جاپونييانىڭ IT تەحنولوگييا سالاسىنداعى ٸرٸ كومپانييالارى قازاقستان پرەزيدەنتٸنٸڭ ەلدٸ ٷشٸنشٸ جاڭعىرۋعا باستايتىن تىڭ باستاماسىنا قىزىعۋشىلىق بٸلدٸرٸپ وتىر. بۇل تۋرالى «نۇر وتان» پارتيياسى تٶراعاسى بٸرٸنشٸ ورىنباسارىنىڭ حالىقارالىق جەنە پارتيياارالىق ىنتىماقتاستىقتى نىعايتۋ ماقساتىندا جاپونيياعا جاساعان ساپارى بارىسىندا بەلگٸلٸ بولدى, دەپ حابارلايدى "ۇلت اقپارات".
اتاپ ايتقاندا, بەينەكامەرالار ارقىلى ادام مەن نىساندى انىقتاپ, بيومەتريكالىق دەرەكتەردٸ ٶندەۋمەن اينالىساتىن «NEC» كومپانيياسى ٷشٸنشٸ جاڭعىرۋدا ايتىلعان تسيفرلىق تەحنولوگييانىڭ قازاقستانداعى قولدانىس اياسىن كەڭەيتۋ ماقساتىندا بٸزدٸڭ ەلمەن ەرٸپتەستٸك ورناتۋعا دايىن.
ودان بٶلەك, مۇحتار قۇل-مۇحاممەد جاپونييانىڭ پرەمەر-مينيسترٸ سيندزو ابەمەن, ەلدەگٸ باستى ساياسي كٷش سانالاتىن بيلەۋشٸ ليبەرالدى-دەموكراتييالىق پارتييانىڭ باس حاتشىسى توسيحيرو نيكايمەن, جاپونييا پارلامەنتٸندەگٸ قازاقستانمەن دوستىق ليگاسىنىڭ تٶراعاسى تاكەو كاۆامۋرامەن كەزدەسٸپ, ەكٸجاقتى كەلٸسسٶزدەر جٷرگٸزدٸ.
وسىدان بٸر عاسىرعا جۋىق ۋاقىت بۇرىن الاشوردا ٷكٸمەتٸن قۇرعان قازاق زييالىلارى جاپونييا تەجٸريبەسٸن جٸتٸ زەرتتەپ, كٶپ ٷيرەنگەن. جاس مۇحتار ەۋەزوۆ «ياپونييا» اتتى ماقالا جازىپ, 1919 جىلى «اباي» جۋرنالىنا جارييالاعان. الاشتىڭ ارداقتى اقىنى سۇلتانماحمۇت تورايعىروۆ تا جاپونييا ەلٸنٸڭ دامۋ تاريحى تۋرالى تاماشا جازباسىن قالدىرعان. ەندەشە الاش مۇراسىن جان-جاقتى زەرتتەگەن مۇحتار قۇل-مۇحاممەدتٸڭ كٷنشىعىسقا قاراپ بوي تٷزەۋٸ قۋانىشتى ەرٸ قۇپتارلىق باستاما.
