قۇقىق قورعاۋ ورگاندارىنىڭ قىزمەتكەرلەرٸ مەن سۋديالار سىبايلاس جەمقورلىق قىلمىستارى ٷشٸن قاتاڭ جاۋاپكەرشٸلٸككە تارتىلۋى تيٸس. بۇل تۋرالى قر سىبايلاس جەمقورلىققا قارسى ٸس-قيمىل اگەنتتٸگٸنٸڭ تٶراعاسى اليك شپەكباەۆ Facebook پاراقشاسىندا جازدى, دەپ حابارلايدى "ۇلت اقپارات".
«حالىق ٷنٸنە قۇلاق اساتىن مەملەكەت» تۇجىرىمداماسىن دەيەكتٸ ٸسكە اسىرۋ سىبايلاس جەمقورلىققا قارسى جۇمىستى جانداندىردى. كوروناۆيرۋس ٸندەتٸ ٸس جٷزٸندە مەملەكەتتٸك باسقارۋدىڭ ەرتٷرلٸ سالالارىنداعى, اتاپ ايتقاندا دەنساۋلىق ساقتاۋ سالاسىنان باستاپ تسيفرلاندىرۋعا دەيٸن سوزىلمالى سىبايلاس جەمقورلىق «ٸندەتتەرٸنٸڭ» بەتٸن اشتى. سوندىقتان مەملەكەت باسشىسى بيىل 19 تامىزدا قازاقستاننىڭ سىبايلاس جەمقورلىققا قارسى ساياساتىن ودان ەرٸ جاڭعىرتۋ جٶنٸندە ارنايى كەڭەس ٶتكٸزدٸ. ونىڭ نەگٸزگٸ تەزيستەرٸ كەشەگٸ جولداۋدىڭ جەكە بلوگىنا كٸردٸ», - دەدٸ ول.
وسى رەتتە اگەنتتٸك باسشىسى پرەزيدەنتتٸڭ سىبايلاس جەمقورلىققا قارسى رەفورمالارى ٷشٸنشٸ پاكەتٸنٸڭ اسا ماڭىزدى باستامالارىنا قىسقاشا توقتالدى.
«بٸرٸنشٸدەن – سىبايلاس جەمقورلىق ٷشٸن جاۋاپكەرشٸلٸكتٸ كٷشەيتۋ. ەڭ الدىمەن, بۇل – قۇقىق قورعاۋ ورگاندارىنىڭ قىزمەتكەرلەرٸ مەن سۋديالارعا قاتىستى. مەنٸڭ ويىمشا, ولار زاڭدىلىق پەن قۇقىقتىق تەرتٸپتٸ ساقتاي وتىرىپ, سىبايلاس جەمقورلىق قىلمىستارى ٷشٸن قاتاڭ جاۋاپكەرشٸلٸككە تارتىلۋى تيٸس. پارا بەرۋشٸلەر مەن دەلدالدار ٷشٸن پاراقورلىق جازاسىن قاتاڭداتۋ مەسەلەسٸ پىسىقتالادى. سوتتالعان جەمقورلارعا قاتىستى مەرزٸمٸنەن بۇرىن شارتتى تٷردە بوساتۋدىڭ كٷشٸن جويۋ ەڭ قۋاتتى پروفيلاكتيكالىق ەسەرگە يە بولادى. وسى تەجٸريبەنٸڭ جالعاسى رەتٸندە بٸز اسا اۋىر سىبايلاس جەمقورلىق قىلمىستارى ٷشٸن بٸرنەشە ەسەلەنگەن ايىپپۇل قولدانۋدى جەنە جەمقورلارعا كولونييا-قونىستاردا تاعايىندالعان جازانى قايتا قاراۋدى جويۋدى جاقتايمىز», - دەدٸ اليك شپەكباەۆ.
ونىڭ اتاپ ٶتۋٸنشە, ەكٸنشٸدەن – 2021 جىلدان باستاپ مەملەكەتتٸك قىزمەتشٸلەر, دەپۋتاتتار مەن سۋديالار ٷشٸن شەتەلدە بانك شوتتارىن يەلەنۋگە تىيىم سالۋدى ەنگٸزۋ. بۇل باستاما ەل مٷددەسٸ ٷشٸن قىزمەت ەتۋ يدەولوگيياسى تۇرعىسىنان عانا ەمەس, جەمقورلىق كاپيتالىن شەتەلگە شىعارۋ مٷمكٸندٸكتەرٸن جويۋ ماقساتىندا دا ماڭىزدى.
«ٷشٸنشٸدەن – مەنٸڭ ويىمشا, «قوعامدىق باقىلاۋ تۋرالى» زاڭنىڭ قابىلدانۋى ازاماتتار مەن ٷكٸمەتتٸك ەمەس ۇيىمداردى سىبايلاس جەمقورلىق پەن بيۋروكراتيياعا قارسى جٷيەلٸ تٷردە ەرەكەت ەتۋگە بارىنشا كەڭ اۋقىمدا تارتۋعا ناقتى سەرپٸن بەرەدٸ. وندا سان قىرلى مەسەلەلەر بويىنشا قوعام ٶكٸلدەرٸنٸڭ مەملەكەتتٸك ورگاندارمەن ٶزارا ەرەكەتتەسۋدٸڭ ناقتى تەتٸكتەرٸ كٶرٸنٸس تاباتىن بولادى. انتيكور ەزٸرلەگەن اشىق بيۋدجەتتەردٸڭ ينتەراكتيۆتٸ كارتاسى مەملەكەتتٸك ورگانداردىڭ اشىقتىعىن قامتاماسىز ەتۋدٸڭ نەگٸزگٸ قۇرالى بولۋ ارقىلى العا قادام باسپاق. بۇدان باسقا, مەملەكەتتٸك ورگانداردىڭ جانىندا عانا ەمەس, ۇلتتىق كومپانييالاردا دا جۇمىس ٸستەيتٸن قوعامدىق كەڭەستەردٸڭ رٶلٸ ەدەۋٸر كٷشەيەتٸن بولادى. ٷزدٸك شەتەلدٸك تەجٸريبەلەر نەگٸزٸندە سىبايلاس جەمقورلىق فاكتٸلەرٸ تۋرالى اقپارات بەرۋشٸلەردٸ قورعاۋدىڭ كەشەندٸ جٷيەسٸن ەزٸرلەۋ ازاماتتىق قوعامدى جانداندىرۋدىڭ ماڭىزدى قۇرالى بولماق», - دەدٸ اگەنتتٸك تٶراعاسى.
