قۇلاعان «سويۋز» زىمىرانىنىڭ بٶلشەكتەرٸ ۇلىتاۋ اۋدانىنان تابىلدى

ماماندار قۇلاعان «سويۋز» زىمىرانىنىڭ باسپالداقتارىن تاپتى, دەپ حابارلايدى "ۇلت اقپارات" قر ٸٸم تجك باسپاسٶز قىزمەتٸنە سٸلتەمە جاساپ.

«بٷگٸن كٷندٸز جەزقازعان قالاسىندا ورنالاسقان №1 رەسەي بازاسىنىڭ جەنە قۇرالدارىنىڭ كٷشٸمەن عارىش كەمەسٸنٸڭ باسپالداقتارى تابىلدى», - دەلٸنگەن حابارلامادا.

تجك مەلٸمەتٸنە سەيكەس, بٸرٸنشٸ, ەكٸنشٸ, ٷشٸنشٸ باسپالداق, سونىمەن قاتار اپاتتىق قۇتقارۋ جٷيەسٸنٸڭ  قوزعالتقىش قۇرىلعىسى قاراعاندى وبلىسى ۇلىتاۋ اۋدانى تالاپ اۋىلىنان 40 شاقىرىم جەردەن تابىلعان.

«زىمىران-تاسىعىشتىڭ فراگمەنتتەرٸنٸڭ قۇلاعان اۋماعىندا دالا نەمەسە ورمان ٶرتتەرٸ, زارداپ شەككەندەر جوق», - دەلٸنگەن كوميتەتتٸڭ حابارلاماسىندا.

ايتا كەتەيٸك, كەشە 14 ساعات 40 مينۋت 15 سەكۋندتا بايقوڭىر عارىش ايلاعىنىڭ گاگارين ستارت الاڭىنان وربيتاعا باسقارىلاتىن كٶلٸكتٸك «سويۋز مس-10» كەمەسٸن الىپ شىعۋى تيٸس «سويۋز فگ» زىمىران تاسىعىشى ۇشىرىلدى. بٸراق ستارت بەرٸلگەن سوڭ بٸرنەشە مينۋتتان كەيٸن روسكوسموس سايتىنداعى تٸكەلەي كٶرسەتٸلٸم ٷزٸلٸپ, ديكتور «زىمىران تاسىعىشتىڭ اپاتقا ۇشىراعانىن» حابارلاعان ەدٸ.

سول كٷنٸ تٷس اۋا قر ٸٸم تٶتەنشە جاعدايلار كوميتەتٸنٸڭ تٶراعاسى ۆلاديمير بەككەر  عارىشكەرلەردٸڭ دٸن-امان تابىلعانىن, ەكٸنشٸ ساتىسى جەزقازعاننان 30-35 شاقىرىم جەرگە قۇلاۋى مٷمكٸن ەكەنٸن ايتقان ەدٸ.

سونىمەن قاتار ول عارىش كەمەسٸ اپاتىن قازاقستان مەن رەسەيدٸڭ ٷكٸمەتارالىق كوميسسيياسى تەكسەرەتٸندٸگٸن اتاپ ٶتتٸ.