1908 جىلى لوندوندا ٶتكەن وليمپييادا دا يتالياندىق ەۋەسقوي جەڭٸل اتلەتيك, ناۋبايحاناشى دوراندو پەتري جەڭٸمپاز اتانباسا دا كٶپشٸلٸكتٸڭ ەسٸندە قالدى دەۋگە بولادى.
وسى, 42,5 شاقىرىمدى قۇرايتىن مارافوندا باستى فاۆوريت وڭتٷستٸك افريكا رەسپۋبليكاسىنىڭ ٶكٸلٸ چارلز حەففەرسون سانالعان ەدٸ. الايدا, مەرەگە بٸر عانا شاقىرىم قالعاندا كٷننٸڭ ىستىعى كەسٸرٸنەن چارلز حەففەرسوننىڭ دەنساۋلىعى سىر بەرگەن. ول قارسىلاستارىنان 40 مينۋت الدا كەلە جاتقانىن پايدالانا الماي قالادى.
42 شاقىرىمدى ارتقا تاستاپ ەبدەن قاجىعان دوراندو پەتري 75 مىڭ كٶرەرمەنٸ بار ستاديونعا كٸرگەندە مەرەگە ەمەس, كەرٸ باعىتقا جٷگٸرە جٶنەلدٸ. تٶرەشٸلەر وعان دۇرىس باعىتتى كٶرسەتكەندە, ەلٸ قۇرىعان يتالياندىق جٷيرٸك كەرٸ بۇرىلا الماي سول جەردە جىعىلا كەتەدٸ.
دوراندو پەتري مەرەگە 500 مەتر قالسا دا تٶرت رەت جىعىلادى. 10 مينۋت ۋاقىتىن وسىلاي ەۋرەمەن ٶتكٸزەدٸ. ەر قۇلاعان سەتتە تٶرەشٸلەر ونى كٶتەرٸپ تۇرعىزادى. سوڭعى 15 مەتردە كەزەكتٸ رەت قۇلاعان سەتتە تٶرەشٸ مەن جۋرناليست ونىڭ مەرەگە جەتۋٸنە كٶمەكتەسٸپ, چەمپيون اتاندىردى.
ەكٸنشٸ ورىن العان امەريكا جٷيرٸگٸ دجونني حەيس, ەگەر يتالياندىق سپورتشىعا تٶرەشٸلەر كٶمەكتەسپەگەندە, باس جٷلدە الاتىندىعىن العا تارتىپ, شاعىم جاسايدى. نەتيجەسٸندە دوراندو پەتري چەمپيوندىق اتاعىنان ايىرىلادى.
يتالياندىق جٷيرٸكتٸڭ قانشا قۇلاسا دا, مەرەگە جەتۋگە دەگەن قۇلشىنىسى كٶپشٸلٸكتٸ سٷيسٸندٸردٸ.
بٸر قىزىعى لوندون وليمپياداسى اياقتالعان سوڭ, اقش-تا دجونني حەيس پەن دوراندو پەتريدىڭ اراسىندا ەكٸ رەت مارافون قاشىقتىعى بويىنشا جارىس ٶتٸپ, ەكەۋٸندە دە يتالياندىق ناۋبايحاناشى باسىم تٷسكەن.
بەيسەنعازى ۇلىقبەك
قازاقستان جۋرناليستەر وداعىنىڭ مٷشەسٸ
