Keshe bir salonǵa shash juqartýǵa barǵanmyn. Ishinde adam kóp eken. Ózim únemi aldyratyn shashtarazǵa úshinshi bolyp kezekke turdym. Menen keiin bir orys kelinshegi kúieýimen kelip, kezektiń sońy kim ekenin surady. «Men» dedim, qazaqshalap. Úndemei kelip, qasyma otyrdy.
Bir kezde nemeresimen otyrǵan orys kempiri saǵat surap edi, oǵan da «Bir boldy» dep, suq saýsaǵymdy kórsettim. «Aa, ýje obed skoro» dedi de, nemeresine qarap qozǵalaqtap qoidy. «Siz orystardyń bárine qazaqsha sóileisiz ǵoi deimin, á?» dep, shashtarazym kúledi. «Men oryssha túsinemin ǵoi, olar da qazaqsha túsinýi kerek! Orysshaǵa oryssha jaýap alyp, ábden jaman úirenip alǵan bular. Nege men oryssha jaýap berýim kerek olarǵa, mindettimin be?! Olar oryssha sóilei bersin, men qazaqsha sóileimin!» dep edim, salonda isteitin jastar jaǵy túgel qoshtap ketti. Durys qoi? Men olarǵa oryssha jaýap berýge mindetti emespin!
Quldyq psihologiia, quldyq psihologiia deimiz. Ne ol quldyq psihologiia degen? Quldyq psihologiia – orysshaǵa oryssha jaýap berý degen sóz! Kóbi osyndai qarapaiym ǵana nárseni bilmeidi. Oryssha suraǵandarǵa elpektep, tilimiz kelmese de oryssha jaýap berip jatamyz. Buny quldyq psihologiia demegende, ne deisiń endi...
Jolymbet Mákishtiń feisbýktegi jazbasynan
