ورتالىق كوممۋنيكاتسييالار قىزمەتٸندە ٶتكەن بريفينگٸدە جوعارى ساناتتى ينفەكتسيونيست دەرٸگەر, مەديتسينا عىلىمدارىنىڭ كانديداتى كوروناۆيرۋس قۇرباندارى «جاسارىپ» بارا جاتقانىن ايتتى, دەپ حابارلايدى قازاقپارات.
«سوڭعى ايدا, ستاتسيونارلىق كٶمەككە دەگەن قاجەتتٸلٸك ايتارلىقتاي ٶسكەن كەزدە, ەلوردادا كٷن سايىن 300-دەن استام ادام اۋرۋحاناعا جاتقىزىلدى. ولاردىڭ 10-15% رەانيماتسيياعا تٷستٸ. كٷن سايىن بٸرنەشە ادامنان ايىرىلىپ وتىردىق. بٷگٸنگٸ ستاتيستيكا دا وڭىپ تۇرعان جوق. بٸر تەۋلٸكتە قازاقستان بويىنشا كوروناۆيرۋس ينفەكتسيياسى راستالعان 149 ادام قايتىس بولدى. ولاردىڭ بەرٸ ۆاكتسينا الماعان. 149 ادام دەگەنٸڭٸز بەس قاباتتى, تٶرت پودەزدٸ ٷيدٸڭ تۇرعىن سانىمان شامالاس. بٸر تەۋلٸكتە تۇتاس بٸر تۇرعىن ٷيدٸڭ ادامى قايتىس بولدى دەگەن سٶز. بۇلاي كەتە بەرسە, ەلٸ بٸر كٷندە بٸر اۋىلدان, كەيٸن بٸر شاعىناۋداننىڭ حالقىنا تەڭ ادامنان ايىرىلامىز. ول بٸرەۋدٸڭ اتا-اناسى, بٸرەۋدٸڭ بالاسى بولۋى مٷمكٸن», - دەدٸ ينفەكتسيونيست مامان.
دەرٸگەر ٸندەتپەن رەانيماتسيياعا تٷسكەندەردٸڭ اراسىندا تٸپتٸ جاسقا تولماعان سەبيلەردٸڭ بار ەكەنٸن ەسكە سالدى.
«ەلوردادا بٸر جاسقا دەيٸنگٸ, بالاباقشا جاسىنداعى بالالار رەانيماتسيياعا, ٶكپەنٸ جاساندى جەلدەتۋ اپپاراتتارىنا تٷسٸپ جاتىر. بٸز 60-تان اسقان ناۋقاستاردىڭ كٶز جۇماتىنىنا بوي ٷيرەتە باستاعان سيياقتىمىز. قازٸر 20-25 جاستاعى ناۋقاستار دا رەانيماتسييا تٶسەگٸنەن تۇرماي قالىپ جاتىر. بۇل ٶتە قورقىنىشتى, ەسٸرەسە بالالار قاۋٸپكە دۋشار», - دەگەن مامان كەلەشەكتە ۆاكتسينانىڭ كاپسۋلاداعى تٷرلەرٸ دە شىعۋى مٷمكٸن ەكەنٸن راستادى.
«ۆاكتسينالار ەكپە تٷرٸندە عانا ەمەس, كاپسۋلا تٷرٸندە, باسقا دا فورمادا بولۋى مٷمكٸن. بٸراق ونىڭ قازاقستاندا پايدا بولۋىن كٷتٸپ وتىرۋدىڭ قاجەتٸ جوق. جاڭا عانا ايتقانىمداي, كٷن سايىن بٸر تۇرعىن ٷيدٸڭ ادامىن جەرلەگٸمٸز كەلمەسە, ۆاكتسيناتسييا مٷمكٸندٸگٸن بارىنشا پايدالانۋىمىز كەرەك», - دەدٸ سەۋلە اتىعاەۆا.
