كەشە بٸر سالونعا شاش جۇقارتۋعا بارعانمىن. ٸشٸندە ادام كٶپ ەكەن. ٶزٸم ٷنەمٸ الدىراتىن شاشتارازعا ٷشٸنشٸ بولىپ كەزەككە تۇردىم. مەنەن كەيٸن بٸر ورىس كەلٸنشەگٸ كٷيەۋٸمەن كەلٸپ, كەزەكتٸڭ سوڭى كٸم ەكەنٸن سۇرادى. «مەن» دەدٸم, قازاقشالاپ. ٷندەمەي كەلٸپ, قاسىما وتىردى.
بٸر كەزدە نەمەرەسٸمەن وتىرعان ورىس كەمپٸرٸ ساعات سۇراپ ەدٸ, وعان دا «بٸر بولدى» دەپ, سۇق ساۋساعىمدى كٶرسەتتٸم. «اا, ۋجە وبەد سكورو» دەدٸ دە, نەمەرەسٸنە قاراپ قوزعالاقتاپ قويدى. «سٸز ورىستاردىڭ بەرٸنە قازاقشا سٶيلەيسٸز عوي دەيمٸن, ە?» دەپ, شاشتارازىم كٷلەدٸ. «مەن ورىسشا تٷسٸنەمٸن عوي, ولار دا قازاقشا تٷسٸنۋٸ كەرەك! ورىسشاعا ورىسشا جاۋاپ الىپ, ەبدەن جامان ٷيرەنٸپ العان بۇلار. نەگە مەن ورىسشا جاۋاپ بەرۋٸم كەرەك ولارعا, مٸندەتتٸمٸن بە?! ولار ورىسشا سٶيلەي بەرسٸن, مەن قازاقشا سٶيلەيمٸن!» دەپ ەدٸم, سالوندا ٸستەيتٸن جاستار جاعى تٷگەل قوشتاپ كەتتٸ. دۇرىس قوي? مەن ولارعا ورىسشا جاۋاپ بەرۋگە مٸندەتتٸ ەمەسپٸن!
قۇلدىق پسيحولوگييا, قۇلدىق پسيحولوگييا دەيمٸز. نە ول قۇلدىق پسيحولوگييا دەگەن? قۇلدىق پسيحولوگييا – ورىسشاعا ورىسشا جاۋاپ بەرۋ دەگەن سٶز! كٶبٸ وسىنداي قاراپايىم عانا نەرسەنٸ بٸلمەيدٸ. ورىسشا سۇراعاندارعا ەلپەكتەپ, تٸلٸمٸز كەلمەسە دە ورىسشا جاۋاپ بەرٸپ جاتامىز. بۇنى قۇلدىق پسيحولوگييا دەمەگەندە, نە دەيسٸڭ ەندٸ...
جولىمبەت مەكٸشتٸڭ فەيسبۋكتەگٸ جازباسىنان
