فوتو: قازۇتوب تەاترى باسپاسٶز قىزمەتٸ
اباي اتىنداعى قازاق ۇلتتىق وپەرا جەنە بالەت تەاترىندا احمەت جۇبانوۆ پەن لاتيف حاميديدٸڭ اڭىزعا اينالعان «اباي» وپەراسىنىڭ جاڭارتىلعان نۇسقاسىنىڭ پرەمەراسى ٶتتٸ, دەپ حابارلايدى Ult.kz.
سەكسەن جىلدان استام ۋاقىت بويى بۇل شىعارما ۇلتتىق وپەرا ٶنەرٸنٸڭ جاۋھارى ەرٸ تەاتردىڭ ايرىقشا بەت-بەينەسٸ سانالىپ كەلەدٸ.
پرەمەرا قارساڭىندا ٶتكەن باسپاسٶز كونفەرەنتسيياسىندا قويىلىم توبى جاڭارتىلعان سپەكتاكلدٸڭ تۇجىرىمداماسىن, كٶركەمدٸك جەنە مۋزىكالىق شەشٸمدەرٸن, سونداي-اق كلاسسيكالىق تٷپنۇسقامەن ساباقتاستىقتى ساقتاۋ قاعيداتتارىن كەڭٸنەن تانىستىردى. قويىلىمنىڭ رۋحاني ٶزەگٸ سانالاتىن ۇرپاقتار ساباقتاستىعى, دەستٷر مەن زاماناۋي ويدىڭ توعىسۋى مەسەلەسٸنە ەرەكشە مەن بەرٸلدٸ.
فوتو: قازۇتوب تەاترى باسپاسٶز قىزمەتٸ
جاڭا ساحنالىق نۇسقانىڭ باستى ەرەكشەلٸگٸ – كلاسسيكالىق شىعارمانى بٷگٸنگٸ زاماننىڭ كٶزقاراسى ارقىلى پايىمداي وتىرىپ, ونىڭ فيلوسوفييالىق تەرەڭدٸگٸن ساقتاپ قالۋى. رەجيسسەرلٸك تۇجىرىمداما ابايدىڭ ٸشكٸ جان دٷنيەسٸن, ادامگەرشٸلٸك تاڭداۋى مەن ٶز دەۋٸرٸمەن رۋحاني قايشىلىعىن تەرەڭٸرەك اشۋعا باعىتتالعان.
قويىلىمنىڭ ستسەنوگرافيياسى مەن ۆيزۋالدىق شەشٸمدەرٸندە ەلەۋلٸ جاڭاشىلدىقتار ەنگٸزٸلدٸ. قويىلىم سۋرەتشٸسٸ ەسەنگەلدٸ تۇياقوۆ ساحنالىق كەڭٸستٸكتٸ ۋاقىتتىڭ, جادىنىڭ جەنە حالىق تاعدىرىنىڭ سيمۆولى سانالاتىن دالانىڭ جيناقتالعان بەينەسٸ رەتٸندە ۇسىندى. مينيماليستٸك دەكوراتسييالار تەرەڭ ماعىنالىق اكتسەنتتەرمەن تولىقتىرىلىپ, كٶرەرمەن نازارىن كەيٸپكەرلەر مەن دراماتۋرگيياعا شوعىرلاندىردى.
باسپاسٶز كونفەرەنتسيياسىندا كوستيۋمدٸك شەشٸمدەر دە تانىستىرىلدى. راۋان قايرۋللاەۆا جاساعان ساحنالىق وبرازدار تاريحي فورمالار مەن ۇلتتىق ناقىشتاردى ساقتاي وتىرىپ, زاماناۋي كٶركەمدٸك تۇرعىدا قايتا پايىمدالعان.
فوتو: قازۇتوب تەاترى باسپاسٶز قىزمەتٸ
مۋزىكالىق پارتيتۋرا ٶزگەرٸسسٸز قالدىرىلدى. قويىلىم توبى شىعارمانىڭ تٷپنۇسقالىق مۋزىكالىق قۇرىلىمىن ساقتاپ, باستى نازاردى جاڭا ساحنالىق وقىلىمعا, تەمپوريتم مەن دراماتۋرگييالىق ەكپٸندەرگە اۋدارعان. باس ديريجەر نۇرجان بايبوسىنوۆتىڭ باسقارۋىمەن وركەستر, حور جەنە سوليستەر پارتيتۋرانىڭ اۋقىمى مەن مازمۇنىن تۇتاس ەرٸ ٷيلەسٸمدٸ تٷردە جەتكٸزدٸ.
قويىلىم رەجيسسەرٸ فارحات مولداعالي اتاپ ٶتكەندەي, جاڭا رەداكتسييادا ۇرپاقتار ساباقتاستىعى تاقىرىبى ايرىقشا مەنگە يە. العاشقى كلاسسيكالىق قويىلىم مەن زاماناۋي وقىلىم اراسىنداعى رۋحاني بايلانىس مۋزىكالىق مەتٸنگە, كەيٸپكەرلەر بەينەسٸنە جەنە شىعارمانىڭ فيلوسوفييالىق ٶزەگٸنە دەگەن قۇرمەت ارقىلى ساقتالعان.
پرەمەرا تولىق انشلاگپەن ٶتٸپ, كٶرەرمەندەر تاراپىنان زور قوشەمەتكە يە بولدى. قويىلىم سوڭىندا ەرتٸستەر مەن شىعارماشىلىق توپ ۇزاق قول شاپالاقتاۋعا بٶلەنٸپ, كٶرەرمەندەر جاڭا قويىلىمعا تەاتر رەپەرتۋارىندا ۇزاق عۇمىر تٸلەدٸ.
