اقتٶبە وبلىسىنا ٸسساپارمەن كەلگەن ٷكٸمەتتٸڭ جۇمىس توبى تۇرعىندارمەن كەزدەستٸ. كەزدەسۋ بارىسىندا قر بٸلٸم جەنە عىلىم مينيسترٸ كٷلەش شەمشيدينوۆا «ەلٸپپە ورنىنا قايتىپ كەلەدٸ» دەپ جينالعانداردى قۋانتتى.
قر بٸلٸم جەنە عىلىم مينيسترٸ اۋىسقان سايىن ەلٸمٸزدە بٸلٸم باعدارلاماسىنىڭ دا اۋىساتىنى ٷيرەنشٸكتٸ جاعدايعا اينالدى. دەگەنمەن, بۇل كٷنٸ كەشەگٸ «ەلٸپپەنٸ» اڭسايتىندار كٶپ. اقتٶبەلٸكتەردٸ ٶڭٸرگە جۇمىس ساپارىمەن كەلگەن جاڭا قر بٸلٸم جەنە عىلىم مينيسترٸ كٷلەش شەمشيدينوۆا قۋانتتى. ەلٸپپە قايتا ورالادى.
«ەلٸپپەگە بايلانىستى ايتايىن, بيىلعى وقۋ جىلىندا ەلٸپپەنٸ قايتارىپ ٷلگەرمەيمٸز. ال, كەلەسٸ وقۋ جىلىندا ەلٸپپە ورنىنا قايتىپ كەلەدٸ. بالالارعا بٸلٸمدٸ ٶزدەرٸ ٸزدەۋگە ٷيرەتۋٸمٸز قاجەت», - دەدٸ كٷلەش شەمشيدينوۆا.
ەلدە بالاعا بٸلٸم بەرەتٸن پەداگوگتاردى قايتا دايارلاۋ قولعا الىندى. 144 مىڭنان كٶپ مۇعالٸم كۋرستاردان ٶتەدٸ. مەكتەپ پسيحولوگتارى, سىنىپ جەتەكشٸلەرٸ دە قايتا دايارلانادى.
«جالپى مەكتەپتەگٸ بٸلٸمنٸڭ ساپاسى مۇعالٸمنٸڭ ساپاسىنا بايلانىستى. الداعى ٷش جىلدا جاڭارتىلعان بٸلٸم باعدارلامالارىنا ساي جاڭا مەتوديكالىق, تەحنولوگييالىق ەدٸستەمەلەرگە ٷيرەتۋ ٷشٸن 144 مىڭنان ارتىق مۇعالٸم قايتا دايىنداۋ كۋرستارىنان ٶتەدٸ. 82 مىڭ مەكتەپ پسيحولوگى مەن سىنىپ جەتەكشٸلەرٸ دە كۋرستاردان ٶتەدٸ. 15 مىڭنان ارتىق كوللەدج قىزمەتكەرلەرٸ مەن پەداگوگيكالىق ۋنيۆەرسيتەتتەردە جۇمىس ٸستەيتٸن پەداگوگتار ورتا بٸلٸمنٸڭ جاڭارۋىنا بايلانىستى قايتا وقىتىلادى. كٶپ ەلدٸ تولعاندىرىپ, قايتا-قايتا ايتىلىپ جٷرگەن مەسەلە – جوعارعى سىنىپتاردا حيمييا, فيزيكا, بيولوگييا, ينفورماتيكا پەندەرٸن اعىلشىن تٸلٸندە بەرۋ. مەكتەپتە ساباق بەرەتٸن كادر, مەكتەپ دايىن بولعان كەزدە ٶزدەرٸڭٸزبەن كەلٸسە وتىرىپ, كەزەڭ-كەزەڭٸمەن كٶشەتٸن بولامىز», - دەدٸ مينيستر.
كٷلەش شەمشيدينوۆا ەلدە مەكتەپتەر سالۋ تۋرالى سۇرانىستار جەر-جەردەن كٶپ تٷسەتٸنٸن دە اتاپ ٶتتٸ. 2019-2021 جىلدار ارالىعىندا قازاقستاندا 190 مەكتەپ سالىنادى. ولار اپاتتىق جاعدايداعى ٷش اۋسىمداعى بٸلٸم مەكەمەلەرٸنٸڭ ورنىن اۋىستىرادى.
«تەۋەلسٸزدٸك جىلدارى قازاقستاندا 1 672 مەكتەپ سالىنعان. اپاتتىق عيماراتتا ورنالاسقان, ٷش اۋىسىمدا جاسايتىن, وقۋشىلاردىڭ ورىنى جەتپەيتٸن مەكتەپتەردٸڭ پروبلەماسىن شەشەتٸن بولادى. تەك اقتٶبە وبلىسى بويىنشا الداعى ٷش جىلدا 9 مەكتەپ سالىنادى. بٸز جالپى مەكتەپ مۇعالٸمدەرٸن قولداۋىمىز قاجەت. بالالارىمىزعا پاتريوتتىق تەربيە بەرۋ ٷشٸن قازاقستان تاريحى, قازاق تٸلٸ, گەوگرافييا پەندەرٸنٸڭ مازمۇندارى ٶز ەلٸمٸزدٸڭ مەنتاليتەتٸنە ساي جٷرگٸزٸلەدٸ. مەكتەپتە بٸلٸم بەرۋگە ەر ازاماتتارتى شاقىرۋ كەرەك. سەبەبٸ, بالاباقشا مەن مەكتەپتە ەيەلدەردٸڭ تەربيەسٸن العان بالالار قىز سەكٸلدٸ بولىپ بارادى», - دەدٸ قر بٸلٸم جەنە عىلىم مينيسترٸ كٷلەش شەمشيدينوۆا.
