كرەديت تٶلەي المايتىنداردى قۇتقاراتىن زاڭ ەزٸرلەندٸ – نەگٸزگٸ تالاپتارى قانداي?

قازاقستاندا كٶپتەن كٷتكەن جەكە ازاماتتاردىڭ بانكروتتىعى تۋرالى زاڭ جوباسى ەزٸرلەندٸ. وعان سەيكەس, كرەديت تٶلەي الماعان ادامدار قارىز تٶلەۋدەن قۇتىلادى. بٸراق ناقتى تالاپتار بار.

بانكروتتىققا ەدەيٸ بارعانى ٷشٸن ەكٸمشٸلٸك, تٸپتٸ, قىلمىستىق جازا دا قاراستىرىلعان. Sputnik قازاقستان جاڭا زاڭنىڭ نەگٸزگٸ نورمالارىن شولىپ شىقتى.

بانكروتتىق قالاي جارييالانادى?

قازٸرگٸ زاڭ جوباسى بويىنشا كرەديت تٶلەي الماعان ادام سوتسىز جەنە سوت ارقىلى ٶزٸن بانكروت دەپ جارييالاي الادى. ارتىنان تٶلەم قابٸلەتتٸلٸگٸن قالپىنا كەلتٸرۋگە ٶتٸنٸش بەرۋگە بولادى.

سوتتان تىس بانكروتتىق رەسٸمدٸ ينتەرنەت ارقىلى جاساۋعا بولادى. بٸراق ناقتى ٷش شارت بار.

ولار:

1. سوت ورىنداۋشىلارى ٶندٸرۋگە جاتاتىن مٷلٸك پەن اقشانىڭ جوعىن انىقتاپ, بورىشكەرگە قاتىستى اتقارۋ قۇجاتىن ٶزٸنە قايتارۋى تيٸس;

2. بورىشكەرگە قاتىستى ٶزگە دە اتقارۋشىلىق ٸس جٷرگٸزۋ بولماۋى قاجەت;

3. بورىشكەر بانكتٸك قارىز نەمەسە ميكروكرەديت بويىنشا بەرەشەكتٸ رەتتەۋ جاعىنان بارلىق شارالاردى (ٶتٸنٸش جازۋ, كرەديت مەرزٸمٸن ۇزارتۋ, قارىزدى قايتا قۇرىلىمداۋ جەنە ت.ب.) جاساپ كٶرۋٸ شارت;

سوتتان تىس بانكروتتىق تۋرالى ٶتٸنٸش ۋەكٸلەتتٸ ورگاننىڭ ينتەرنەت-رەسۋرسى نەمەسە سالىقتىق موبيلدٸ قوسىمشا ارقىلى جٸبەرٸلەدٸ. وندا كرەديتوردىڭ اتاۋى, بەرەشەك سوماسى جازىلادى. سونداي-اق, ٷش شارتتى قۇجاتپەن راستاۋ قاجەت.

ٶتٸنٸش بەرۋ مەرزٸمٸ قارىز مٶلشەرٸنە قاراي بەلگٸلەنگەن.

اتاپ ايتقاندا:

- 100 اەك-تەن (306 300 تەڭگەدەن) اسپايتىن قارىز بٸر جىلدا قايتارىلماسا, سوتتان تىس بانكروتتىققا ٶتٸنٸش بەرۋگە بولادى;

- 100-1600 اەك-تەن (306 300-4 900 800 تەڭگەدەن) اسپايتىن بەرەشەك التى ايدا قايتىرلماسا, ٶتٸنٸش جٸبەرۋگە رۇقسات بار;

بۇدان بٶلەك, 5-7 جىل بۇرىن الىنعان قارىزدار قايتارىلماسا, سوتتان تىس بانكروتتىققا جٷگٸنۋگە مٷمكٸندٸك بار. ال جاعدايى جاقسارىپ, قارىزدى تٶلەۋگە دايىن بولعاندا سوتتان تىس بانكروتتىق رەسٸمدٸ توقتاتا الادى.

بورىشكەردٸڭ قارىز مٶلشەرٸ 1600 اەك-تەن (4 900 800 تەڭگەدەن) اسىپ كەتسە, سوت بانكروتتىعى رەسٸمٸنە جٷگٸنۋ كەرەك. باسقا شارتتارى سوتتان تىس بانكروتتىققا ۇقساس. ال تٶلەم قابٸلەتتٸگٸن قالپىنا كەلتٸرۋ ٶتٸنٸشٸ سوت ارقىلى جٸبەرٸلەدٸ.

بورىشكەر كرەديتتەن بوساتىلادى

سوتتان تىس بانكروتتىق رەسٸمٸ التى اي جٷرگٸزٸلەدٸ. دەگەنمەن ٶتٸنٸش بەرٸلگەن كٷننەن باستاپ بورىشتىق مٸندەتتەمەلەردٸڭ مەرزٸمٸ ٶتٸپ كەتكەن بولىپ سانالادى. سوندىقتان كرەديتورلاردىڭ تالابى توقتاتىلىپ, بەرەشەكتٸڭ ايىپپۇلدارى مەن سىياقىسىن ەسەپتەۋگە تىيىپ سالىنادى.

ال بورىشكەرگە بٸرقاتار شەكتەۋلەر قويىلادى. اتاپ ايتقاندا, ەڭ تٶمەنگٸ كٷنكٶرٸس دەڭگەيٸنەن (36 018 تەڭگەدەن) اساتىن كرەديت الۋعا بولمايدى. سونداي-اق, قازاقستاننان تىس جەرگە شىعۋعا تىيىم سالىنعان. بٸراق شەتەلدە ەمدەلۋگە, جاقىن تۋىستاردى الىپ جٷرۋگە جەنە جەرلەۋ رەسٸمدەرٸنە بارۋعا رۇقسات بار.

بورىشكەر سوتتان تىس بانكروتتىق رەسٸمٸن قولدانۋ تۋرالى ٶتٸنٸش بەرگەن كٷننەن باستاپ التى اي ٶتكەننەن كەيٸن سوتتان تىس بانكروتتىق رەسٸمٸن اياقتاۋ تۋرالى شەشٸم شىعارىلادى. سول كٷننەن باستاپ كرەديت تٶلەي الماعان ادام بانكروت دەپ تانىلادى. بٸراق اليمەنت, سونداي-اق, ادام ٶمٸرٸنە نەمەسە دەنساۋلىعىنا كەلتٸرٸلگەن زيياندى ٶتەۋ بويىنشا مٸندەتتەمەلەرٸ توقتاتىلمايدى.

ال سوتتان تىس بانكروتتىق رەسٸم توقتاتىلسا, بورىشكەر كرەديتورلار الدىنداعى مٸندەتتەمەلەردەن بوساتىلمايدى. قارىزدى تٶلەۋگە مٸندەتتٸ.

سوت ارقىلى بانكروت جارييالاۋ تەرتٸبٸ

سوت بانكروتتىعى رەسٸمٸن قولدانۋ تۋرالى شەشٸمدٸ سوت شىعارادى. بٸراق قارجى باسقارۋشىسىنىڭ قورىتىندىسى بولۋى شارت. سوت شەشٸمٸمەن بانكروتتىق مٷلٸك قارجى باسقارۋشىسىنىڭ يەلٸگٸنە اۋىسادى.

ال ونى ساتۋدان تٷسكەن اقشامەن قارىز جابىلادى. سونداي-اق, بانكروتتىڭ بانك شوتتارىنداعى اقشا مەن سالىمدار قارجى باسقارۋشىسىنىڭ ارنايى ەسەپشوتىنا اۋدارىلادى. بورىشكەردٸڭ قازاقستاننان تىس جەرلەرگە شىعۋىنا تىيىم سالىنادى. ال اليمەنت جەنە زالالدى ٶتەۋدەن باسقا بارلىق مٸندەتتەمەلەرٸ توقتاتىلادى.

بورىشكەردٸڭ تٶلەم قابٸلەتتٸلٸگٸن قالپىنا كەلتٸرۋ تەرتٸبٸ

سوت بورىشكەردٸڭ تٶلەم قابٸلەتتٸلٸگٸن قالپىنا كەلتٸرۋ جوسپارىن دا بەكٸتەدٸ. ونىڭ ورىنداۋ مەرزٸمٸ بەس جىلدان اسپاۋعا تيٸس. مەرزٸمٸنەن بۇرىن ورىنداۋعا مٷمكٸندٸك بار.

بورىشكەردٸڭ تٶلەم قابٸلەتتٸلٸگٸن قالپىنا كەلتٸرۋدٸڭ بٸرنەشە جولى بار.

ولار:

1. مٸندەتتەمەنٸ ورىنداۋ مەرزٸمٸن ٶزگەرتۋ (بورىشتى تٶلەۋدٸ كەيٸنگە قالدىرۋ جەنە (نەمەسە) بٶلٸپ تٶلەۋ);

2. بورىشتى نەمەسە ونىڭ بٸر بٶلٸگٸن, ونىڭ ٸشٸندە تۇراقسىزدىق ايىبىن (ايىپپۇلداردى, ٶسٸمپۇلداردى) كەشٸرۋ;

3. قارىزدى پايدالانعانى ٷشٸن سىياقىنىڭ پايىزدىق مٶلشەرلەمەسٸن تٶمەندەتۋ;

4. قارىزدى پايدالانۋدىڭ جالپى مەرزٸمٸن بٸر مەزگٸلدە ۇلعايتا وتىرىپ, تۇراقتى اعىمداعى تٶلەمدەر مٶلشەرٸنٸڭ كەمۋٸ;

5. مٸندەتتەمەنٸ ورىنداۋ تەسٸلٸن ٶزگەرتۋ;

6. كەپٸلدٸ كرەديتور بانكتٸك قارىزدىڭ يپوتەكالىق شارتى بويىنشا مٸندەتتەمەلەرٸن كەشٸرگەن جاعدايدا, كەپٸلدٸ كرەديتوردىڭ تالاپتارىن وعان كەپٸل زاتىن بەرۋ ارقىلى قاناعاتتاندىرۋ;

جوسپاردا بورىشكەردٸڭ تٶلەم قابٸلەتتٸلٸگٸن قالپىنا كەلتٸرۋ جوسپارىندا مٷلٸكتٸڭ بٸر بٶلٸگٸن ساتۋ, مٷلٸكتٸ جالعا بەرۋ, دەبيتورلىق بەرەشەكتٸ ٶندٸرٸپ الۋ, تۇرعىن ٷيدٸ قۇنى تٶمەن باسپاناعا ايىرباستاۋ, بورىشكەردٸ جۇمىسقا ورنالاستىرۋ جەنە تاعى باسقا شارالار قاراستىرىلۋى مٷمكٸن.

بورىشكەردٸڭ مٸندەتتەرٸ

زاڭ بويىنشا بورىشكەردٸڭ ٶندٸرٸپ الۋعا بولمايتىن مٷلٸككە مەنشٸك قۇقىعى ساقتالادى. ال قارىزدا تٶلەگەندە اي سايىن ٶزٸنە ەڭ تٶمەنگٸ كٷنكٶرٸس دەڭگەيٸنەن (36 018 تەڭگەدەن) اسپايتىن اقشانى قالدىرا الادى. بٸراق كرەديتورلارمەن كەلٸسٸپ, اقشانى كٶپتەپ قالدىرۋعا دا مٷمكٸندٸك بار.

بورىشكەرگە جٷكتەلەتٸن مٸندەتتەر:

جاعداي جاقسارعان جاعدايدا بانكروتتىقتى توقاتۋعا ٶتٸنٸش بەرۋ;

تٶلەم قابٸلەتتٸلٸگٸن قالپىنۋ كەلتٸرۋ جوسپارىن ەزٸرلەۋگە قاتىسۋ;  

قارجىلىق جاعداي مەن مٷلكٸ تۋرالى ەسەپ بەرۋ;

تٶلەم قابٸلەتتٸگٸن قالپىنا كەلتٸرۋ جوسپارىنا كٸرمەيتٸن مٸندەتتەردٸ قابىلداماۋ;

جوسپارداعى شارالار ورىندالماعان جاعدايدا بٸر ايدىڭ ٸشٸندە تٶلەم قابٸلەتتٸلٸگٸن قالپىنا كەلتٸرۋ رەسٸمٸن توقاتۋعا جەنە سوت بانكروتتىعى رەسٸمٸن قولدانۋعا ٶتٸنٸشپەن سوتقا جٷگٸنۋ (تٶتەنشە جاعدايلار نەمەسە ٷشٸنشٸ تۇلعالاردىڭ سەبەپكەر بولسا, وسى تارماق قولدانىلمايدى, بٸراق كرەديتورلارعا بٸر كٷننٸڭ ٸشٸندە حابار بەرۋ كەرەك);

تٶلەم قابٸلەتتٸلٸگٸن قالپىنا كەلتٸرۋ رەسٸمٸن توقتاتۋ جەنە سوت بانكروتتىعى رەسٸمٸن قولدانۋ تۋرالى سوت شەشٸمدەرٸنٸڭ بٸرٸ زاڭدى كٷشٸنە ەنگەن كٷننەن باستاپ ٷش جۇمىس كٷنٸ ٸشٸندە مٷلٸكتٸك ماسسانى قارجى باسقارۋشىسىنىڭ باسقارۋىنا بەرۋ;

بورىشكەر تاراپىنان مٷلٸك تۋرالى مەلٸمەتتەردٸ جاسىرۋ, مٷلٸكتٸ ٶزگەنٸڭ يەلٸگٸنە بەرۋ, مٷلٸكتٸ يەلٸكتەن شىعارۋ نەمەسە جويۋ ەرەكەتتەرٸ انىقتالسا, كرەديتور قۇقىق قورعاۋ ورگاندارىنا جٷگٸنە الادى.

ال بورىشكەر ٶزٸنٸڭ قارجىلىق جاعدايى, مٷلكٸ جەنە مٸندەتتەمەلەرٸ تۋرالى جالعان اقپارات بەرسە, ەكٸمشٸلٸك, تٸپتٸ, قىلمىستىق جازاعا دا تارتىلادى. جاڭا زاڭ كەلەسٸ جىلدان باستاپ كٷشٸنە ەنەدٸ دەگەن جوسپار بار.