قازاقستاندىق مەنەرلەپ سىرعاناۋشى دەنيس تەندٸ ٶلتٸردٸ دەگەن كٷدٸكتٸ 24 جاستاعى نۇرالى قيياسوۆ قاماۋعا الىندى, دەپ حابارلايدى Sputnik تٸلشٸسٸ سوت زالىنان.
بٷگٸن كەشكە المالى اۋداندىق سوتىندا كٷدٸكتٸگە قاتىستى بۇلتارتپاۋ شاراسىن تاڭداۋ تۋرالى وتىرىس ٶتتٸ.
بۇعان دەيٸن جاسىرىنىپ جٷرگەن ەكٸنشٸ كٷدٸكتٸ ارمان قۇدايبەرگەنوۆتٸ سىرتتاي قاماۋعا الۋعا سانكتسييا بەرٸلگەن ەدٸ. شامامەن بٸر ساعاتتان كەيٸن پوليتسييا ونى ۇستادى.
كەيٸن سوتقا نۇرالى قيياسوۆ جەتكٸزٸلدٸ. ٸشكٸ ٸستەر مينيسترلٸگٸ كٷدٸكتٸنٸڭ ۇستالعانىن بٷگٸن تاڭەرتەڭ حابارلاعان بولاتىن. وتىرىس باستالعانعا دەيٸن ونى زالعا قولىنداعى كٸسەنمەن الىپ كٸردٸ.
كٷدٸكتٸ جۇمىسسىز, بالالارى جوق, بۇعان دەيٸن ٸستٸ بولعان. 2015 جىلى اۆتوكٶلٸك ايداپ ەكەتكەنٸ ٷشٸن سوتتالعان. سۋديا الما ەبدٸحالىقوۆا قيياسوۆقا سٶز بەردٸ.
"مەن ول ادامعا پىشاق سۇققان جوقپىن. جاي عانا قاراپ تۇردىم", — دەدٸ قيياسوۆ باسىن تٶمەن سالبىراتىپ.
Sputnik تٸلشٸسٸ سوت زالىنان حابارلاعانداي, قيياسوۆ ەموتسيياسىز, اقىرىن, اسىقپاي سٶيلەگەن. سٶزٸنٸڭ سوڭىندا بٸراز كٸدٸردٸ.
كەيٸن سۋديا كەڭەس بٶلمەسٸنە كەتتٸ.
قيياسوۆتىڭ قورعاۋشىسى سوتتان كٷدٸكتٸنٸ ەشقايدا شىقپاۋ تۋرالى قولحاتپەن بوساتۋدى سۇرادى. الايدا سوت كٷدٸكتٸنٸ قاماۋعا الۋعا نەگٸز جەتكٸلٸكتٸ ەكەنٸن ايتتى.
قيياسوۆقا قاتىستى ەكٸ ايعا قاماۋعا الۋ تٷرٸندە بۇلتارتپاۋ شاراسى سانكتسييالاندى.
دەنيس تەن 19 شٸلدەدە الماتىدا پىشاق جاراقاتىنان قازا تاپتى. الدىن الا مەلٸمەتتەر بويىنشا, مەيرامحانادان شىققان سپورتشى قۇرمانعازى كٶشەسٸندەگٸ اۆتوتۇراقتا تۇرعان كٶلٸگٸنە كەلە جاتىپ, لەكسۋستىڭ اينالارىن ۇرلاماق بولعان قاسكٶيلەردٸ كٶرەدٸ. كەيبٸر وقيعا كۋەگەرلەرٸنٸڭ ايتۋىنشا, دەنيس ۇرىلاردىڭ سوڭىنان قۋىپ, توقتاتپاق بولعاندا, ولار ونىڭ اياعىنا پىشاق تىعادى. پىشاقتىڭ جٷزٸ جامباس كٷرەتامىرىنا تيگەن. تەن سول جەردە ەسٸنەن تانادى. كٶپ قان جوعالتقان سپورتشى اۋرۋحاناعا تٷسكەننەن كەيٸن ەكٸ ساعاتتان سوڭ كٶز جۇمدى.
ەكٸنشٸ كٷدٸكتٸ – 23 جاستاعى قىزىلوردا وبلىسىنىڭ تۋماسى ارمان قۇدايبەرگەنوۆ بٷگٸن كەشكە ۇستالدى.
