كريپتوينۆەستور, كەسٸپكەر ەرلان دۋمانۇلى كريپتوۆاليۋتا, بلوكچەين تەحنولوگيياسى تۋرالى جەنە قالاي باي بولۋعا بولاتىنى تۋرالى ايتتى.
"باي بولعىڭ كەلسە, مەكتەپكە بارما"
1998 جىلى وتباسىمىزبەن الماتىدان استاناعا كٶشٸپ كەلدٸك. مەكتەپ بٸتٸرمەستەن بۇرىن 15 جاسىمدا قولىما "باي بولعىڭ كەلسە, مەكتەپكە بارما" دەگەن روبەر كييوساكيدٸڭ كٸتابى تٷستٸ. كٸتاپتىڭ اتاۋى مەنٸ تاڭعالدىردى.
اۆتور نە ايتپاق بولدى دەپ بٸر كٷندە وقىپ شىقتىم. "مەن ساعان ساۋاتسىز بول دەپ ايتىپ جاتقانىم جوق, سەن ححٸ عاسىر مەن ٶتكەن حح عاسىردىڭ ايىرماسىن تٷسٸنۋٸڭ كەرەك. بٸرەۋگە جۇمىس جاساساڭ سەن ەشقاشان بۇل عاسىردا, نارىقتىق ەكونوميكادا جەتٸستٸككە جەتە المايسىڭ. اقشا مەن ۋاقىتتى ٶزٸڭە جاراتىپ ٷيرەنۋٸڭ كەرەك" دەگەن تٷسٸنٸك ايتىلعان. ال بٸزدەگٸ بٸلٸم جٷيەسٸ كٶبٸنەسە "ديپلوم ال, سوسىن جۇمىسقا تۇر" دەگەن باعىتقا ٷيرەتەدٸ.
اقپاراتتىق زاماندا كٸم ونى دۇرىس قولدانسا, سول ادام كەسٸپ جاساي الادى دەپ تٷسٸندٸرگەن. بۇرىن ەكٸلٸك السام قالتىرايتىن ەدٸم, وسىنداي كتٸاپتاردى وقىعان سوڭ سەنٸمسٸزدٸك بويىمنان كەتە باستادى. 17 جاسىمدا مەسكەۋدە ەلەكتروندى كوممەرتسييا تاقىرىبىندا ٶتكەن, ٷش مىڭ ادام قاتىسقان فورۋعا باردىم. ەلگە كەلٸپ ەلەكتروندىق كوممەرتسييامەن اينالىسۋعا بەل بايلاپ, قازمزۋ-داعى وقۋدان شىعىپ كەتتٸم. 2009 جىلعا دەيٸن بارعان ەلدەرٸمدە مىقتى بيزنەس-ترەنەرلەرمەن كەزدەستٸم. سول جىلى بيزنەس باستاۋعا دايىنمىن دەپ اۆتوكٶلٸكپەن اينالىستىم.
قازاقستاننىڭ 9 قالاسىندا كەڭسە اشتىم. جاسىم 21-دە بولدى, تەجٸريبە جەتٸسپەي 50 مىڭ دوللارعا بانكروت بولدىم. ودان كەيٸن قايتادان ە-كوممەرتسيياعا ورالىپ, 2,5 جىل ٸشٸندە قايتا اياققا تۇردىم. 2016 جىلى كريپتوۆاليۋتا تۋرالى اقپارات الىپ, بيتكوين 770 دوللار بولعاندا ساتىپ الدىم. 2017 جىلى 1 جىلعا جۋىق بيتكويندى زەرتتەپ, 2005 جىلدان بەرٸ سەرٸكتەس بوپ جٷرگەن ەرٸپتەستەرٸممەن بٸرگە CrowdSale Network دەگەن پلاتفورمانى قۇردىق. بٷگٸندە ستارتاپتارعا بيتكوين ارقىلى ينۆەستيتسييا تارتۋمەن اينالىسامىز. ەرينە, تەگٸن جۇمىس ٸستەمەيمٸز. كٶمەكتەسكەنٸمٸز ٷشٸن قانداي دا بٸر مٶلشەرٸن, ٷلەسٸن الامىز. ولارمەن بٸرٸگٸپ سول ستارتاپتى كٶتەرەمٸز.
كٶرٸنبەيتٸن اقشا – كريپتوۆاليۋتا
2009 جىلى العاش رەت كريپتوۆاليۋتا تٷسٸنٸگٸ ەندٸ. كريپتوۆاليۋتادا قۇپييالى اقشا, بلوكچەين تەحنولوگيياسى قولدانىلادى. ەشقانداي دەلدالسىز, ەشقانداي بانك جٷيەسٸنسٸز, ەشقانداي مەملەكەتتٸڭ باقىلاۋىنسىز بٸر ادام ەكٸنشٸ ادامعا ينتەرنەت جٷيەسٸن قولدانىپ اقشانى اۋدارا الادى دەگەن تٷسٸنٸكتٸ بٸلدٸرەدٸ. بلوكچەين – اقپاراتتى ساقتاۋ جٷيەسٸ. مىسالى, ٷلكەن سايتتاردىڭ ٶز
سەرۆەرلەرٸ بار. Facebook-تٸڭ ٶزٸندە 4 داتا-ورتالىعى بار, ەڭ كٸشٸسٸنٸڭ اۋماعى – 27 مىڭ شارشى مەتر. بٷكٸل فوتو, ۆيدەو, حابارلامالارىمىز سول سەرۆەرگە ساقتالادى. بلوكچەين دەگەنٸمٸز تۋرا سونداي داتا-ورتالىقتار سەكٸلدٸ جۇمىس جاسايدى. بٸراق بۇل بٸر كومپيۋتەر, بولماسا ٷلكەن انگار بولۋى مٷمكٸن.
مىڭداعان كومپيۋتەر جۇمىس جاساۋعا قابٸلەت بەرٸپ تۇرعاندىقتان اقپارات بٸر جەردە ساقتالمايدى, مىڭداعان ورتالىقتاندىرىلماعان داتا-ورتالىقتاردا ساقتالعاندىقتان اقپارات اشىق جەنە ونى جويۋ مٷمكٸن ەمەس. سول سەبەپتٸ بلوكچەين تەحنولوگيياسى ادامزات تاريحىن ٶزگەرتكەن رەۆوليۋتسييا دەسەك بولادى.
كريپتوۆاليۋتا ٸشٸندە ەڭ قودانىسقا يە بولعانى ول – بيتكوين. 2009 جىلى بيتكويندى جاساعان ساتوشي ناكاموتو دەگەن پروگرامميست بٸر ادام با, توپ پا ەشكٸم بٸلمەيدٸ.
مۇنى العاشىندا ەشكٸم دۇرىس قابىلدامادى, تٷسٸنبەدٸ. ول كەزدە 1 بيتكوين باعاسى 1 تسەنت تۇردى (0,01 اقش دوللارى). 2013 جىلى بيتكوين باعاسى كٶتەرٸلگەندە عانا ادامدار كٶڭٸل اۋدارا باستادى. ساناۋلى عانا پروگرامميستەر نازار اۋداردى. 2013 جىلى كريپتوۆاليۋتا نارىعىندا 1,5 ملرد دوللار اينالىمدا بولدى. بٷگٸنگٸ تاڭدا 100 ملرد دوللاردان استام اقشا اينالىپ جاتىر. "بيتكويننىڭ باعاسى نەگە تۇراقتى ەمەس?" دەپ سۇرايدى. ٶيتكەنٸ بيتكويننىڭ سانى شەكتەۋلٸ ەلەمدە 21 ملن عانا بولاتىن ەتٸپ شىعارعان. قازٸرگٸ تاڭدا 17,5 ميلليونى ينتەرنەتتە اينالىمدا بار. بٸر-بٸرٸمەن ەسەپ جاساسىپ جاتىر. نەعۇرلىم بيتكوين اينالىمىنا كٶپ اقشا كٸرسە باعاسى ٶسەدٸ.
ەگەر بيتكويندى شىعارىپ السا ونىڭ باعاسى قۇلايدى. سەبەبٸ سانى شەكتەۋلٸ, 2017 جىلى جاپونييا بيتكويندى زاڭ جٷزٸندە تەڭەستٸرٸپ, ۆاليۋتا رەتٸندە مويىندادى. بانكتەر, بيرجالار دا كٸرٸپ جاتىر. وسىعان بايلانىستى كەلەشەكتە بيتكويننىڭ باعاسى ٶسەدٸ. ساراپشىلاردىڭ بولجامىنشا, 2022 جىلعا قاراي بيتكويننىڭ باعامى 100 مىڭ دوللاردان اسىپ, 1 ملن دوللارعا دەيٸن بارۋى مٷمكٸن. سەبەبٸ كريپتوۆاليۋتا نارىعىنا بٸرنەشە ترلن اقش دوللارى كٸرەدٸ.
بيتكوين – تسيفلىق اقشا
بيتكوين تەحنولوگيياسى ارقىلى ادام اداممەن دەلدالسىز, بانكسٸز تٸكەلەي جۇمىس ٸستەيدٸ. بۇل تەحنولوگييا جاپپاي بەلەڭ الاتىن بولسا ەرتەڭ بارا-بارا ادامدار بانك قىزمەتٸن قولدانباۋى مٷمكٸن. باسقا مەملەكەتكە, قالاعا اقشا اۋدارۋ كەرەك بولسا بانككە جٷگٸنەمٸز. ولار ٶزدەرٸنٸڭ پايىزىن الادى, سول ارقىلى ٶمٸر سٷرەدٸ. بانكتٸڭ نەگٸزگٸ ەكٸ تابىسى بار بٸرٸنشٸ – تٶلەم جٷيەسٸ ارقىلى, ەكٸنشٸ – حالىققا بيزنەسكە كرەديت بەرۋ ارقىلى. ەرتەڭ بارا-بارا ادامدار كرەديت الۋدان قالىپ, ينۆەستيتسييامەن اينالىسقاندى جٶن كٶرۋٸ مٷمكٸن.
ۇلتتىق بانكتٸڭ پوزيتسيياسىن تٷسٸنەتٸن سەبەبٸم, كريپتوۆاليۋتانىڭ باعاسى ٶتە قۇبىلمالى. بٸر ٶسٸپ, بٸر تٷسٸپ تۇرادى. حالىقتىڭ ەلٸ ساۋاتى, بٸلٸمٸ جوق.
ادامدار حاباردار بولماستان قولدانساق, ۇرىنىپ قالۋى مٷمكٸن. الاياق كريپتوۆاليۋتاعا اقشاسىن سالۋى مٷمكٸن.
سەرٸكتەسٸم ولجاس نۇرتازين بٸر جارىم جىل بۇرىن بلوكچەين جەنە كريپتوۆاليۋتا تەحنولوگييانى قولعا الايىق دەگەن ويمەن قاۋىمداستىق قۇرۋ تۋرالى يدەيا تاستادى. بۇل قاۋىمداستىق ساندىق تەنولوگييا مەن كريپتوتەحنولوگييا سالاسىنداعى جۇمىستارمەن اينالىسادى. ونىڭ ٸشٸندە الاياق جوبالاردان تۇتىنۋشىلاردى قورعاۋ ماقساتىندا حالىقتى ساۋاتتانىرۋ جۇمىستارى كٸرەدٸ. قازٸر ۇيىمدا جٷزگە جۋىق ادام بار.
ٶزٸم كريپتوۆاليۋتانى ينۆەستيتسييالاۋ ٷشٸن ەرتٷرلٸ بيرجانى قولدانامىن. بيرجادا ساۋدا جاسايمىن. ترەددينگ دەپ اتالادى. ارزانعا ساتىپ الىپ, قىمباتتاعان كەزدە ساتامىن. اقشادان اقشا جاساۋمەن اينالىسامىن. ەڭ نەگٸزگٸ جۇمىسىم ترەددينگ ەمەس, ستارتاپتارعا ينۆەستيتسييا جاساۋ.
ستارتاپ جوبالار
Crowdsale Network – رەسەي مەن يزرايلدەگٸ ەرٸپتەستەرمەن بٸرلەسە قۇرىلعان حالىقارالىق كومپانييا. قۇرامىندا قازٸر 5 مىڭنان استام ادام بار. بٸرلەسە يدەيانى تالقىلاپ, جاقسى بولسا ونى جٷزەگە اسىرۋعا كٶمەكتەسەمٸز.
بٷگٸنگٸ تاڭدا 4 ستارتاپپەن جۇمىس ٸستەپ جاتىرمىز.
بٸرٸنشٸسٸ – AIDA Service. اقتٶبەلٸك كەسٸپكەر سامات ۋرماگامبەتوۆ 15 جىلدان بەرٸ ٶزٸ باسقاراتىن "تسەنتر گرۋپ" كومپانيياسىندا سىبايلاس جەمقورلىقپەن كٷرەسٸپ شارشاعانىن ايتتى. جابدىقتاۋمەن اينالىساتىنداردان بٶلەك بۋحگالتەرييا دا اقشا ۇرلايدى. بٷكٸل قۇجاتتاردا "قىمبات ماتەريال الدىق" دەپ كٶرسەتەدٸ. شىن مەنٸندە قۇرىلىسقا ارزان ماتەريال سالعان. وسىنىڭ بەرٸ بولماۋى ٷشٸن AIDA Service دەگەن پلاتفورما جاساپ شىعاردىق. كەلٸسٸمشارتتار ٶندٸرۋشٸدەن تۇتىنۋشىعا تاۋار جەتكەنشە بلوكچەين ارقىلى جاسالادى. بٷگٸنگٸ تاڭدا قوستاناي وبلىسىنىڭ ەكٸمدٸگٸ ەنگٸزٸپ جاتىر. نۇر-سۇلتان قالاسىمەن دە كەلٸسسٶز ٷستٸندە. نۇر-سۇلتاندا ەلٸ ەكٸمدٸكتەر ەنگٸزگەن جوق, ٶيتكەنٸ ول جەردە اقشانى جاسىرۋ قيىن بوپ قالادى. جٷيەنٸ ناقتى ەنگٸزسە اقشا قايدا كەتكەنٸ بەرٸ كٶرٸنٸپ تۇرادى. وسى ستارتاپتى دامىتىپ جاتىرمىز.
ەكٸنشٸ ستارتاپ – زاماناۋي ەلەۋمەتتٸك جەلٸ. ادامدار بٸر-بٸرٸمەن اۆاتار ارقىلى سٶيلەسەدٸ, سٸزدٸڭ 2D, نە 3D اۆاتارىڭىز بولادى. ٶزٸنٸڭ مەسسەندجەرٸ مەن كريپتوەمييانى بولادى. اۆاتار گەولوكاتسيياعا بەكٸتٸلەدٸ. ياعني قوسىمشاعا كٸرگەن كەزٸمدە قاي قالادا وتىرعانىم, اينالامدا 1000 مەتر جەردە قانداي ۇيىمدار بارىن كٶرسەتەدٸ. سول مەكەمەلەرگە كٸرگەندە ولاردىڭ تاۋارلارىن زەرتتەگەنٸم ٷشٸن ەرتٷرلٸ بونۋستار جينايمىن. ۆيرتۋالدى اقشانى ساتىپ الامىن. مەكەمەلەر برەندتەرٸن جارنامالاعىسى كەلسە توكيندارى ارقىلى اقىسىن تٶلەۋٸ كەرەك. بۇل ەلەۋمەتتٸك جەلٸ كەڭٸنەن سۇرانىسقا يە بولعان كەزدە باعاسى ٶسەدٸ.
ٷشٸنشٸ ستارتاپ – تٶلەم جٷيەسٸ. تٶرتٸنشٸ جوبامىز مەدەنيەت سالاسىنا قاتىستى. جاستارعا, تالانتتى ادامدارعا قولداۋ كٶرسەتەتٸن قور اشتىق. قورعا مٷشە ينۆەستورلار جاساعان جوبالاردان ٷلەستەرٸن الىپ وتىرادى. قوردىڭ ٶز كريپتوۆاليۋتاسى بار. سالامات مۇحامەتەلي دەگەن رەجيسەر باستاما بٸلدٸردٸ.
ونىڭ "ۆەس مير ۆ ناشيح نوگ" دەگەن فيلمٸ شانحاي كينوفەستيۆالٸندە گران پري يەلەندٸ. "گورود پريزراكوۆ, ۆراتار درۋگوي مير" دەگەن ميستيكالىق, عىلىمي-فانتاستيكالىق كينونى تٷسٸرۋدٸ باستاپ كەتتٸك. ينۆەستيتسييا جيناپ جاتىرمىز. 2018 جىلى تامىز اياعىندا باستاعانبىز. ەكٸ جىلدىڭ ٸشٸندە جارىققا شىعارامىز دەپ وتىرمىز.
امەريكا نارىعىندا ميستيكالىق فيلمدەر جارناماسى جاقسى بولسا ٶتە ٷلكەن تابىس ەكەلەدٸ. ميستيكا سالاسى نەگە سۇرانىسقا يە? قازاقستاندىقتار تەك كومەديياعا بارادى, سەبەبٸ ولاردىڭ ٶمٸرٸ كرەديتتەن كرەديت دەگەن سيياقتى ميستيكاعا ۇقسايدى. امەريكانى - مٷمكٸندٸكتەر مەملەكەتٸ دەيدٸ. كەز كەلگەن ادام بٸر شابادانمەن كەلٸپ, كٶتەرٸلٸپ كەتەدٸ. ولار ميستيكالىق كينوعا دەمالۋ ٷشٸن بارادى. ادرەنالين شىعارىپ, كينو كٶرگەن جاقسى. سول سەبەپتٸ بيۋدجەتٸ از كاسسالىق كينونىڭ 90 پايىزى – ميستيكا.
بٸرٸنشٸ كينونىڭ ەلەمدٸك پروكاتى بولادى. سول كينو بويىنشا 28 ماۋسىمدىق 12 سەرييادان تۇراتىن سەريال شىعادى. ينۆەستور بوپ كەلگەن ادامدار جوبادان تٷسكەن تابىستان ٷلەسٸن الىپ وتىر. فيلم 2020 جىلى تٷسٸرٸلٸپ, 2021 جىلى ەكراندارعا جول تارتادى.
اقتاۋ قالاسىندا جاڭا جوبانى قولعا الدىق. ول – جىلدىڭ قاي مەرزٸمٸندە كەلسەڭٸز دە سۋعا تٷسٸپ, كٷنگە قىزدىرىنۋعا بولاتىن جاعاجاي. ٶزدەرٸنٸڭ توكيندەرٸ بولادى. ال توكيندەرٸ بار ادامدار كەز كەلگەن ۋاقىتتا بارىپ, 50 پايىز جەڭٸلدٸكپەن دەمالا الادى. ۇسىنىستار ٶتە كٶپ. باس سالىپ بارلىق جوبامەن جۇمىس جاساي بەرمەيمٸز. كوماندا بۇرىن نەمەن اينالىسقان, قانشالىقتى تەجٸريبەسٸ بار, قولدارىنان كەلەتٸنٸنە كٶزٸمٸز جەتكەندە عانا جۇمىستى باستايمىز.
باي بولۋ ٷشٸن نە ٸستەۋ كەرەك?
ەڭ بٸرٸنشٸ ادام وي-ٶرٸسٸن كەڭەيتۋ كەرەك. ويى بانكتەن كرەديت الۋ, قارىز قايتارۋ بولسا ەشقاشان بايىمايدى. باي بولۋ ٷشٸن ەڭ بٸرٸنشٸ قالاي مەن اقشا مەن ۋاقىتتى ٶز-ٶزٸمە جۇمىس ٸستەتە الامىن دەگەن مەسسەدج يەسٸ روبەرت كيوساكيدٸڭ بٸرنەشە كٸتابىن وقىپ شىقساڭ, مٷلدەم وي-ٶرٸسٸڭ كەڭەيەدٸ.
ادامدار كٸتاپ وقىمايدى, ساۋاتتىلىعىن ارتتىرمايدى, مٸنە, وسى پروبلەما. مەكتەپتە, ۋنيۆەرسيتەتتە العان بٸلٸممەن شەكتەلٸپ قالادى دا, جۇمىسقا بارىپ-كەلٸپ جٷرە بەرەدٸ. ٶزٸنٸڭ ٸشكٸ بٸلٸمٸن ارتتىرۋمەن اينالىسپايدى. ححٸ عاسىردا قارجى, ەكونوميكا سالاسىنداعى قاجەت كٸتاپتاردى وقۋ كەرەك. اكتيۆ, پاسسيۆ دەگەن نە? يپوتەكاعا العان ٷي – پاسسيۆ, ادامدار ونداي ٷيدەن تەك زارداپ شەگەدٸ. قازاقتار ٷي بولماسا بەرەكە بولمايدى دەيدٸ دە, ٷي الۋعا اقشا جۇمسايدى. ٷيدە تۇرادى, بٸراق اقشا جۇمىس ٸستەمەيدٸ. بۇل – پاسسيۆ, ياعني تابىس ەكەلمەيتٸن, اي سايىن قالتاڭىزدان اقشا سۇرايتىن دٷنيە. اكتيۆ – پايدا ەكەلەتٸن دٷنيە. باي بولۋ ٷشٸن ميمەن تٷسٸنۋ كەرەك. سول كەزدە عانا 1 بيتكويندى 1,5 ملن تەڭگەگە ساتىپ المايدى.
اقشا تابۋدىڭ ەڭ باستى قاسيەتٸ – تٶزٸمدٸلٸك. كٶبٸنەسە ادامدار شىدامايدى, ينۆەستيتسييانى قازٸر سالادى دا, باعاسى تٶمەندەي باستاسا اقشاسىن بيرجادان شىعارىپ الادى. ينۆەستور بولعان سوڭ كەم دەگەندە 5 جىلعا دەيٸن شىدايمىن دەپ كەلۋ كەرەك. سول كەزدە عانا تابىس بولادى. كرەديتكە, قارىزعا العان اقشانى ينۆەستيتسيياعا جۇمساۋعا بولمايدى. ەڭبەكپەن تاپقان اقشانى عانا ينۆەستيتسيالاۋ كەرەك. قارىزعا الىپ, پروتسەنتكە كٸرٸپ كەتكەندەر ينۆەستيتسييا سالاسىندا زارداپ شەگەدٸ. بٸز وسىنىڭ بەرٸن ٷيرەتەمٸز.
جاڭا ماماندىق – ستارتاپ-پروموۋتەر
نارىقتا ستارتاپ-پروموۋتەر دەگەن جاڭا ماماندىق ەنگٸزٸپ جاتىرمىز. ريەلتور مٷلٸكتٸ ساتۋمەن اينالىسادى جەنە كٶمەكتەسكەنٸ ٷشٸن پايىزىن الادى. پروموۋتەر يدەياڭىزدى ينۆەستورعا جەتكٸزەدٸ. يدەياڭىزدى بٸرنەشە ستارتاپەر بٸرنەشە تٸلدە دامىتىپ, جارنامالايدى. بٸرنەشە جاس ساناتىنا بٶلدٸك. 12 جاستاعى جاسٶسپٸرٸمدەردەن باستاپ جۇمىس ٸستەيمٸز.
ەر مامان بٸرٸنشٸ كەزەكتە ٶزٸنٸڭ جەكە تۇلعاسىن دامىتادى. ەرتٷرلٸ تاقىرىپتى تالقىلايدى. ٶز سالاسىن زەرتتەپ, قانشاما اقپارات الادى. ۋاقىت ٶتە كەلە قالاي ٶسكەنٸن بٸلمەي قالادى.
كەز كلەگەن بيزنەستٸ تۇتىنۋشىعا جەتكٸزۋ ٷشٸن ەڭ بٸرٸنشٸ كٶپ قاراجات كەتەتٸن جٷيە ول – ماركەتينگ. جارناماعا 90% قارجى كەتەدٸ. قازٸر ۋنيۆەرسيتەتتەرمەن تىعىز قارىم-قاتىناستامىز. ستۋدەنتتەردەن "كٸم بولاسىزدار, كەسٸپ اشۋعا قانداي جوسپارلارىڭىز بار?" دەپ سۇراعاندا 100 ادامنىڭ ەكەۋٸ عانا قولىن كٶتەرەدٸ. 98% ەلٸ كٷنگە دەيٸن "ديپلوم الامىن, جۇمىسقا تۇرامىن, جالاقىنىڭ قۇلى بولامىن" دەگەن حح عاسىردىڭ ويىمەن جٷر. ەكٸ پروتسەنتٸ عانا بيزنەس اشامىن دەيدٸ. بٸزدٸڭ ماقساتىمىز بۇل ستاتيستكيانى تىم بولماسا 50/50 ٶزگەرتۋ.
جۇمىسسىزدىق كٷننەن كٷنگە ارتادى. قانشاما مامان وقۋ بٸتٸرەدٸ, ولاردىڭ بەرٸن جۇمىسپەن قامتاماسىز ەتۋ مٷمكٸن ەمەس. جۇمىس ورىن اشاتىن كەسٸپكەرلەر كٶبەيۋٸ تيٸس.
مەن ٷشٸن اقشا – يدەيا
الداعى ون جىلدا ٶزٸمدٸ ميللياردەر رەتٸندە ەلەستەتەمٸن. ميللياردەر بولعان ازاماتتاردى وقيمىن, زەرتتەيمٸن. ححٸ عاسىردا ميللياردەر بولۋ ەبدەن مٷمكٸن. ستارتاپتاردى دامىتۋ ارقىلى 20 ملرد اقش دوللارى كٶلەمٸندە كاپيتاليزاتسييامىز بولادى دەگەن جوسپار بار.
اقشا مەن ٷشٸن – يدەيا. بەلكٸم بۇعان 15 جاسىمدا قولىما تٷسكەن كٸتاپ سەبەپ بولعان شىعار. ول كٸتاپتى وقىعان سوڭ وي-ٶرٸسٸم كەڭەيٸپ, ٶزگەردٸم.
كيوساكيدٸڭ بارلىق كٸتابىن وقىپ شىقتىم. باستى يدەياسى "اقشا بۇل – جەي عانا يدەيا". اقشا ٷشٸن بٸر-بٸرٸن ٶلتٸرٸپ جاتادى عوي, قازٸر ونداي زامان ەمەس. يدەياڭ بولسا اقشا جاساۋعا بولادى. سودان كەيٸن يدەياڭدى قولدايتىن بٸر ويداعى ادامدار پايدا بولا باستايدى.
كەيدە ٶمٸردٸڭ مەنٸ نەدە دەپ ويلايسىڭ. ٶمٸردٸڭ مەنٸ – ۇرپاق قالدىرۋ. كەسٸپتٸڭ قۇلاعىن ۇستاپ, ٶسٸپ كەلە جاتقان بالالار دۇرىس جولمەن جٷرسە دەيسٸڭ. ەڭ باستى ماقسات – ەلٸمنٸڭ دامۋىنا ٷلەسٸمدٸ قوسۋ. "مەملەكەت ساعان نە ٸستەي الادى ەمەس, سەن مەلمەكەتكە نە ٸستەي الاسىڭ" دەگەن جٶن. ادام بولعان سوڭ قوعامعا پايداڭ تييۋٸ كەرەك. اتا-انالار, بالالارىڭىزدى جاس دەپ ويالاماڭىزدار, قازٸردەن ٸت سالاسىنا بەرٸڭٸزدەر.
نازەركە ابيبۋللا,
