پرەزيدەنت جانىنداعى ەيەلدەر ٸستەرٸ جەنە وتباسىلىق-دەموگرافييالىق ساياسات جٶنٸندەگٸ ۇلتتىق كوميسسييانىڭ كەزەكتٸ وتىرىسىندا بەلگٸلٸ ساراپشى نازىم جانعازينوۆا ماسس-مەديا جەنە كوممۋنيكاتسييا سالاسىنداعى مەسەلەلەرگە توقتالدى.
"بٸزدەر ەلٸمٸز ٷشٸن كٷردەلٸ كەزەڭدە كەزدەسٸپ وتىرمىز. جىلدامدىق ٶمٸردٸڭ بارلىق سالاسىندا ارتىپ بارادى. قازٸر كەز كەلگەن ٶزگەرٸس ازاماتتاردىڭ كٶڭٸل-كٷيٸنە, قالتاسىنا بٸردەن ەسەر ەتەدٸ. بالا كەزٸمٸزدە - بيرجاداعى جاڭالىقتان سوڭ ٶمٸرٸ بٸردەن ٶزگەرەتٸن ادامدار تۋرالى كينودان كٶرەتٸنبٸز. قازٸر ٶزٸمٸز سوندايمىز. اقوردا, ۇلتتىق بانك, مينيسترلٸك, ٸرٸ كومپانييالار, تانىمال ادامدار قوعامداعى كٶڭٸل كٷي مەن پٸكٸردٸ بٸر مەزەتتە ٶزگەرتەتٸنٸن كٷندە كٶرٸپ جٷرمٸز" - دەدٸ نازىم جانعازينوۆا.
وسى ورايدا, ول ماسس-مەديا جەنە كوممۋنيكاتسييا سالاسىنىڭ ٶكٸلٸ رەتٸندە كەيبٸر ترەندتەر مەن جالپى احۋالعا توقتالىپ ٶتتٸ.
"بٸرٸنشٸدەن, ٶتە جاقسى ترەند - جوعارى بيلٸك ازاماتقا كٶرەرمەن, تىڭدارمان, وقىرمان رەتٸندە نازار اۋدارىپ وتىر.
شىنى كەرەك, بۇرىن ازامات تەك سالىق تٶلەۋشٸ, جۇمىسى بار نە جۇمىسسىز بٸرلٸك بولدى. ال قازٸر جاعدايدىڭ ٶزگەرگەنٸنە پرەزيدەنتتٸڭ سٶزدەرٸ كۋە. تٷركٸستاندا ٶتكەن قۇرىلتايدا سٶيلەگەن سٶزٸندە, پرەزيدەنت ماسس-مەديا سالاسىن دەربەس تارماق رەتٸندە اتاپ ٶتتٸ. مەديا قاۋىمداستىق سول تارماقتاعى سٶزدەرگە قىزۋ قولداۋ بٸلدٸرٸپ وتىر. سەبەبٸ, زاماناۋي ادامنىڭ نازارىن اۋدارتاتىن ەڭ ۇتىمدى ەدٸس - مۋلتيمەديا. بٷگٸنگٸ تولقىن كٶزبەن ويلاناتىن ۇرپاق ەكەنٸن ەسەپكە الۋ كەرەك. سوندىقتان پرەزيدەنتتٸڭ كرەاتيۆتٸ يندۋسترييانى ەرەكشە اتاپ, نازار اۋدارۋى - دەر كەزٸندەگٸ مەلٸمدەمە بولىپ وتىر.
ەكٸنشٸدەن, ماسس-مەدياداعى جالپى احۋالعا توقتالسام.
مەن ٷشٸن قۋانىشتى ترەندتەردٸڭ بٸرٸ - انا تٸلٸمٸزدەگٸ رەسۋرستاردىڭ كٶبەيۋٸ. قازٸر ەكٸ كٷننٸڭ بٸرٸندە بۇرىن كٶرمەگەن قازاق تٸلٸندەگٸ رەسۋرستىڭ سٸلتەمەسٸن كٶرٸپ قالامىن. قازاقشا ساراپتاما دا كٶبەيٸپ كەلەدٸ. Youtube-تە دە انا تٸلٸمٸزدەگٸ كونتەنت جيٸ ترەندكە شىعىپ جٷر. تٸلٸمٸزدٸڭ مەرتەبەسٸ كٶز الدىمىزدا ٶسٸپ جاتقانى قۋانىشتى.
دەگەنمەن, ەلەمدٸك مەدياعا تەن تەرٸس كٶرٸنٸستەردٸڭ بارىن دا ايتۋ كەرەك. كليكبەيت, بٸرجاقتى اقپارات, تەكسەرٸلمەگەن فاكتٸلەر بٸزدە دە بارشىلىق" - دەدٸ سپيكەر.
ونىڭ ايتۋىنشا, قازٸر ادامدى يت قاپقانى جاڭالىق ەمەس, ادامنىڭ يتتٸ قاپقانى جاڭالىق. مۇنداي ۇستانىم وقيعانىڭ باستى اكتسەنتٸن بۇرمالاپ جٷر.
"الىسقا بارماي-اق, كٷنٸ كەشە بولعان وقيعالاردى سارالايىق. اباي وبلىسىنداعى ٶرت, نەمەسە بانكتە بولعان وقيعالاردا رەسمي مەلٸمەتتەر جەكە ازاماتتاردىڭ حابارىنىڭ استىندا كٶمٸلٸپ قالدى. بٸز رەسمي ورگانداردىڭ حابارىنان بۇرىن, ازاماتتاردىڭ جەكە كٶزقاراسىنا نەگٸزدەلگەن حابارلاردى, مەسسەندجەرلەردە قولدان قولعا كٶشكەن سٶزدەردٸ كٶپ وقىدىق. ولاردىڭ بارلىعىن قيسىندى, ساۋاتتى دەۋگە بولمايدى. ەسٸرەسە, ينفليۋەنسەرلەردٸڭ جاۋاپكەرشٸلٸك مەسەلەسٸ ايقىن كٶرٸندٸ.
بٸزدٸ وسى جاۋاپكەرشٸلٸك باعىتىندا كٶپ جۇمىس كٷتٸپ تۇر. جاقسى جاڭالىق - جاۋاپكەرشٸلٸك دەگەنٸمٸز رەپرەسسييا, شەكتەۋ دەگەن ۇعىمنىڭ ەسكٸرۋ تەندەنتسيياسى بار. كەشەگٸ قۇرىلتايدا پرەزيدەنت تە جۇمساق كٷشكە - soft power-گە توقتالىپ ٶتتٸ. جازالايتىن زاڭدار ارقىلى ەمەس, بٸلمەگەن جەرٸن تٷسٸندٸرۋ, جەكە ٶنەگە ارقىلى جاۋاپكەرشٸلٸك قالىپتاستىرۋ - كەرەمەت ستراتەگييا. پرەزيدەنتٸمٸزدٸڭ جۇمساق كٷش تۋرالى سٶزٸ مەمورگاندار مەن ازاماتتاردىڭ قارىم-قاتىناسىنداعى رەنەسسانسقا تٷرتكٸ بولادى دەپ سەنگٸم كەلەدٸ.
ازاماتتارىمىز تەك - وقۋشى, ستۋدەنت, جاۋىنگەر, جۇمىسشى سيياقتى ەلەۋمەتتٸك بٸرلٸك ەمەس, سونىمەن بٸرگە - كٶرەرمەن, تىڭدارمان, وقىرمان رەتٸندە قارالا باستاۋى جاقسى جاڭالىق. كرەاتيۆتٸ يندۋستريياعا بەتبۇرىستى قولداي وتىرىپ, ەلٸمٸزدٸڭ ماسس-مەدياسى ايتارى بار ٸزگٸ نيەتتٸ جانداردىڭ مٸنبەرٸنە اينالسىن دەپ تٸلەيمٸن. قازاقشا كونتەنت كٶبەيە بەرسٸن!" - دەپ تٷيٸندەدٸ ول ٶز سٶزٸن.
