ەلٸمٸزدە اۋىل شارۋاشىلىعى ماقساتىنداعى جەرلەر جەكەمەنشٸكتە ەمەس, تەك مەملەكەتتٸڭ قۇزىرىندا بولۋى كەرەك. بۇل تۋرالى جەر رەفورماسى جٶنٸندەگٸ كوميسسييانىڭ 1-وتىرىسىندا سەنات دەپۋتاتى اقىلبەك كٷرٸشباەۆ ايتتى, دەپ حابارلايدى قازاقپارات.
«قازاقستان ٷشٸن اۋىلشارۋاشىلىعى ماقساتىنداعى جەر جاي عانا ٶندٸرٸس قۇرالى ەمەس, ەڭ الدىمەن بۇل - بٸزدٸڭ ۇلتتىق يگٸلٸگٸمٸز, اتا-بابامىزدان قالعان تاريحي مۇرامىز, بٷكٸل حالقىمىزدىڭ بايلىعى جەنە ونىڭ باستى قۇندىلىعى. مەنٸڭ جەكە پٸكٸرٸم, قازاقستانداعى اۋىل شارۋاشىلىعى ماقساتىنداعى جەرلەر جەكەمەنشٸكتە ەمەس, تەك مەملەكەتتٸڭ قۇزىرىندا بولۋى كەرەك. ەڭ الدىمەن بۇل بٸزدٸڭ گەوساياسي جاعدايمىزعا بايلانىستى. اۋىل شارۋاشىلىعى جەرلەرٸنٸڭ كٶلەمٸ بويىنشا بٸز ەلەمدە 6-ورىندا تۇرمىز. ال ەگٸستٸك القاپتارى بويىنشا جان باسىنا شاققاندا اۆسترالييادان كەيٸن ەكٸنشٸ ورىندامىز. ياعني, بٸر ادامعا شامامەن 1,3 گەكتار ەگٸستٸك جەر كەلەدٸ. باسقاشا ايتقاندا, بٸزدە حالىق تىعىزدىعى ٶتە تٶمەن. سوندىقتان مەملەكەتتٸڭ ۇلتتىق قاۋٸپسٸزدٸگٸن قامتاماسىز ەتۋ ٷشٸن جەر رەسۋرستارىمىزدىڭ جەكەمەنشٸكتە ەمەس تەك قانا مەملەكەتتٸك مەنشٸكتە بولعانى ماڭىزدى. جەر تەك جالعا بەرٸلۋٸ تيٸس», - دەدٸ كوميسسييانىڭ بٸرٸنشٸ وتىرىسىندا سەناتور.
ونىڭ اتاپ ٶتۋٸنشە, ەلەمدٸك تەجٸريبەدە مۇنداي مىسالدار بار. مەسەلەن, نارىقتىق ەكونوميكاسى دامىعان يزرايلدە بارلىق اۋىل شارۋاشىلىعى جەرلەرٸ مەملەكەتتٸڭ قۇزىرىندا.
