شارا قولدانىلدى", - دەدٸ شەرٸپوۆ.
اۋىل شارۋاشىلىعى مينيسترلٸگٸ جەتٸ وبلىستا قۇس تۇماۋى راستالعانىن ايتتى.
