قازاقستان رەسپۋبليكاسى پرەمەر-مينيسترٸنٸڭ بٸرٸنشٸ ورىنباسارى ا. مامين الماتى وبلىسىنداعى ساپارىن «قورعاس» حشىو نىساندارىندا جالعاستىردى, دەپ حابارلايدى "ۇلت اقپارات" الماتى وبلىسى ەكٸمدٸگٸنٸڭ رەسمي سايتىنا سٸلتەمە جاساپ.
ورتالىقتاعى باقىلاۋ-ٶتكٸزۋ پۋنكتٸندە كەدەن جەنە شەكارا قىزمەتٸنٸڭ ٶكٸلدەرٸ كەدەندٸك باقىلاۋ مەن تٶلقۇجاتتىق تەكسەرۋدەن ٶتۋ پروتسەدۋرالارى جايلى باياندادى. ورتالىقتا جوسپارلانعان 91 ينفراقۇرىلىم نىساندارىنىڭ بٷگٸنگٸ كٷنگە 74-ٸنٸڭ قۇرىلىسى اياقتالىپ, 4-ەۋٸ بٸتۋگە تاياۋ. تەرمينال ايماعى مەن «سامۇرىق» ورتالىق الاڭىنداعى ەكٸ ساۋدا ٷيٸنٸڭ قۇرىلىسى اياقتالعان. 2017 جىلى ورتالىق الاڭ, قولٶنەرشٸلەر قالاسى, بيزنەس-ورتالىق, كٶپفۋنكتسيونالدى عيمارات پەن ساۋدا ورتالىعىن سالىپ بٸتٸرۋ كٶزدەلگەن. بٷگٸنگٸ كٷنٸ «قورعاس» حشىو-عا كٷنٸنە 1700-2700 ادام شاماسىندا كەلەدٸ.
سونداي-اق بٸرٸنشٸ ۆيتسە-پرەمەر باستاعان رەسمي دەلەگاتسييا «قتج» ۇك» اق جاتاقحاناسى مەن «نۇركەنت» كەنتٸندەگٸ جەرگٸلٸكتٸ اتقارۋشى ورگاننىڭ ەكٸ تۇرعىن ٷيٸنٸڭ قۇرىلىسىمەن تانىستى. وبلىستىق قۇرىلىس باسقارماسىنىڭ باسشىسى ت. بەكتاسوۆتىڭ ايتۋىنشا, ەكٸ تۇرعىن ٷي قۇرىلىسىنىڭ جالپى قۇنى 870,2 ملن.تەڭگە. وعان 2015 جىلى جەرگٸلٸكتٸ بيۋدجەتتەن 100 ملن.تەڭگە بٶلٸنٸپ, يگەرٸلگەن. ال بيىلعى جىلى 759,332 ملن.تەڭگە قاراستىرىلىپ, قۇرىلىستى اياقتاۋ مەجەلەنٸپ وتىر. قۇرىلىس جۇمىستارىن «Newconstruction» جشس جٷرگٸزۋدە.
ال «قتج» جاتاقحاناسىنىڭ سالىنۋ بارىسى تۋرالى «KazSMU» جشس ديرەكتورى كەنجەباي جاپاروۆ ايتىپ بەردٸ. شاعىن وتباسىلارعا ارنالعان 60 پەتەرلٸ كوممۋنالدىق ٷيلەردٸڭ قۇرىلىسى تولىق اياقتالىپ, قازٸر ٸشكٸ ەرلەۋ, سىرتقى اباتتاندىرۋ جۇمىستارى جاسالىپ جاتىر. «KazSMU» جشس ٶزدەرٸنٸڭ ساتۋ-ساتىپ الۋ تۋرالى كەلٸسٸمشارتتار جاساسۋعا دايىن ەكەندٸكتەرٸن ايتتى.
ساپار بارىسىندا ا. مامين «باتىس ەۋروپا – باتىس قىتاي» اۆتوكٶلٸك جولى ۋچاسكەسٸندە بولىپ, وندا اتالعان اۆتوجولدىڭ قۇرىلىسىمەن جەنە «قورعاس» حشىو اۋماعىنداعى قورعاس ٶزەنٸنٸڭ سۋ بٶگەتٸ قۇرىلىسىنىڭ جٷرگٸزٸلۋ بارىسىمەن تانىستى.
«باتىس ەۋروپا – باتىس قىتاي» اۆتوكٶلٸك جولىنىڭ الماتى وبلىسى اۋماعىن باسىپ ٶتەتٸن ۇزىندىعى 460,5 شاقىرىمدى قۇرايدى. مۇنداعى قۇرىلىس 2013 جىلدىڭ قازان ايىندا باستالعان. جۇمىستار 304 شاقىرىمدىق 8 ۋچاسكەدە جٷرٸپ جاتىر, وعان 4 مەردٸگەر كومپانييا تارتىلعان. اۆتوكٶلٸك جولى 4 جولاقتى قوزعالىسقا, قوزعالىس جىلدامدىعى 120 ش/ساع. ەسەپتەلگەن, بٶلۋ جولاعىنىڭ ەنٸ 5 م., جول تسەمەنت بەتون جابىندى بولادى دەپ جوسپارلانعان. «الماتى - قورعاس» اۆتوكٶلٸك جولىنىڭ ۋچاسكەلەرٸ وبلىستىڭ ٸلە, تالعار, ەڭبەكشٸقازاق, ۇيعىر, پانفيلوۆ اۋداندارىن باسىپ ٶتٸپ, «الماتى - ٶسكەمەن» اۆتوجولىنىڭ 24 شاقىرىمىنان الماتى قالاسىن اينالىپ, «جەتٸگەن - قورعاس» تەمٸر جولىمەن بٸر دەلٸزدە قىتاي شەكاراسىنا شىعادى.
قورعاس ٶزەنٸندەگٸ بٶگەت قۇرىلىسى بارىسىمەن «قازسەلدەنقورعاۋ» مم باسشىسى توقتاربەك بايمولداەۆ باياندادى. ت. بايمولداەۆتىڭ ايتۋىنشا, قورعاس-1 جوباسىن جٷزەگە اسىرۋ شەڭبەرٸندە 2016 جىلى ويجايلاۋ سالاسىنا اپاراتىن ەكسپلۋاتاتسييالىق-تراكتورلىق جولداردىڭ قۇرىلىسى جاسالۋدا. سەلدەن قورعايتىن شٷكٸربۇلاق بٶگەتٸنٸڭ قۇرىلىسىن باستاۋ ٷشٸن ونىڭ قۇرىلىسىنىڭ جوباسى قازٸر قازاقستان مەن قىتاي مەملەكەتتٸك ورگاندارىندا كەلٸسٸمنەن ٶتكٸزٸلۋدە. قورعاس ٶزەنٸندە شۇعىل سەلدەن قورعاۋ شارالارىن اتقارۋ ٷشٸن 700,8 ملن. تەڭگە بٶلٸندٸ. بٷگٸنگە دەيٸن جەر قازۋ, دامب تۇرعىزۋ, سەبۋ جۇمىستارى اتقارىلدى. قورعاس-1 جوباسىن جٷزەگە اسىرۋ مەن قورعاس – 2 جوباسىنىڭ 1-شٸ كەزەڭٸنٸڭ جوبالىق-سمەتالىق قۇجاتتاماسىن ەزٸرلەۋگە 90 ملن. تەڭگە بٶلٸنگەن. كونكۋرس نەتيجەسٸ بويىنشا «جيلستروي-2004» جشس جەڭٸمپاز دەپ تانىلعان.
ساپار قورىتىندىسىندا ٷكٸمەت باسشىسىنىڭ بٸرٸنشٸ ورىنباسارى ا. مامين مەن وبلىس ەكٸمٸ ا. باتالوۆ قۇرعاق پورت ايماعىندا بولىپ, ونداعى العاشقى كەسٸپورىننىڭ بٸرٸ دەندٸ داقىلداردى قابىلداۋ, كەپتٸرۋ, ساقتاۋ نىسانىنىڭ قازىعىن قاقتى.
ايتا كەتەيٸك, بۇل نىساننىڭ جوبالىق قۇنى 675 ملن. تەڭگە, 48 ادامعا جۇمىس بەرەدٸ. كەسٸپورىن بٸر مەزگٸلدە 15 مىڭ توننا ٶنٸم ساقتاپ, 2-شٸ جەلٸسٸ كەڭەيتٸلگەن كەزٸندە ساقتاۋ كٶلەمٸ 30 مىڭ تونناعا جەتكٸزٸلمەك.
