قازاقستاندا قايتا قارجىلاندىرۋ مٶلشەرلەمەسٸنٸڭ ورنىنا بازالىق مٶلشەرلەمە اقشا-كرەديت ساياساتىنىڭ نەگٸزگٸ قۇرالى رەتٸندە ۇسىنىلادى. بۇل تۋرالى بٷگٸن مەجٸلٸستٸڭ جالپى قر ۇلتتىق ەكونوميكا مينيسترٸ رۋسلان دەلەنوۆ ايتتى, دەپ حابارلايدى قازاقپارات.
مينيستردٸڭ اتاپ ٶتۋٸنشە, مۇنداي شارا «قر-نىڭ كەيبٸر زاڭنامالىق اكتٸلەرٸنە ەكونوميكالىق ٶسۋدٸ قالپىنا كەلتٸرۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسىندا كٶزدەلگەن.
«اقشا-كرەديت ساياساتىن جەتٸلدٸرۋگە باعىتتالعان بٸرقاتار تٷزەتۋلەر كٶزدەلەدٸ. زاڭناما نورمالارىن بٸرٸزدەندٸرۋ ٷشٸن قايتا قارجىلاندىرۋ مٶلشەرلەمەسٸنٸڭ ورنىنا بازالىق مٶلشەرلەمە اقشا-كرەديت ساياساتىنىڭ نەگٸزگٸ قۇرالى رەتٸندە ۇسىنىلادى. قارجى نارىعىنىڭ تۇراقتىلىعى بويىنشا سينديكاتتالعان قارىز بەرۋ تەتٸگٸن جەتٸلدٸرۋگە باعىتتالعان تٷزەتۋلەر كٶزدەلەدٸ», - دەدٸ ول.
مينيستردٸڭ ايتۋىنشا, بۇل بٸرنەشە بانكتٸڭ, حالىقارالىق قارجى ۇيىمدارىنىڭ بٸر شارت اياسىندا قارىز الۋشىنىڭ كرەديتتەنۋٸنە مٷمكٸندٸك بەرەدٸ.
«بەيرەزيدەنت بانكتەردٸڭ, ساقتاندىرۋ (قايتا ساقتاندىرۋ) ۇيىمدارىنىڭ فيليالدارى ٷشٸن ەلدٸڭ قارجى ۇيىمدارىنا ۇقساس تالاپتاردى ايقىنداۋ ۇسىنىلادى. ميكروقارجى ۇيىمدارىنىڭ قىزمەتٸن قارجى ۇيىمدارىنا تەڭەستٸرۋ كٶزدەلەدٸ. بۇل قارجى قىزمەتتەرٸنٸڭ ادال بەسەكەلەستٸگٸن قولداۋدى جەنە تۇتىنۋشىلاردىڭ قۇقىقتارىن قورعاۋدى قامتاماسىز ەتەدٸ», - دەدٸ رۋسلان دەلەنوۆ.
